თემურ ქეცბაია: სი იამა!
თემურ ქეცბაია: სი იამა!
თემურ ქეცბაიას "ანორთოსისი" აღარ ხუმრობს. ახალგაზრდა ქართველი სპეციალისტის მიერ გაწვრთნილი კვიპროსელი ფეხბურთელები წლევანდელი ჩემპიონთა ლიგის უდიდესი სენსაციის ავტორებად მოგვევლინნენ. "ინტერის", "პანათინაიკოსისა" და "ვერდერის" მრისხანე კამპანიაში ისინი მეორე ადგილზე არიან და ჯგუფიდან გასვლის რეალურ შანსს ინარჩუნებენ.სპეციალისტები, გულშემატკივრები და მასმედიელები გაოცებას ვერ მალავენ. რა ხდება "ანორთოსისში"? როგორ ახერხებს ხუთმილიონ-ევროიანი ბიუჯეტის მქონე კლუბი იმ გრანდებთან გატოლებას, რომელთაც საბანკო ანგარიშზე ათობით მილიონი აქვთ? ამ და სხვა საინტერესო საკითხებზე თემურ ქეცბაია ვრცლად საუბრობს.
_ თემურ, პირველი ქართველი მწვრთნელი ხართ, რომელმაც გუნდი ჩემპიონთა ლიგის ჯგუფურ ეტაპზე გაიყვანა...
_ ძალიან მიხარია, რომ ჩემი გუნდი ჩემპიონთა ლიგაზე თამაშობს. საკუთარ თავზე ლაპარაკი არ მიყვარს. წარმატება გუნდური სულისკვეთებით მოვოპოვეთ. ფეხბურთელები მთელ ჯიგარს დებენ თითოეულ მატჩში და შედეგებიც მოდის. აქამდე კვიპროსული ფეხბურთი არაფრით იყო გამორჩეული, ახლა კი ლიგაზე ვთამაშობთ, მთელი ევროპის ყურადღების ქვეშ ვართ მოქცეული და ყველაფერი ეს სიზმარი არაა.
_ “ინტერთან” მატჩების შემდეგ, იტალიელთა თავკაცმა, ჟოზე მოურინიომ კომპლიმენტები მოგიძღვნათ, რაც მისგან უჩვეულოა...
_ მოურინიოს ქება ნამდვილად სასიამოვნო იყო. კვიპროსში 3:3 დასრულებული მატჩის შემდეგ, ჟოზემ ხელი ჩამომართვა და მითხრა: “თემურ, შენ ძალიან მაგარი გუნდი დაგიყენებია. ასე გააგრძელე!”
_ თუ “ანორთოსისისა” და ევროგრანდების ბიუჯეტებს გადავხედავთ, ძალიან დიდი სხვაობაა. როგორ ახერხებთ ასეთი მოკრძალებული თანხით ამხელა წარმატების მიღწევას?
_ ჩვენი ბიუჯეტი 5 მილიონი ევროა, რაც ჩემპიონთა ლიგაზე მოთამაშე გუნდისთვის მართლაც მიზერული თანხაა. სამაგიეროდ, გრანდებს იმით ვჯობივართ, რომ უდიდესი მოტივაცია გვაქვს. მაგალითად, “ინტერთან” მატჩში თითოეული ფეხბურთელი მზად იყო, თავი დაედო, რომ იტალიელებისთვის გოლი გაეტანა. ჩვენი საქმე თამაშია და მატჩის დროს ბიუჯეტზე ნაკლებად ვფიქრობთ.
_ ჩემი ინფორმაციით, “ანორთოსისს” მენეჯერობასაც თქვენ ითავსებთ და ფეხბურთელების სელექციას თავად აწარმოებთ. რამდენად მართალია ეს?
_ რაკიღა სოლიდური ფინანსებით ვერ დავიკვეხნით, თავს ზედმეტი ფულის ხარჯვის უფლებას არ ვაძლევთ. გრანდებს აქვთ საიმისო ფუფუნება, რომ ჰყავდეთ მაღალანაზღაურებადი სელექციონერები, რომლებიც დადიან სხვადასხვა ქვეყნებში და ჩამოჰყავთ ფეხბურთელები, რომელთაგანაც ბევრს სათადარიგოთა სკამზე ხანგრძლივად ჯდომა უწევს. გუნდში ვერ ავიყვან ისეთ მოთამაშეს, რომელიც არ გამომადგება.
სიმართლე რომ გითხრათ, სელექციისას დიდი არჩევანის საშუალება არ გვაქვს. კვიპროსის ჩემპიონატი არცთუ მაღალი დონისაა და ჩვენი გუნდები ახალგაზრდა, პერსპექტიულ ფეხბურთელებს ნაკლებად იზიდავენ. ასევე, რთულია გამოცდილი და ძლიერი მოთამაშეების გადმობირება. თუმცა, სეზონის წინ მაინც მოვახერხეთ კარგი კადრების შეკრება. “ანორთოსისმა” კონტრაქტები გაუფორმა გამოცდილ ბერძენ ევროპის ჩემპიონ ტრაიანიოს დელასს, ბრაზილიელ სავიოსა და ფრანგ სედრიკ ბარდონს. დანარჩენი ფეხბურთელები კი ბერძნული კლუბებიდან ჩამოვიყვანეთ.
_ წლევანდელ ჩემპიონთა ლიგაზე ყველაზე დიდი სიურპრიზები “ანორთოსისმა” და ბელარუსიის “ბატემ” შემოგვთავაზეს. რა პარალელს გაავლებთ ამ ორ გუნდს შორის?
_ ძირითადი განსხვავება ისაა, რომ ბელარუსები საკუთარი კადრებით გადიან ფონს, ჩვენ კი უფრო ლეგიონერების იმედად ვართ. სამწუხაროა, რომ “ბატეს” ჯგუფიდან გასვლის მიზერული შანსი დარჩა.
_ სხვათა შორის, ჯგუფიდან გასვლის, ასევე, მცირე შანსი აქვს რუსულ “ზენიტს”. არადა, სანკტპეტერბურგელებს მხოლოდ პორტუგალიელი ფეხბურთელი დანი 30 მილიონად ჰყავთ შეძენილი, რაც “ანორთოსისის” ბიუჯეტზე ექვსჯერ მეტია...
_ ეს ფაქტი კიდევ უფრო ნათლად მეტყველებს იმაზე, რომ დღევანდელ ფეხბურთში მხოლოდ ფული არაფერს წყვეტს. თუმცა, ისიც სათქმელია, რომ “ზენიტს” ფორტუნამაც შეაქცია ზურგი, ფეხბურთში კი იღბალი ძალიან მნიშვნელოვანია.
_ “ზენიტის” მთავარ მწვრთნელის, დიკ ადვოკაატის წლიური ჯამაგირი 2 მილიონი ევროა. საინტერესოა, თქვენ რამდენს იღებთ?
_ მომიტევეთ, მაგრამ ეს საკითხი კონფიდენციალურია. მხოლოდ იმას გეტყვით, რომ ადვოკაატისა და ჩემს ხელფასს შორის ასტრონომიული სხვაობაა.
_ კვიპროსში მოთამაშე ფეხბურთელებს თუ აქვთ ფინანსურად დალხენილი ცხოვრება?
_ აქ ძირითადად ისეთი მოთამაშეები ჩამოდიან, რომელთაც ფინანსური მხარე ნაკლებად ადარდებთ. ზოგიერთი კვიპროსული სასტუმროს რიგითი თანამშრომელი ფეხბურთელებზე მეტ ხელფასს იღებს. კვიპროსში ფეხბურთელის წლიური საშუალო ჯამაგირი 100-150 ათასი ევროა. თუმცა, ადრე უფრო რთული მდგომარეობა იყო _ მაშინ ფეხბურთელები ისეთ მცირე თანხას იღებდნენ, რომ თამაშის პარალელურად სხვა სამსახურებით იყვნენ დაკავებულები. სხვათა შორის, გუნდში ახლაც მყავს ადგილობრივი ფეხბურთელი ლამბროს ლამბუ, რომელიც პოლიციელი იყო.
_ მიმდინარე ჩემპიონთა ლიგაში თქვენმა გუნდმა უკვე 6 მილიონი ევრო გამოიმუშავა. ამ თანხას როგორ გაანაწილებთ?
_ შევთანხმდით, რომ ფეხბურთელები ჩემპიონთა ლიგიდან მიღებული თანხის 30 პროცენტს მიიღებენ, დანარჩენი თანხა კი გუნდის კეთილდღეობას მოხმარდება. ვიმედოვნებ, კიდევ უფრო მეტს მივაღწევთ. დაგეგმილი გვაქვს შემოსავლის 10 მილიონამდე გაზრდა. თუკი ვერდერს დავამარცხებთ, ჯგუფიდან გაღწევის შანს კიდევ უფრო გავიუმჯობესებთ, მერვედფინალში გასვლით კი უფრო მაღალ პრემიას მივიღებთ.
_ თქვენზე ემბობენ, რომ ძალიან მკაცრი მწვრთნელი ხართ...
_ მკაცრი ვარ, მაგრამ სამართლიანობის გრძნობას არასოდეს ვკარგავ. თითოეული ფეხბურთელისგან მოვითხოვ, რომ საქმეს პატიოსნად, პროფესიონალურად მიუდგეს. მოთამაშეები ბაზაზე ჩაკეტილი არ მყავს და მატჩამდე 24 საათით ადრე ვკრებ სასტუმროში.
_ იგინებით?
_ დიახ, ხანდახან ემოციებს ვერ ვთოკავ და ვიგინები. ვერცერთი მწვრთნელი ვერ შეიკავებს თავს ბილწსიტყვაობისაგან, როდესაც მისი გუნდი ვერ თამაშობს და ბურთი მეტოქის კარში არ შედის. ისე, სიხარულსაც ძალიან ემოციურად გამოვხატავ.
_ ნახევრად ხუმრობით ამბობენ, ზაფხულში კვიპროსში ცხოვრება ერთი კონდენციონერიდან მეორემდე სირბილიაო. როგორ ახერხებთ ასეთ სიცხეში ვარჯიშს?
_ ზაფხულში აქ მართლაც ძალიან ცხელა და კონდენციერები ყველგანაა დამონტაჟებული _ შენობებშიც და ტრანსპორტშიც. როდესაც სიცხე 40-45 გრადუსამდე ადის, იძულებულები ვართ, მხოლოდ საღამოობით ვივარჯიშოთ.
_ სანამ კუპერს ჩამოიყვანდნენ, საქართველოს ეროვნული ნაკრების თავკაცობის კანდიდატად განიხილებოდით. რა მოხდა მაშინ, რატომ თქვით უარი ნაკრებში მუშაობაზე?
_ ამ საკითხზე ბევრი ვიფიქრე და დავასკვენი, რომ ნაკრების გასაძღოლად ახლა მზად არ ვარ. სჯობს, ჯერ კლუბში ვიმუშავო, გამოცდილება დავაგროვო და ნაკრებზე მერე ვიფიქრო.
_ თუკი “ანორთოსისი” ჯგუფიდან გავა, რა სადღეგრძელოს იტყვით პირველად?
_ სი ამა! - ეს ბერძნული სადღეგრძელოა და ნიშნავს _ “ჩვენ გაგვიმარჯოს!”
www.Fact.ge
_ ძალიან მიხარია, რომ ჩემი გუნდი ჩემპიონთა ლიგაზე თამაშობს. საკუთარ თავზე ლაპარაკი არ მიყვარს. წარმატება გუნდური სულისკვეთებით მოვოპოვეთ. ფეხბურთელები მთელ ჯიგარს დებენ თითოეულ მატჩში და შედეგებიც მოდის. აქამდე კვიპროსული ფეხბურთი არაფრით იყო გამორჩეული, ახლა კი ლიგაზე ვთამაშობთ, მთელი ევროპის ყურადღების ქვეშ ვართ მოქცეული და ყველაფერი ეს სიზმარი არაა.
_ “ინტერთან” მატჩების შემდეგ, იტალიელთა თავკაცმა, ჟოზე მოურინიომ კომპლიმენტები მოგიძღვნათ, რაც მისგან უჩვეულოა...
_ მოურინიოს ქება ნამდვილად სასიამოვნო იყო. კვიპროსში 3:3 დასრულებული მატჩის შემდეგ, ჟოზემ ხელი ჩამომართვა და მითხრა: “თემურ, შენ ძალიან მაგარი გუნდი დაგიყენებია. ასე გააგრძელე!”
_ თუ “ანორთოსისისა” და ევროგრანდების ბიუჯეტებს გადავხედავთ, ძალიან დიდი სხვაობაა. როგორ ახერხებთ ასეთი მოკრძალებული თანხით ამხელა წარმატების მიღწევას?
_ ჩვენი ბიუჯეტი 5 მილიონი ევროა, რაც ჩემპიონთა ლიგაზე მოთამაშე გუნდისთვის მართლაც მიზერული თანხაა. სამაგიეროდ, გრანდებს იმით ვჯობივართ, რომ უდიდესი მოტივაცია გვაქვს. მაგალითად, “ინტერთან” მატჩში თითოეული ფეხბურთელი მზად იყო, თავი დაედო, რომ იტალიელებისთვის გოლი გაეტანა. ჩვენი საქმე თამაშია და მატჩის დროს ბიუჯეტზე ნაკლებად ვფიქრობთ.
_ ჩემი ინფორმაციით, “ანორთოსისს” მენეჯერობასაც თქვენ ითავსებთ და ფეხბურთელების სელექციას თავად აწარმოებთ. რამდენად მართალია ეს?
_ რაკიღა სოლიდური ფინანსებით ვერ დავიკვეხნით, თავს ზედმეტი ფულის ხარჯვის უფლებას არ ვაძლევთ. გრანდებს აქვთ საიმისო ფუფუნება, რომ ჰყავდეთ მაღალანაზღაურებადი სელექციონერები, რომლებიც დადიან სხვადასხვა ქვეყნებში და ჩამოჰყავთ ფეხბურთელები, რომელთაგანაც ბევრს სათადარიგოთა სკამზე ხანგრძლივად ჯდომა უწევს. გუნდში ვერ ავიყვან ისეთ მოთამაშეს, რომელიც არ გამომადგება.
სიმართლე რომ გითხრათ, სელექციისას დიდი არჩევანის საშუალება არ გვაქვს. კვიპროსის ჩემპიონატი არცთუ მაღალი დონისაა და ჩვენი გუნდები ახალგაზრდა, პერსპექტიულ ფეხბურთელებს ნაკლებად იზიდავენ. ასევე, რთულია გამოცდილი და ძლიერი მოთამაშეების გადმობირება. თუმცა, სეზონის წინ მაინც მოვახერხეთ კარგი კადრების შეკრება. “ანორთოსისმა” კონტრაქტები გაუფორმა გამოცდილ ბერძენ ევროპის ჩემპიონ ტრაიანიოს დელასს, ბრაზილიელ სავიოსა და ფრანგ სედრიკ ბარდონს. დანარჩენი ფეხბურთელები კი ბერძნული კლუბებიდან ჩამოვიყვანეთ.
_ წლევანდელ ჩემპიონთა ლიგაზე ყველაზე დიდი სიურპრიზები “ანორთოსისმა” და ბელარუსიის “ბატემ” შემოგვთავაზეს. რა პარალელს გაავლებთ ამ ორ გუნდს შორის?
_ ძირითადი განსხვავება ისაა, რომ ბელარუსები საკუთარი კადრებით გადიან ფონს, ჩვენ კი უფრო ლეგიონერების იმედად ვართ. სამწუხაროა, რომ “ბატეს” ჯგუფიდან გასვლის მიზერული შანსი დარჩა.
_ სხვათა შორის, ჯგუფიდან გასვლის, ასევე, მცირე შანსი აქვს რუსულ “ზენიტს”. არადა, სანკტპეტერბურგელებს მხოლოდ პორტუგალიელი ფეხბურთელი დანი 30 მილიონად ჰყავთ შეძენილი, რაც “ანორთოსისის” ბიუჯეტზე ექვსჯერ მეტია...
_ ეს ფაქტი კიდევ უფრო ნათლად მეტყველებს იმაზე, რომ დღევანდელ ფეხბურთში მხოლოდ ფული არაფერს წყვეტს. თუმცა, ისიც სათქმელია, რომ “ზენიტს” ფორტუნამაც შეაქცია ზურგი, ფეხბურთში კი იღბალი ძალიან მნიშვნელოვანია.
_ “ზენიტის” მთავარ მწვრთნელის, დიკ ადვოკაატის წლიური ჯამაგირი 2 მილიონი ევროა. საინტერესოა, თქვენ რამდენს იღებთ?
_ მომიტევეთ, მაგრამ ეს საკითხი კონფიდენციალურია. მხოლოდ იმას გეტყვით, რომ ადვოკაატისა და ჩემს ხელფასს შორის ასტრონომიული სხვაობაა.
_ კვიპროსში მოთამაშე ფეხბურთელებს თუ აქვთ ფინანსურად დალხენილი ცხოვრება?
_ აქ ძირითადად ისეთი მოთამაშეები ჩამოდიან, რომელთაც ფინანსური მხარე ნაკლებად ადარდებთ. ზოგიერთი კვიპროსული სასტუმროს რიგითი თანამშრომელი ფეხბურთელებზე მეტ ხელფასს იღებს. კვიპროსში ფეხბურთელის წლიური საშუალო ჯამაგირი 100-150 ათასი ევროა. თუმცა, ადრე უფრო რთული მდგომარეობა იყო _ მაშინ ფეხბურთელები ისეთ მცირე თანხას იღებდნენ, რომ თამაშის პარალელურად სხვა სამსახურებით იყვნენ დაკავებულები. სხვათა შორის, გუნდში ახლაც მყავს ადგილობრივი ფეხბურთელი ლამბროს ლამბუ, რომელიც პოლიციელი იყო.
_ მიმდინარე ჩემპიონთა ლიგაში თქვენმა გუნდმა უკვე 6 მილიონი ევრო გამოიმუშავა. ამ თანხას როგორ გაანაწილებთ?
_ შევთანხმდით, რომ ფეხბურთელები ჩემპიონთა ლიგიდან მიღებული თანხის 30 პროცენტს მიიღებენ, დანარჩენი თანხა კი გუნდის კეთილდღეობას მოხმარდება. ვიმედოვნებ, კიდევ უფრო მეტს მივაღწევთ. დაგეგმილი გვაქვს შემოსავლის 10 მილიონამდე გაზრდა. თუკი ვერდერს დავამარცხებთ, ჯგუფიდან გაღწევის შანს კიდევ უფრო გავიუმჯობესებთ, მერვედფინალში გასვლით კი უფრო მაღალ პრემიას მივიღებთ.
_ თქვენზე ემბობენ, რომ ძალიან მკაცრი მწვრთნელი ხართ...
_ მკაცრი ვარ, მაგრამ სამართლიანობის გრძნობას არასოდეს ვკარგავ. თითოეული ფეხბურთელისგან მოვითხოვ, რომ საქმეს პატიოსნად, პროფესიონალურად მიუდგეს. მოთამაშეები ბაზაზე ჩაკეტილი არ მყავს და მატჩამდე 24 საათით ადრე ვკრებ სასტუმროში.
_ იგინებით?
_ დიახ, ხანდახან ემოციებს ვერ ვთოკავ და ვიგინები. ვერცერთი მწვრთნელი ვერ შეიკავებს თავს ბილწსიტყვაობისაგან, როდესაც მისი გუნდი ვერ თამაშობს და ბურთი მეტოქის კარში არ შედის. ისე, სიხარულსაც ძალიან ემოციურად გამოვხატავ.
_ ნახევრად ხუმრობით ამბობენ, ზაფხულში კვიპროსში ცხოვრება ერთი კონდენციონერიდან მეორემდე სირბილიაო. როგორ ახერხებთ ასეთ სიცხეში ვარჯიშს?
_ ზაფხულში აქ მართლაც ძალიან ცხელა და კონდენციერები ყველგანაა დამონტაჟებული _ შენობებშიც და ტრანსპორტშიც. როდესაც სიცხე 40-45 გრადუსამდე ადის, იძულებულები ვართ, მხოლოდ საღამოობით ვივარჯიშოთ.
_ სანამ კუპერს ჩამოიყვანდნენ, საქართველოს ეროვნული ნაკრების თავკაცობის კანდიდატად განიხილებოდით. რა მოხდა მაშინ, რატომ თქვით უარი ნაკრებში მუშაობაზე?
_ ამ საკითხზე ბევრი ვიფიქრე და დავასკვენი, რომ ნაკრების გასაძღოლად ახლა მზად არ ვარ. სჯობს, ჯერ კლუბში ვიმუშავო, გამოცდილება დავაგროვო და ნაკრებზე მერე ვიფიქრო.
_ თუკი “ანორთოსისი” ჯგუფიდან გავა, რა სადღეგრძელოს იტყვით პირველად?
_ სი ამა! - ეს ბერძნული სადღეგრძელოა და ნიშნავს _ “ჩვენ გაგვიმარჯოს!”
www.Fact.ge
