„აქსისმა" ოლიმპიურ ჩემპიონებს საცხოვრებელი ბინები გადასცა
„აქსისმა" მანუჩარ კვირკველიას, რევაზ მინდორაშვილს, ირაკლი ცირეკიძესა და გიორგი გოგშელიძეს საცხოვრებელი ბინები გადასცა
დაჯილდოების ცერემონია „აქსისის" სათაო ოფისში გაიმართა. შეხვედრაზე კიდევ ერთი საცხოვრებელი ბინა ასევე „აქსისის" სახლში საქართველოს ოლიმპიური კომიტეტის პრეზიდენტის მოვალეობის შემსრულებელმა გოგი თოფაძემ პეკინის ოლიმპიური თამაშების ბრინჯაოს პრიზიორს ოთარ თუშიშვილს გადასცა.
როგორც „ინტერპრესნიუსს" „აქსისის" დირექტორმა გიორგი კაპანაძემ განუცხადა, ქართველმა სპორსტმენებმა შეუძლებელი შეძლეს და საქართველო იმ დროს ასახელეს, როცა ყველაზე მეტად უჭირდა.
„განსაკუთრებულ მადლობას ვეუბნებით ასევე ბრინჯაოს პრიზიორებს ოთარ თუშიშვილსა და გიორგი გოგშელიძეს, რადგან მათ სწორედ მაშინ შეძლეს გამარჯვება, როდესაც მათი მშობლიური ქალაქი გორი ინტენსიურად იბომბებოდა. მოხარული ვართ, რომ შეგვიძლია წავახალისოთ ჩვენი ჩემპიონები და როგორც ოლიმპიური ნაკრების სპონსორები მზად ვართ, კიდევ უფრო მეტად შევუწყოთ ხელი სპორტის განვითარებას საქართველოში", - განაცხადა კაპანაძემ.
შეხვედრას საქართველოს ოლიმპიური კომიტეტის, სპორტისა და ახალგაზრდობის საქმეთა დეპარტამენტის და ჭიდაობის ფედერაციის ხელმძღვანელი პირები ესწრებოდნენ.
პეკინის ოლიმპიადის ხუთ პრიზიორს საცხოვრებელი ბინები „აქსისის" მშენებარე კომპლექსში „დიდუბის სამი ეზო" გადაეცათ.
კომპანია „აქსისი" ასპონსორებს ასევე საქართველოს პროფესიონალურ ლიგას და ჩემპიონთა ლიგის ტრანსლირებას. იგი არის საფეხბურთო გუნდ „ლოკომოტივის" წილის მფლობელი. ჯანსაღი ცხოვრების წესის დასანერგად „აქსისის" მშენებარე ობიექტებში ექვსი აუზის მშენებლობა მიმდინარეობს.
http://interpressnews.ge/index.php?lang_id=GEO&sec_id=450&info_id=239610
„განსაკუთრებულ მადლობას ვეუბნებით ასევე ბრინჯაოს პრიზიორებს ოთარ თუშიშვილსა და გიორგი გოგშელიძეს, რადგან მათ სწორედ მაშინ შეძლეს გამარჯვება, როდესაც მათი მშობლიური ქალაქი გორი ინტენსიურად იბომბებოდა. მოხარული ვართ, რომ შეგვიძლია წავახალისოთ ჩვენი ჩემპიონები და როგორც ოლიმპიური ნაკრების სპონსორები მზად ვართ, კიდევ უფრო მეტად შევუწყოთ ხელი სპორტის განვითარებას საქართველოში", - განაცხადა კაპანაძემ.
შეხვედრას საქართველოს ოლიმპიური კომიტეტის, სპორტისა და ახალგაზრდობის საქმეთა დეპარტამენტის და ჭიდაობის ფედერაციის ხელმძღვანელი პირები ესწრებოდნენ.
პეკინის ოლიმპიადის ხუთ პრიზიორს საცხოვრებელი ბინები „აქსისის" მშენებარე კომპლექსში „დიდუბის სამი ეზო" გადაეცათ.
კომპანია „აქსისი" ასპონსორებს ასევე საქართველოს პროფესიონალურ ლიგას და ჩემპიონთა ლიგის ტრანსლირებას. იგი არის საფეხბურთო გუნდ „ლოკომოტივის" წილის მფლობელი. ჯანსაღი ცხოვრების წესის დასანერგად „აქსისის" მშენებარე ობიექტებში ექვსი აუზის მშენებლობა მიმდინარეობს.
http://interpressnews.ge/index.php?lang_id=GEO&sec_id=450&info_id=239610
