|
საპარლამენტო დარბაზში სახმარი სიტყვების განმარტება: ა აბაროტის აღება _ ნაცვლის მიგებად მცდელობა აბიჟნიკი _ წყენის მთესველი აეწელა _ ფიცხად წინა აღუდგა ავარდნა _ ჟინთ აშლა აიწია _ ფრიად განკვირდა ამტუტება _ წესთ აღრევა ანტიფრონცკი _ ზმანითა მოამაყე, გინა კოხტაპრუწა არიფი _ ჰარიფთან ნახე არღნის ჩიტი _ მუდმივ სტუმრობისა და ცეკვა-თამაშის მოყვარულს დიაცზედ იტყვიან ატაშოლი _ ძმადნაფიცისა ძმობითგან განზიდვა აუდე _ წარსვლისათვის უკმეხი მოწოდება აყლისთავება _ ესე არს მუშტის შემოკვრით ყირამალა გარდასლვა; ანუ ფეხისა აცურებით ზურგზედ დაცემა; გარნა აყლისთავებას უეცარი, გინა უცხო შეგრძნებისაგან თავბრუ დახვევაზეც იტყვიან აჩათლახა _ სახეზედ მუშტი ჰკრა აწევა _ თანა წარსაღებად თუ წარსაყვანად მობოჭვა ახევა _ წართმევა მძლავრისაგან ახვევა _ წარსლვა უპატიურისა ახუილიშ _ ოღონდაც ახურუშებული _ ქუენა გრძნობათ აყოლილი
ბ
ბაზარი _ სიტყუა-პასუხი ბაზრის შეყვანა _ რა პირისა მოსაშინჯად სიტყუა განფინო, დაბაზრებასთან ნახე ბაზარში წამოიკიდა _ საუბრითა მტყუვან-ჰყო ბათქი _ ურთიერთ საშუღლო პაემანი ბაიანი _ ნემსიანი ჭურჭელი ბაითი _ ებრაელთა ენით: საყოფელი საბინადრო ბაირამობა _ აწ: შუება ხორციელი ბალამუტი _ აღრევის მოწადინეთა ხმიანობა ბანძი _ ცუდუბრალო ბასიაკი _ მდაბალი მემთვრალე ბაცანა _ ლაწირაკი ბაცნობა _ უწვერულთ ყრმათა ლაღობა ბესპონტაობა _ საქნელთ ვერ-მოპოება ბესპრიდელი _ წესთ თაკილობა ბირჟა _ ესე ოდეს ყმანი საფიხვნოდ შეიყრებიან, უშვერებენ და ამპარტავნებენ ბლატავი _ გულ მაღლად საუბარი ბლატი _ ამა ქუეყნის უაღრესისა მარგებლად ყოლა ბოი-ფრენდი _ ენგლიზელთა ენაზედ კუროსა ჰქვიან, სიძვით მტრფიალებელი ბოლი _ თრიაქთ წვისა მშრალი ნისლი ბოლო პასადკა _ დასკუნა რაიმესი; კვალად უწოდენ, ოდეს მეძავი გათხოვდეს
გ
გააბლატავა _ თვისზედ უმცროსსა მედიდურებისათვის მწედ ეყო გაბაზრება _ ზურგთ-უკან რაიმესი მხელა, გამსკდართან ნახავ გაბლატავდა _ გული მოიცა გაგება _ წესი, მოძღურება, რომელ არს: გაგება ქურდული, გინა შავი, ანუ წესი ავაზაკთა; გაგება ქალაქური; გაგება ძველი, ანუ ამპარტავანთ შეჯიბრება; გაგება კაცური, გინა ვაჟკაცური, მრავალ ქურდულ დოგმატთაგან განწმენდილ; გაგება ქუჩური, ბირჟის კვრისა წესი; ესრეთ მოვალს გაგებისა კვალად მრავალი სახელი, აქა ესე ვიკმაე გადაახტა _ თავზედო, ამბობენ, ესე ვითარ არა ნიშნეულ ჰყო; კვალად მრავალ-ნაცადზედ იტყვიან ათას ყლეზედ გადანახტომს გადირკვა _ ვისიმე ფეხებ შუა ბურთისა გაძვრინება გაედო _ ფინთად დაენძრა გათავება _ თალიისა განსრულება გათევზდა _ რა მცირეს პირობასა გარდაÂდეს სხუათა უზიანებლად გაკუზვა _ წახრილისა ტყუნა გალუბოი _ სხუათა ენაა, ცისფერთან ნახე გამაზვა _ თვისის ჰაზრის სისწორისა თავდებობა. რა ორთა გამმაზავთა შორის ერთი გამტყუვნდეს, გამტყუვნებულმან ფულითა გინა სხვითა ზღოს; გამაზვა სხუა არს პონტისაგან მოკლება; არს ოდესმე გამაზვა ქრთამის მიცემაცა გამოყლევება _ დია მძიმე სიბრიყვე გამოყლევებული _ გამოყლევება ქმნილი გამსკდარი _ ურთიერთას თქმული, ამბავზედ იტყვიან, ხოლო განიყოფებიან ესე ვითარ: გაბაზრებული, რაიცა არს ჩუმად გამხელილი და გახეთქილი, რაიცა არს გამხელილი შფოთითა განაბი _ ქურდთაგან ბაძის ამღები განდონი _ საწულოთ საპყრობი; კვალად: კაცი ვერაგი გაპროჭვა _ ცემითა და მემთვრალეობით უგონობა გაჟიმვა _ მიწოლით მოტყუნა გასაღება _ ქირით მოკლვა გასრიალდი _ შენს მალ წარსვლას ვლამი გარეკილი _ ჭკვა მხიარული გასროკვა _ სროკზედ წარგზავნა გატანა _ ჭერ-ქუეშ ცარცვა გატისკვა _ უპატიური წურთნა გატრაკება _ უმიზეზოდ შფოთისა მოწადინება გატრაკება საქმისა _ საქნარისა დია გაჯანჯლება; გინა შეწუხება ფრიად ვინმესი გატყდომა _ წყენასავით გატეხილშია _ ხასიათ შემუსვრილია გაუჩალიჩა _ ავი შემართა გაფრენა _ ჭკვითგან გარდასლვა გაჩითვა _ ჩუმი გაშინჯვა გაჩითვა _ წარმოჩენა გაჩხერა _ ძარღუთა შიგან ნემსისა წიაღყოფა გაცვეტება _ რაიმესი გამოწულილვით განხილვა. ხოლო გაცვეტებანი ესრეთ განიყოფიან: უკეთუ კაცი რასმე ვინმესაგან საუბრით შეიმეცნებს, გაფაიზაღებად იწოდების; ოდეს თუალითა თვისით ჰნახავს, გინა გონებითა მიჰხვდების, გაიასნებად უხმობენ. გაწელვა _ ბაითისა; ბაითი გაწელაო დიდის სახლის მაშენებელზედ ამბობენ გახეთქვა _ ქალწულთ შერყუნა გახეთქვა _ გამხელასავით, გამსკდართან ნახე გახურება _ შუღლთ საბაბისა ძიება გოიმი _ კაცი მცირის დაბითგან ქალაქსა ჩასული, გარნა მუნ მკვიდრობისა ვერ-შემშუვინებელი გრევი _ უსრული პადაგრევისაგან გრეხი _ კაცის მიმართ შენაცოდი რაიმე; განჰყოფენ საქციელთა, რაიც გრეხია და რაიც არ არის; ესრეთს გრეხსა გაგებაში ჩაჭრად უწოდენ, უკეთუ მძიმეა შეცოდებაი და ტეხავსო იტყვიან, ოდეს მცირედი შესცოდა გულავი _ თვისისა სურვილისამებრ დროის გატარება, გარნა გულავი დედათა არს მიმო ტყნაური
დ
დააბრეხვა _ როყიო სათქუმელი თქუა დააგოიმა _ შეტყუილის დაჯერება აქმნია დააზანგა _ საქნელი რამე შეადვა დაამუღამა _ მუღამეულ-ჰყო დააცმევინა _ განაძო დაახეთქა _ ულოდნელი ისიტყუა რაიმე დაახუილა _ ძლიერ დაარტყა დაბმა _ ერთმან რომ მეორე რაიმეზედ დაიყოლიოს დაბაზრება _ ტკბილმოუბარობით პირის მოშინჯვა, რომელ არს: ბაზრის შეყვანა, როს დამბაზრებელი სათქმელის თქმულობას შეპარვით განაძლიერებს; ბაზრის შეგდება, თუ რომ იგივესა დაკვრით იქმს დაბოლება _ ბოლით დაბანგვისათვის მეცადინეობა დაბოლილი _ ბოლითგან დაბანგული დაბრედა _ ამა სოფლითგან მიფარვა დაგინება _ ბილწითა ენითა აღკრძალვა რაიმესი; გინა ბილწი ფიცილი დაგრუზვა _ გუემით ფიქრმეტყუილება დადება _ დატევებაზედ ამბობენ: იქმან დადებასა, ოდეს ერთმან მეორე დაუტევოს თავისა თვისისა ანაბარად; იქმან დადებასა, ოდეს ერთი მიჯნური მეორესა დასცილდეს; ხოლო ერთი მეორესა რა შეჰპირდეს, გარნა ბოროტ განზრახულებით უპიროდ დასტოვოს, ესე ვითარს დადებასა ჰქვიან გადაგდება დაენძრა _ ფრიადი შეჭირვება ეწყო დავასება _ თუალ შევარდნით სიამე დაზაგაჟნიკება _ მოზაგაჟნიკება გასწავლის დაიადა _ თვისს კერძოდ ჰყო დაიზეთა _ უარისათვის საბაბი შეუჭირდა დაიწვა _ ვერ დაფარულ ეყო დაკიდება _ საფიქრალითგან განდევნა დალივერება _ თუალ-თუალის ყოფა დაპადაგრევება _ პადაგრევისა მიძღუნა და რამე _ რაიც მისთანა; ყოველთა შემდგომად ესრეთ მოვალს: დაინახა და რამე, მიესალმა და რამე, უერთგულა და რამე და სხუანიცა დატყვნა _ ნაჩუმათარზედ წასწრებასა ჰქვიან საქციელზედ დატყვნა; რა კაცმა სიავე ჩაიდინოს, მიმალვა სცადოს და მდევრისაგან გაუცუდდეს, ესე არს ცხელ ფაქტზედ დატყვნა დაუაბგონა _ უკანა კერძად ჰყო დაუადა _ მცირედი ძღუენი მიართუა დაურტყა _ ულოდნელი საქციელი უქმნა დახვოსტვა _ კუდში მოლალეობა დერსკობა _ ამაყთ წარბ მაღლობა დილიხორი _ გამხელილი ხუაშიადი დობრად _ ძალთ უტანებელად
ე
ეე! _ ესრეთ იზრახვიან ჟამსა განკვირვებისასა, ანუ გახარებისასა, ანუ იმედის გაცრუებისა გინა გარდაწურვისასა; გარნა სხუაი არს ოდეს ესე ვითარად უამურს მოუწოდებდნენ ვისმე
ვ
ვაზვრატი _ არა გამოსასყიდი, რომელ არს წარტაცებულის სულიერის მოყუანები
|