უღმერთო ახმადინეჯადს დიდხანს ჰყავდა გამომწყვდეული ბრიტანელი მეზღვაურები ირანის ციხეში და მათ უცილო სიკვდილი ელოდათ. ამაო გამოდგა აშშ-სა და ბრიტანეთის მთავრობების მცდელობა დაეხსნათ ტყვეები. ბოლოს საქმეში შალიკო ჩაერთო და ტყვეები სულ რაღაც 1 დღეში სამშვიდობოს იყვნენ. დიდი ბრიტანეთის მადლიერმა ელჩმა შალვას მადლობის წერილი მიწერა, ხოლო ტონი ბლერმა სათევზაოდ დაპატიჟა თავისთან.
უნდა აღინიშნოს რომ მართლაც დაუფასებელია ამ ამაგდარი ადამიანის ღვაწლი რომელიც სცილდება ვიწრო ეროვმულ ინტერესებს და სრულიად მსოფლი, ზოგადსაკაცობრიო მნიშვნელობას იძენს.
ბევრმა არ იცის რომ უდიდესია მისი ღვაწლი ფაშიზმის დამარცხებაში, მან ააფრიალა რაიხსტაგზე ქანთარიასთან ერთად წითელი დროშა.
რა ჩამოთვლის მის ღვაწლს: იბრძოდა სპარტაკის მხარდამხარ, დამარცხებული ჰყავს ალექსანდრე მაკედონელი, მურმან ყრუ, შაჰ-აბასი, ის მიუძღვოდა რუსის ჯარს ნაპოლეონის წინააღმდეგ, ქართველებს დიდგორის ველზე, მის სახელს უკავშირდება საბჭოთა იმპერიის დანგრევა, სემირამიდას ბაღების, როდოსის კოლოსის და პირამიდების აშენება, კოსმოსისა და თბილისის საკრებულოს დაბყრობა.
მაგრამ, ჰქონდა წარუმატებლობებიც: 5-ჯერ არ შეუშვეს პარლამენტში და 3-ჯერ ფეშენბარში (ფეის კონტროლი ვერ გაიარა). წარუმატებლად დამთავრდა მისი მცდელობა გადაეწვა და გადაებუგა დედამიწა (თივა არ ეყო), ვერ გახდა საქართველოს პრეზიდენტი (ხმები არ ეყო), ვერ გალანძღა სააკაშვილი ისე როგორც მას უნდოდა (სიტყვები არ ეყო), ვერ გადაამოწმა ბრიტანეთის საელჩოდან მოწული წერილის ნამდვილობა (ჭკუა არ ეყო).
