↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"
ყოველდღიური დაიჯესტი


+ ახალი თემა ↩ პასუხი  [ 1920 posts ] 
ავტორიMessage
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
მართლმადიდებლური ეკლესიის მეთაური, სრულიად საქართველოს კათოლიკოს-პატრიარქი უწმინდესი და უნეტარესი ილია მეორე მიიჩნევს, რომ ”სანამ საქართველოში არ დამყარდება სამართლიანობა, ქვეყანაში არ დამყარდება სიმშვიდე”. ამის შესახებ მან პარასკევს, გაზეთ ”რეზონანსისთვის” მიცემულ ინტერვიუში განაცხადა.

”რეალურად ომის მიზეზი გახდა შეკვეთილი პოლიტიზირებული ისტორია ეგრეთ წოდებული სამხრეთ ოსეთისა და მისი არაარგუმენტირებული იურიდიული სტატუსი. სამართლიანობა - მშვიდობის გარანტიაა და სანამ საქართველოში არ იქნება სამართლიანობა, ქვეყანაში არ იქნება მშვიდობა”, - განაცხადა ილია მეორე.

პატრიარქი აღნიშნავს, რომ ”ეს არ იყო ეთნიკურ ან რელიგიურ საფუძველზე განვითარებული კონფლიქტი”. ”აგვისტოს მოვლენებს თავისი გლობალური გეოპოლიტიკური მიზეზები გააჩნია, ამიტომ, ჩვენი ქვეყანა მსოფლიო პოლიტიკური ძალების შეტაკების ადგილად გადაიქცა”, - განაცხადა ილია მეორემ.

ქართული მართლმადიდებლური ეკლესიის მეთაური აღნიშნავს, რომ საქართველოს ტერიტორიული მთლიანობის აღსადგენად ის კატეგორიულად გამორიცხავს ძალისმიერ მეთოდს.

”ტერიტორიული მთლიანობის მისაღწევად ძალისმიერ მეთოდს კატეგორიულად გამოვრიცხავ. ჩვენი ეკლესია დღეს და კონფლიქტამდეც სისხლისღვრის წინააღმდეგია, ამის შესახებ არაერთხელ განვაცხადეთ. დიპლომატიური, ეკონომიკური, კულტურული და რელიგიური ბერკეტები ”ჩატეხილი ხიდის” აღდგენის საშუალებას მოგვცემს”, - მიიჩნევს ილია მეორე.

სრულიად საქართველოს პატრიარქი თავის ინტერვიუში ასევე იხსენებს, რომ ადრე რუსულმა მართლმადიდებლურმა ეკლესიამ ქართული მართლმადიდებლური ეკლესიის იურისდიქცია აფხაზეთსა და ცხინვალის რეგიონში აღიარა. ”მართალია, ჯერ ჩვენ ამ რეგიონებში შესვლა არ შეგვიძლია და არ ვიცით, რა მდგომარეობაშია V-XIX საუკუნეების ქართული ეკლესიები და მონასტრები”, - აღნიშნავს ილია მეორე.

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
ბორის სოკოლოვი რუსეთის სახელმწიფო სოციალური უნივერსიტეტის პროფესორი რუსეთ-საქართველოს შორის აგვისტოში დაწყებულ ომამდე იყო. 2008 წლის აგვისტოში საქართველოში განვითარებულ მოვლენებზე მან თავისი მკვეთრად უარყოფითი დამოკიდებულება საომარი მოქმედებების დაწყებისთანავე გამოთქვა.
მისი სტატიის დაბეჭდვა გახდა მიზეზი გაზეთ "გაზეტას" მთავარი რედაქტორის დათხოვნის. ბორის სოკოლოვი კი სამუშაოდან, ანუ უნივერსიტეტიდან, რექტორატზე ხელისუფლების ზეწოლის გამო გაანთავისუფლეს.
სოკოლოვის განმარტებით, უნივერსიტეტიდან მისი გაშვება უნივერსიტეტის რექტორს ვასილ ჟუკოვს, პრეზიდენტ მედვედევის ადმინისტრაციიდან დარეკილმა ზარმა კატეგორიულად მოითხოვა. ამის შესახებ მას რექტორმა დეკანის საშუალებით აცნობა. დეკანმა კოლეგა პროფესორ ბორის სოკოლოვს გათავისუფლების შესახებ განცხადების დაწერა ნებაყოფლობით სთხოვა, წინააღმდეგ შემთხვევაში იგი იძულებული იქნებოდა თავად მიეღო გადაწყვეტილება მისი სამუშაოდან დათხოვნის შესახებ. სოკოლოვმა კოლეგას ანგარიში გაუწია და სამუშაოდან წასვლის შესახებ განცხადება თავად დაწერა.
"სამუშაოს დაკარგვაზე მეტად იმას განვიცდი, რომ 8 აგვისტოს შემდეგ რუსეთი სულ უფრო სწრაფად და მიზანმიმართულად ბრუნდება საბჭოთა ეპოქაში. ბევრს კი ჰქონდა იმედი, რომ "მედვედევის დათბობების" დრო დადგებოდა, მაგრამ აგვისტოში საქართველოში განვითარებული მოვლენების შემდეგ ცხადი გახდა, რომ "მედვედევის ყინვები" დაიწყო", _ აღნიშნავს უმუშევრად დარჩენილი კრემლის ოპონენტი, რუსი პროფესორი ბორის სოკოლოვი.
გახმაურებული სტატიის "წაგლეჯვა სუდეტურად" ავტორს, ბორის სოკოლოვს "ინტერპრესნიუსი" საქართველოში აგვისტოში განვითარებულ მოვლენებზე, რუსეთზე დასავლეთის ზეწოლაზე, დასავლეთსა და რუსეთზე და რუსეთ-საქართველოს სამომავლო ურთიერთობაზე ესაუბრა.

_ ბატონო ბორის, ბევრი, მათ შორის რუსი ექსპერტი, მიიჩნევს, რომ რუსეთმა საქართველოსთან ომი თავად მოამზადა და საომარი მოქმედებებიც თავად დაიწყო, თქვენ ეთანხმებით ამ მოსაზრებას?
_ მე სხვა მოსაზრება მაქვს და იგი არა ერთხელ გამოვთქვი. ჩემი მოსაზრება ეფუძნება იმას, რომ რუსეთი საქართველოზე თავდასხმას მოგვიანებით გეგმავდა, მაგრამ პრეზიდენტმა სააკაშვილმა თავდასხმის ასაცილებლად რამოდენიმე დღე მოიგო და საერთაშორისო რეაქციას დაელოდა.
პროვოკაციები სამხრეთ ოსეთში რუსეთს იმისათვის სჭირდებოდა, რომ სამხრეთ ოსეთში ქართული ჯარი შეეტყუებინა, ვინაიდან მთავარი დარტყმის მიყენება აფხაზეთში იგეგმებოდა. ქართულმა ჯარმა ცხინვალზე შეტევა მაშინ დაიწყო, როცა რუსეთის მთელი ხელმძღვანელობა მოსკოვში არ იმყოფებოდა.
პიარ-მოსაზრებებით რუსეთმა საქართველოსათვის დარტყმის მიყენება სამხრეთ ოსეთში გადაწყვიტა. ეს რუსული მხარის შეცდომა იყო, ვინაიდან ომის მიზანი სააკაშვილის ხელისუფლების დამხობა და არა სამხრეთ ოსეთისა და აფხაზეთის დაპყრობა გახლდათ.
_ რუსეთის ხელისუფლებას ამ მიზანზე უარი არ უთქვამს, ყოველ შემთხვევაში ამის შესახებ განცხადებები არც მედვედევს და არც პუტინს არ გაუკეთებიათ.
_ ცხადია, რომ ამ მიზანზე კრემლს უარი არ უთქვამს. სააკაშვილის დამხობისათვის საჭირო იყო თბილისის მანამდე დაკავება, ვიდრე საქართველოში მიმდინარე პროცესებს მსოფლიო თანამეგობრობა გამოეხმაურებოდა. ამის გაკეთება შეუძლებელი აღმოჩნდა სამხრეთ ოსეთში საბრძოლო მოქმედებების წარმოების პირობებში. სამხრეთ ოსეთიდან გამოსვლას საკმაოდ დიდი დრო დასჭირდა.
_ ევროკავშირმა და ევროსაბჭომ საკმაოდ მკაცრად დაგმო რუსეთის აგრესია საქართველოზე. თქვენი აზრით, დასავლეთის მიერ მოსკოვის მოქმედებების დაგმობა რამდენად საკმარისია იმისათვის, რომ რუსეთმა უარი თქვას არა მარტო საქართველოს, არამედ მთელ პოსტსაბჭოთა სივრცეში თავის იმპერიულ ამბიციებზე?
_ ეს დამოკიდებულია რუსეთის მიმართ დასავლეთის მკაცრ მოქმედებებზე. დასავლეთის მხრიდან მოსკოვის მიმართ გატარებული მკაცრი პოლიტიკის შემთხვევაში, რუსეთი იძულებული იქნება უარი თქვას თავის იმპერიულ ზრახვებზე.
ჩემი აზრით, იმპერიული პოლიტიკის გატარებისათვის რუსეთის შესაძლებლობები საკმაოდ მწირეა. მე არა მგონია, რომ რუსეთი შეძლებს ყირიმისა და უკრაინის დაპყრობას.
_ ევროპის საბჭოს ასამბლეამ თავის მიღებულ გადაწყვეტილებაში რუსეთი დაავალდებულა უარი თქვას სამხრეთ ოსეთისა და აფხაზეთის დამოუკიდებლობაზე, აფხაზეთსა და სამხრეთ ოსეთში დაუშვას ევროკავშირის დამკვირებლები და თავადვე გამოასწოროს ამ რეგიონებში ჩატარებული ეთნოწმენდის შედეგები. რამდენად სავარაუდოა, რომ მოსკოვმა უარი თქვას სამხრეთ ოსეთისა და აფხაზეთის დამოუკიდებლობაზე?
_ ევროპის საბჭოს არ შეუძლია სერიოზული გავლენა მოახდინოს რუსეთის პოლიტიკაზე. კრემლის პოლიტიკაზე სერიოზული გავლენის მოხდენა ევროკავშირსა და ნატოს შეუძლიათ.
ვიდრე რუსეთში ხელისუფლება და წყობა არ შეიცვლება, მანამდე რუსეთის მიერ სამხრეთ ოსეთისა და აფხაზეთის დამოუკიდებლობაზე უარის თქმა, არარეალურია.
_ ის, რაც ახლა ხდება რუსეთის ეკონომიკაში, რამდენად უკავშირდება საქართველოში აგვისტოში განვითარებულ მოვლენებს?
_ ეს პირველ ყოვლისა დამოკიდებულია მსოფლიო ეკონომიკურ კრიზისზე. ის, რომ რუსეთიდან დასავლური კაპიტალი გარბის, უდავოა, რომ რუსეთ-საქართველოს ომს უკავშირდება.
_ როგორ განვითარდება რუსეთ-ევროკავშირისა და რუსეთ-საქართველოს ურთიერთობები?
_ რუსეთ-საქართველოს ურთიერთობები მრავალი წლით გაიყინება. რაც შეეხება რუსეთის ევროკავშირთან და აშშ-სთან ურთიერთობებს, არსებობს ამ ურთიერთობების განვითარების სხვადასხვა სცენარები, მაგრამ ძნელია იმის თქმა, თუ რომელი სცენარით განვითარდება მოვლენები. ეს დამოკიდებულია რუსეთის და არა დასავლეთის მოქმედებაზე.
დასავლეთი რუსეთს ეკონომიკურ სანქციებს არ დაუწესებს, მაგრამ დასავლეთში მყოფ რუსეთის კაპიტალზე შეტევები მოსალოდნელია. არ გამოვრიცხავ, რომ დასავლეთმა ამ კაპიტალის წარმომავლობის შესწავლა დაიწყოს. მიმაჩნია, რომ ამ კაპიტალის წარმოშობა ყოველთვის სუფთა არაა.
_ ცნობილი ფაქტია, რომ რუსეთის მოსახლეობის 80% მხარს უჭერს მედვედევ-პუტინისა თუ პუტინ-მედვედევის ნეოიმპერიალისტურ პოლიტიკას, რატომ?
_ უპირველეს ყოვლისა იმიტომ, რომ რუსეთში პრაქტიკულად ტოტალიტარული პროპაგანდაა. მეორე გარემოება ისაა, რომ მოსახლეობას ყოველთვის სიამოვნებს ჩათვალოს, რომ მათ პრობლემებში საგარეო მტრები არიან დამნაშავე და არა თავად ისინი.
_ მიუხედავად ამისა, რამდენად დიდია იმის ალბათობა, რომ რუსული საზოგადოების აზრი და განწყობა კრემლის სტრატეგების შეხედულებებს არ დაემთხვევა?
_ რუსეთის საზოგადოების შეხედულებებში ცვლილებებს უახლოეს ხანებში არ ველი. ამისათვის საჭიროა მწვავე ეკონომიკური კრიზისი და რევოლუცია.
_ რუსეთში უკვე არსებობს "დაუნდობელი და უაზრო" რუსული რევოლუციისათვის წინაპირობები?
_ არ ვიცი. კრიზისი მგონი დაწყებულია, ვნახოთ რა იქნება მომავალში.

ციტირება პასუხი
   
User avatar
კარენოი დესპანელი
კარენოი დესპანელი
Joined07 Dec 2007
Posts1394
კარმა87
OFFLINEPROFILE
ანა..თეკლა-შენს "პირს" შაქარი.

ჩვენი "მაცნე" ხარ.

ციტირება პასუხი
   
User avatar
კარენოი დესპანელი
კარენოი დესპანელი
Joined30 Dec 2007
Posts916
კარმა54
OFFLINEPROFILE
Council of Europe Vs. Russia

http://www.youtube.com/watch?v=2zr_FVcWbyA

http://www.youtube.com/watch?v=HuXP17Z4NG8

http://www.youtube.com/watch?v=Z6Lfg3kdjn0

http://www.youtube.com/watch?v=wnS5dWWPhhk

http://www.youtube.com/watch?v=mjITlAt77gU

http://www.youtube.com/watch?v=bmdd36t36Ko

http://www.youtube.com/watch?v=jw-4HFsY-mg

http://www.youtube.com/watch?v=5o9lszO6b5A

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
[”ინტერპრესნიუსი”]
ამ დროისთვის შიდა ქართლის რამდენიმე სოფელი რუსი ოკუპანტებისგან უკვე თავისუფალია. ეს სოფლებია - კარალეთი, ქიწნისი, ძევერა, ტყვიავი, ტირძნისი, ბროწვეთი, ერგნეთი, ქერე, ფლავი, მეღვრეკისი ვარიანი, საქაშეთი, ზემო ნიქოზი, ქვემო ნიქოზი, ქვემო ხვითი და ზემო ხვითი.
აღნიშნულ სოფლებში დღეს საღამომდე ქართული პოლიციისა და ადგილობრივი ხელისუფლების წარმომადგენლები შესვლასა და კონტროლის განხორციელებას შეძლებენ.

ამასთან, რამდენიმე სოფელში პოლიცია უკვე შევიდა და დაწყებულია განმაღმვითი სამუშაოები, რის შემდეგაც სოფლებში გორსა და თბილისში ჩასახლებული დევნილების შეყვანა დაიწყება. ორშაბათისთვის ნავარაუდევია სასწავლო პროცესის განახლებაც.

დიდი და პატარა ლიახვის ხეობებში ჯერჯერობით შეუძლებელია ქართველი სამართალდამცავებისა და ხელისუფლების წარმომადგენლების შესვლა. ამ ტერიტორიებიდან რუსების გასვლა არ დაწყებულა. რუსი ოკუპატნები და რუსი გენერალი მარატ კულახმეტოვი აღნიშნულ საკითხზე კომენტარს არ აკეთებენ.

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
[”არგუმენტი.გე”]
გურჯაანში უპოვართა და უმწეოთა სასადილო გაძარცვეს. სამზარეულოდან, სადაც ყოველდღიურად 100-მდე უმწეო უფასოდ იკვებებოდა, წაღებულია ალუმინის ქვაბები და სურსათი.
როგორც კახეთის საინფორმაციო ცენტრს შს გურჯაანის სამმართველოში განუცხადეს, მომხდართან დაკავშირებით აღძრულია სისხლის სამართლის საქმე სსკ-ის 177-ე მუხლის მე-2 ნაწილით (ქურდობა საცავში შეღწევით). გამოძიებას გურჯაანის პოლიცია აწარმოებს.

შს გურჯაანის სამმართველოს უფროსი სოსო მარტაშვილი ირწმუნება, რომ პოლიციას უკვე ჰყავს ეჭვმიტანილები და დანაშაულს დღის ბოლომდე გახსნიან.

დანაშაული სამიდან ხუთ წლამდე თავისუფლების აღკვეთას ითვალისწინებს.

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
ბარაკ ობამამ და ჯონ მაკკეინიმ წინასაარჩევნო დებატებში რუსეთი კვლავ გააკტრიტიკეს

აშშ-ს პრეზიდენტობის კანდიდატებმა ბარაკ ობამამ და ჯონ მაკკეინიმ წინასაარჩევნო დებატებში რუსეთი კვლავ გააკტრიტიკეს, - იუწყება "რია ნოვოსტი".
დებატების დროს, ჟურნალისტმა რონალდ რეიგანის ცნობილი ფრაზა - საბჭოთა კავშირი "ბოროტების იმპერიაა" - ახსენა და ორივე კანდიდატს კითხვა დაუსვა, "არის თუ არა რუსეთი ვლადიმერ პუტინის მმართველობაში "ბოროტების იმპერია".
როგორც ობამამ განაცხადა, "ისინი (რუსები) ბოროტების დემონსტრირებას ახდენენ. მე ვფიქრობ, რომ საჭიროა შევიგნოთ, რომ ეს უკვე ძველი საბჭოთა კავშირი არ არის, მაგრამ მათ ძველებურად ნაციონალისტური იმპულსები ამოძრავებთ და ეს ჩემის აზრით საშიშია".
"შესაძლებელია", განაცხადა იგივე შეკითხვაზე ღიმილით მაკკეინიმ.
"ეს დამოკიდებულია იმაზე, ჩვენ როგორ ვუპასუხებთ რუსეთს და სხვა ბევრ რამეზეც არის დამოკიდებული. თუ ვიტყვი "კი"-ს ეს იმაზე მიანიშნებს, რომ ჩვენ ისევ "ცივ ომს" ვაღვივებთ, თუ ვიტყვი "არა"-ს ეს იგნორირებას გაუკეთებს მათ საქციელს", -აღნიშნა მაკკეინიმ.
მაკკეინიმ ასევე განაცხადა, რომ აშშ-მ უკრაინისთვის და საქართველოსთვის "მორალური მხარდაჭერის დემონსტრირება უნდა მოახდინოს", მანვე აღნიშნა უკრაინის და საქართველოს ნატოში შესვლის აუცილებლობის შესახებ.
"ჩვენ მორალურად უნდა დავუჭიროთ მხარი პოლონელებს, ესტონელებს და ლატვიელებს და ყველა ქვეყანას, რომლებიც იყვნენ საბჭოთა კავშირთან სატელიტები, ჩვენ ასევე მათ უნდა დავეხმაროთ ფინანსურადაც და კონკრეტული დახმარება აღმოვუჩინოთ მათი ეკონომიკის ასაღორძინებლად", -განაცხადა ობამამ.
მისივე სიტყვებით, "საქართველო განსაკუთრებით, ახლა უდიდესი ეკონომიკური სირთულეების წინაშე იმყოფება".

ციტირება პასუხი
   
User avatar
კარენოი დესპანელი
კარენოი დესპანელი
Joined18 Jun 2007
Posts751
კარმა50
OFFLINEPROFILE
ასეა პოლიტიკა ბაბუ ასე

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
მოძრაობა ერთიანი საქართველოსთვის” ლიდერი ეკა ბესელია ხელისუფლებას ჯარისკაცებისა და მათი ოჯახების მიმართ რეპრესიებში ადანაშაულებს.
როგორც დღეს გამართულ პრესკონფერენციაზე ბესელიამ განაცხადა, ცხინვალის ომში დაღუპული მე-2 ქვეითი ბრიგადის საშტაბო ათეულის ჯარისკაცის თამაზ ნიკიტინის ოჯახს, ძმას და დედას სისხლის სამართლებრივი წესით დევნიან.

ბესელიას თქმით, გარდაცვლილი ჯარისკაცის დედის, ნელი მჭედლიძის მიმართ სისხლის სამართლებრივი დევნა ხორციელდება.

- ”მჭედლიძე დაიბარეს ქუთაისის საგამოძიებო სამსახურში და დაკითხეს იმ 15 000 ლართან დაკავშირებით, რომელიც შვილის გარდაცვალების შემდეგ სახელმწიფოსგან კომპენსაციის სახით მიიღო”,-განაცხადა ბესელიამ.

თავად მჭედლიძემ პრესკონფერენციაზე განაცხადა, რომ გამოძიება არკვევს და სწავლობს, რამდენად კანონიერად მიიღო მან თანხა.

- ”მე გამომძალველად და თაღლითად გამომიყვანეს, თითქოს დოკუმენტაციის გაყალბებით მივითვისე თანხა”,- განაცხადა მჭედლიძემ და აღნიშნა, რომ მის მიმართ დევნა თანხასთან დაკავშირებით მას შემდეგ დაიწყო, რაც სენაკის ბაზაზე მივიდა და მისი მეორე შვილის მიმართ დეზერტირობის მუხლით სისხლის სამართლის საქმის აღძვრა გააპროტესტა.

- ”ერთი შვილი დავკარგე ომის დროს. მეორე შვილი დავით ნიკიტინი კი კოდორში იბრძოდა. ახლა მასზე დევნა დაიწყეს, რატომ დატოვეთ კოდორიო. გარკვეული პერიოდი ნაწილში არ გამოცხადდა, ძმა ჰყავდა მკვდარი და ამ საქმით იყო დაკავებული. მას შემდეგ, რაც გარდაცვლილი დავკრძალეთ, გამოცხადდა სამსახურში და აღუძრეს საქმე. ეს ერთადერთი კაცი გვყვავს ოჯახში”,-განაცხადა მჭედლიძემ.

მანვე აღნიშნა, რომ ომში დაღუპული შვილის მოძებნაში არავინ დახმარებია. ”სამი დღე ვეძებდი და ვიპოვე. გამომატანეს დაფლეთილი ცხედარი, ტომარაში ჩამიდეს”,-აღნიშნა მჭედლიძემ, რომელიც პრეზიდენტთან შეხვედრას ითხოვს.

ეკა ბესელიამ ხელისუფლებას ჯარისკაცებისა და მათი ოჯახების მიმართ დევნის შეწყვეტისკენ მოუწოდა.

ბესელიას ინფორმაციით, დეზერტირობის მუხლით დევნა 60 ჯარისკაცზე მიმდინარეობს და ისინი დაკავებულები არიან.

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
საფრანგეთის პრეზიდენტმა ნიკოლა სარკოზიმ 8 ოქტომბერს განაცხადა, რომ საქართველოს თავდასხმა ცხინვალზე ”შეცდომა” იყო, თუმცა იქვე დასძინა, რომ რუსეთის პასუხი თბილისის ქმედებაზე ”არაპროპორციული” იყო. სარკოზიმ ასევე გააკრიტიკა რუსეთი აფხაზეთის და სამხრეთ ოსეთის ცალმხრივად აღიარების გამო.

საქართველოს საგარეო საქმეთა მინისტრის მოადგილე გიგა ბოკერია მიესალმა რუსეთის მიერ თვითგამოცხადებული რეგიონების აღიარების დაგმობას, თუმცა აღნიშნა, რომ საქართველოს ქმედების ”შეცდომად” შეფასება ”არასწორია”.

”ამგვარი ფორმულირება, რომ ეს შეცდომა იყო - არა აქვს მნიშვნელობა ვისი - არასწორია და ნებისმიერ გამოძიებას შეუძლია ამის დამტკიცება,” - განაცხადა ბოკერიამ და დასძინა, რომ საქართველოს აგვისტოს დასაწყისში შექმნილ სიტუაციაში სხვა ალტერნატივა არ ჰქონდა.

ქართული მხარის განცხადებით, იგი თავს იცავდა რუსული ძალების შემოჭრისგან, რასაც, თბილისის მტკიცებით, თვითგამოცხადებულ რეგიონში სამხედრო ქმედებების დაწყებამდე სულ ცოტა 20 საათით ადრე ჰქონდა ადგილი.

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
ლეიბორისტული პარტიის" ლიდერების განცხადებით, პრეზიდენტი სააკაშვილი, სტრატეგიული ობიექტების გაყიდვით, საქართველოს კონსტიტუციას არღვევს.
როგორც დღევანდელ პრესკონფერენციაზე "ლეიბორისტების" პოლიტიკურმა მდივანმა გიორგი გუგავამ განაცხადა,
"სააკაშვილს ქვეყნის დაშლა აქვს გადაწყვეტილი. სავალუტო ფონდის მიერ გამოყოფილი სესხი, 750 მილიონი დოლარი რომ შეახრამუნონ, გადაწყვიტეს გაყიდონ საქართველოს ელექტროსისტემა, რაც საბოლოოდ ნიშნავს ენერგეტიკული დამოუკიდებლობის დაკარგვას, რაც საქართველოს კონსტიტუციით აკრძალულია, რადგან ელექტროსისტემა ფლობს შიდა და ტრანზიტულ გადამცემ ხაზებს", - განაცხადა გუგავამ.
მისივე ინფორმაციით, ასევე, გადაწყვეტილია ფოთის პორტის, შიდა რეგიონალური აეროპორტების და სამხრეთ საქართველოში 100 ათასი ჰექტარი მიწის ფართობის გაყიდვაც.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined27 Jul 2007
Posts291
კარმა51
OFFLINEPROFILE
ვერ გავიგე რისთვის შევიდა ოპოზიცია პარლამენტში.პარლამენტის გარეთ თუ ხვდებიან,რა ქმედებებია დასეშვები და რა არა,რატომ ეცვლებათ აზროვნება პარლამენტში მოხვედრის მერე.ეს რა განცხადებასაც ლეიბორისტები აკეთებენ უკვე გვახარეს ტელევიზიითაც ასე ,რომ ეს თურმე უნდა გვიხაროდეს.რადგან ინვესტიციიებს შემისვლა ისევ შესაძლებელია საქართველოში. ?????

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
საქართველო ახალი საერთაშორისო სკანდალის საბაბი ხდება. მართალია, საქართველოში ნიკოლა სარკოზის განცხადებას სათანადო გამოხმაურება არც ხელისუფლებისგან მოჰყოლია და არც _ ოპოზიციისგან, მაგრამ საფრანგეთის პრეზიდენტმა “დიდი საიდუმლო” გაამხილა. “8 აგვისტოს, როცა ვინმე უნდა გაფრინლიყო მოსკოვსა და თბილისში, რომ ადამიანის უფლებები დაეცვა, ამერიკის პრეზიდენტმა თქვა, რომ “ეს მიუღებელია” და მაშინ საფრანგეთი გამოვიდა რუსეთსა და საქართველოს შორის შუამავლად. ბუსს კი საკუთარი ავტორიტეტის რისკს ქვეშ დაყენების ეშინოდა. სანამ ჩვენ მოსკოვში გავემგზავრებოდით, ბუშმა მითხრა, ნუ წახვალ იქ, მათ (რუსებს) თბილისის აღება უნდათ, მათ მხოლოდ 40 კილომეტრიღა დარჩათ. მათი ქმედებების შესახებ, უბრალოდ, საყვედური გამოთქვითო,” _ აცხადებს სარკოზი.

რა ხდება? რა თამაშს თამაშობს თეთრი სახლი? შესაძლოა, სკეპტიკოსებმა იფიქრონ, რომ ევროკავშირის თავმჯდომარე ქვეყნის, საფრანგეთის პრეზიდენტმა, უბრალოდ, იცრუა და ჯორჯ ბუშს ცილი დასწამა, მაგრამ საგულისხმოა, რომ თეთრ სახლს სარკოზის განცხადების უარყოფა ამ დრომდე ყასიდადაც არ უცდია.

ქართველ ოპოზიციონერთა ნაწილის აზრით, ჯორჯ ბუშმა ნიკოლა სარკოზს საქართველოში არჩამოსვლისა და საპროტესტო განცხადების გაკეთებით დაკმაყოფილება იმიტომ ურჩია, რომ თეთრი სახლის პროექტმა _ “სააკაშვილი” კრახი განიცადა. მეტიც, “დემოკრატიული მოძრაობა _ ერთიანი საქართველოს” საინიციატივო ჯგუფის წევრი, დავით ჭეიშვილი “ფაქტთან” საუბრისას სკანდალური განცხადების გაკეთებასაც არ ერიდება. ჭეიშვილის თქმით, “ბუში შესაძლოა, მიხვდა, რომ საქართველოს ხელისუფლება რუსეთის თამაშს თამაშობდა და სარკოზს თბილისში არჩამოსვლაც ამიტომ ურჩია. ბუშმა თავისი პარტნიორის მართვა ვერ მოახერხა და ეს მისთვის დიდი კრახი იყო. სხვათა შორის, ამერიკის ახლადარჩეულმა პრეზიდენტმა, ბარაკ ობამამ ბუშის მისამართით განაცხადა, თუ საქართველოს ხელისუფლება თქვენი პარტნიორი იყო, ჯერ ერთი, საქმე ომამდე არ უნდა მიგეყვანათ და, მეორეც, თუ ომი მაინც დაიწყო, უნდა დახმარებოდითო.”

დავით ჭეიშვილის მსჯელობაში ლოგიკა, რასაკვირველია, არის. ყოველ შემთხვევაში, დღემდე გაუგებარია, 2003 წლის ნოემბრის მოვლენების დროს თბილისში რუსეთის პოლიტიკის მაღალჩინოსანი, ივანოვი რატომ ჩამოვიდა და სწორედ ამის შემდეგ რატომ მიიღო პრეზიდნეტმა ედუარდ შევარდნაძემ “სახლში წასვლის”, ანუ გადადგომის გადაწყვეტილება.
სწორედ მაშინ, როცა ნიკოლა სარკოზმა ჯორჯ ბუშის “დიდი საიდუმლო” გაამხილა, რუსულ მედიაში აქტიურად მიდის იმის მტკიცება, რომ საქართველოში საომარი მოქმედებები შესაძლოა, განახლდეს. სხვათა შორის, საომარი მოქმედებების განახლებას არც ქართველი მაღალჩინოსნები გამორიცხვენ და ამას იმით ხსნიან, რომ ცხინვალი, ახალგორი და სოფელი პერევი რუსების მიერაა ოკუპირებული.

“ვიდრე საქართველოს ტერიტორიაზე რუსული რეგულარული არმიის ერთი ჯარისკაციც იდგება, მთელი ქვეყანა ოკუპირებულია და ხელისუფლება ნუ ცდილობს, მოსახლეობა დააჯეროს, რომ ოკუპირებული მხოლოდ ცხინვალი, ახალგორი და პერევია,” _ აცხადებს “დემოკრატიული მოძრაობა _ ერთიანი საქართველოს” საინიციატივო ჯგუფის წევრი, დავით ჭეიშვილი. ამასთან, ჭეიშვილი ეჭვობს, რომ საომარი მოქმედებების განხლება მხოლოდ იმ შემთხვევაშია შესაძლებელი, თუკი კრემლი გადაწყვეტს, რომ “სააკაშვილის ხელისუფლებას” არსებობა გაუხანგრძლივოს...

ციტირება პასუხი
   
User avatar
კარენოი დესპანელი
კარენოი დესპანელი
Joined25 Sep 2008
Posts328
კარმა0
OFFLINEPROFILE
რა ხდება? კიდევ რა მიქარეს ამ უდღეურებმა? გასაცოდავებულ ქვეყანას კიდევ ეგ უნდა? ვაი ჩვენს პატრონს უბედურს, თუმცა სადა გვყავს პატრონი

ციტირება პასუხი
   
User avatar
კარენოი დესპანელი
კარენოი დესპანელი
Joined21 Aug 2007
Posts2662
კარმა111
OFFLINEPROFILE
რუსეთ-ნატოს სამუშაო ჯგუფის მუშაობა შეწყდა. ეს გადაწყვეტილება ვალენსიაში ნატოს საპარლამენტო ასამბლეის სხდომაზე მიიღეს. მიზეზი მოსკოვის მხრიდან საქართველოს ოკუპაცია გახდა. ასამბლეამ ქართველების ეთნოწმენდის ფაქტიც აღიარა და რუსეთის მხრიდან აფხაზეთისა და ოსეთის დამოუკიდებლობის აღიარება უკანონოდ შეაფასა.

რუსულმა დელეგაციამ მიხეილ სააკაშვილის შეხვედრაში მონაწილეობა გააპროტესტა და ითხოვა, რომ პრეზიდენტი სიტყვით არ გამოსულიყო, მაგრამ ამ მოთხოვნაზე მოსკოვმა უარი მიიღო.

ნატოს საპარლამენტო ასამბლეის გადაწყვეტილებით, რუსულ დელეგაციას უფლებები შეეკვეცა და შეიქმნა საქართველო-ნატოს სამუშაო ჯგუფი. ასამბლეის სხდომაზე მიხეილ სააკაშვილმა რუსეთის მხრიდან განხორციელებულ აგრესიაზე, ომის შემდგომ ქვეყანაში შექმნილ პრობლემებსა და დაზარალებულების მდგომარეობაზე ისაუბრა.

''საქართველოს ერთადერთი მომავალი ევროპული მომავალია, სხვა ალტერნატივა და მიზანი გარდა ევრო და ჩრდილო-ატლანტიკურ სტრუქტურებში საფუძვლიანი ინტერგაციისა, ჩვენ არ გაგვაჩნია. რაც შეიძლება, ახლოს უნდა მივიდეთ ატლანტიკურ ალიანსთან და ევროკავშირთან. არ შემიძლია არ შევეხო საქართველოში ჩატარებული რუსული ინტერვენციის თემას.
კითხვაზე - უნდა გვეპასუხა თუ არა რუსების ქმედებაზე, ვპასუხობ - რუსეთის სამხედრო ოპერაცია არ იყო საპასუხო რეაქცია საქართველოს ქმედებებზე, ეს იყო სუვერენული სახელმწიფოს ინტერვენცია. ჩვენ უნდა დაგვეცვა ჩვენი მოსახლეობა, რათა ისინი არ აღმოჩენილიყვნენ მტრის ხაფანგში. მნიშვნელოვანია, რომ როცა რუსეთმა ცხინვალიდან მოახდინა სამოქალაქო პირთა ევაკუაცია, მისი მიზანი იყო არა მოსახლეობის დაცვა აგრესიისაგან, არამედ როკის გვირაბის გათავისუფლება დევნილთა ნაკადისაგან, რათა უკეთესად შეძლებოდათ თავისი სამხედრო შენაერთების როკის გვირაბის გავლით საქართველოს ტერიტორიაზე ინტერვენცია. მაშინ, როცა მათ ერთი მხრივ, ცხინვალიდან გაჰყავდათ ქალები და ბავშვები, მეორე მხრივ, შემოჰქონდათ იარაღი დარჩენილი მოსახლეობისათვის და შემოჰყავდათ საბრძოლო ძალები. აქედან გამომდინარე, ჩვენ დაგვრჩა მხოლოდ არჩევანი ორ უკიდურესობას შორის, როგორც ამბობენ, არჩევანი ცუდსა და ძალიან ცუდს შორის. ჩვენ უნდა გვეზრუნა ქვეყნის გადარჩენაზე. რუსების სამშვიდობო ძალების მანდატს ჩვენ არასოდეს ვაღიარებთ. ჩვენ ამაში წარსულშიც ეჭვი გვეპარებოდა, აგვისტოს მოვლენების შემდეგ კი ეს პოზიცია საბოლოოდ გამყარდა. არ ვაპირებთ რუსეთთან რაიმე ახალი სამშვიდობო ფორმატის შექმნას. ჩვენ ადრეც მოვითხოვდით და ახლაც მოვითხოვთ, რომ მონიტორინგში ჩაერთონ საერთაშორისო საპოლიციო ჯარები,''- განაცხადა მიხეილ სააკაშვილმა.

ციტირება პასუხი
   
 
+ ახალი თემა ↩ პასუხი  [ 1920 posts ] 
ყოველდღიური დაიჯესტი
დესპანი