↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"
ჩვენი საყვარელი ლექსები


+ ახალი თემა ↩ პასუხი  [ 4161 posts ] 
ავტორიMessage
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
როცა მე და შენ წლები გვაშორებს,
რაღა თქმა უნდა ეს საწყენია,
მაგრამ როდესაც ჩემს გვერდითა ხარ
იმ წუთზე ტკბილი არაფერია.
როცა მე და შენ წლები გვაშორებს,
მენდე, ეს ჩემთვის არაფერია,
მე შენთან მინდა შევხვდე განთიადს,
გასაკვირი აქ არაფერია.
შენით მე გავხდი ბევრად უფროსი,
შენ კი ისევე ბავშვად იქეცი,
როცა მე სულ მთლად თავი დავკარგე
და სამუდამოდ შენად ვიქეცი.
როცა მე და შენ წლები გვაშორებს,
და სიყვარული მართლაც წრფელია,
მაშ , დავივიწყოთ ჩვენი ასაკი,
მერწმუნე წლები არაფერია

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
თუ სიყვარულის სადღეგრძელოს ყანწით ვერ დალევ
და სანუგეშოთ ვერ ჩააქსოვ ოხვრას ნაღვლიანს
თუ სიყვარულში, სიყვარულით არ დაიწვები,
მაშინ ნეტავი უკეთესი რა შეგიძლია?!
თუ ლამაზ თვალებს კოცნით ცრემლებს ვერ ამოუშრობ!
ვერ აგრძნობინებ სიყვარული თუ რა ძნელია!
თუ უნაზეს და ლამაზ თვალებს ვერ აათრთოლებ
ნეტავ იცოდე უკეთესი რა შეგიძლია?!
სხვისი ტკივილი შენებურად თუ არ გიგრძვნია,
და სხვისი დარდი სიხარულად არ შეგიცვლია
გაწვდილ ხელისთვის თუ კი ხელი არ გაგიწვდია
მაშინ ნეტავი უკეთესი რა შეგიძლია?

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
უსიყვარულოდ არც ყვავილია ,
არც ნამი დილის,
უსიყვარულოდ ტირიფია და
ისიც ტირის.
უსიყვარულოდ სიციცხლე არ ღირს,
ასე ეტყვიან საბრალო ტირიფს
და ისიც მუდამ წყალში ჩამდგარი
თმაგაწეწილი ქალივით ტირის

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
როს თვალებს ვხუჭავ, თვალხილული ვხდები მაშინვე
დღისით ვბრმავდები,როცა ვუცქერ ამ საუკუნეს,
დაძინებისას შუაღამე აღარ მაშინებს
შენ მეზმანები და ეგ შუქი ფანტავს უკუნეთს.
ბნელსაც ანათებს შენი ლანდის გამოცხადება
ღამის აჩრდილს შენს სხივებში ჩანან მზესავით
დღისით კი ალბათ, მზესაც ჯაბნის შენი ხატება,
ამ მიძინებულ თვალთათვისაც შუქის მთესავი
გავიღვიძებ და უსინათლოს დამაქვს ოცნება
დღის სინათლეზე დავინახო შენი დიდება,
ბნელს რომ ანათებს შენი ლანდის გასხივოსნება
შენი მშვენების აჩრდილიც რომ არ იბინდება
დღე მიბნელდება, თუ ვერ გნახე სადიადებლად,
და ღამეები გადამექცნენ განთიადებად

ციტირება პასუხი
   
User avatar
კარენოი დესპანელი
კარენოი დესპანელი
Joined09 Jul 2007
Posts410
კარმა50
OFFLINEPROFILE
ნუ გაიკვირვებ,რომ მოვალ შენთან
ათასი ფიქრით ღამენათევი,
მე სიყვარული,ხომ იცის ღმერთმა
არ შემიძლია ნაუცბათევი.
უშენოდ,კარგო კვნესოდა გულში
სიმღერის სიმი,ნაზი ხავერდი,
გავიდნენ წლები და მხოლოდ გუშინ
მივხვდი,რომ სულ სხვა გზაზე გავედი.
მან დამიბრუნა სიმაღლე სულის,
შენ რომ მომტაცე,შენ რომ წამართვი,
ჩვენს წარსულს თუმცა ისევე ვუვლი,
ვუვლი ვით თვის კერპს ძველი წარმართი.
ნუ გაიკვირვებ რომ მოვალ შენთან,
მოვალ დაღლილი,ღამენათევი,
შენდამი გრძნობა ხომ იცის ღმერთმა,
არა,არ არის ნაუცბათევი.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
მე არაერთხელ მქონია ფრთები
თავბრუდამხვევი სიმაღლით მქროლი
ლურჯი ტრიალით ბრუნავდნენ მთები
და ირყეოდა ლაჟვარდი ბროლი.

და არაერთხელ მიგრძვნია მაშინ,
რომ ის მიწები სხვა მიწებია,
დამვიწყებია მოწამვლა შხამით,
მაგრამ კივილში გამღვიძებია.

ვყოფილვარ ბევრჯერ სიკვდილის პირად
ომში მინახავს ცეცხლის ვარდები
იმ სიმაღლეებს ვიგონებ ხშირად,
არ მავიწყდება ის ლაჟვარდები.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
მაისის ისრით

ამ ვარდობისთვის ვარდებით ვთვრები,
კარგია თრობა,
და მებრალება მე ჩემი მტრები,
არ ვიცი მტრობა.

მაისის ისრით იჭერს ამური
მოვერცხლილ ნავებს
და მთვარე, თეთრი სიასამური,
მირეკავს კრავებს.

არაფერია! ისევ ის მშვილდი
დაჰხარის მდელოს.
იმ სადღეგრძელოს უზეცისშვილდი
იმ სადღეგრძელოს.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
დაღამდება ტყეში ოდეს…

დაღამდება ტყეში ოდეს,
ქარი ფოთლებს აურევს.
იმ მდინარის გეშინოდეს,
რომელიც არ ხმაურობს.

მას ფოთლები აოქროვებს,
ვით ყვავილი ნაოშებს,
წვეთწვეთობით წყალს აგროვებს,
ნიაღვრებად გაუშვებს.

დაიძვრება გზა ზვირთული,
როგორც მძიმე ხეხილი -
ნაყოფებით დატვირთული,
ქარით გადაზნექილი.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
მთაწმინდის იქით

მთაწმინდის იქით დასისხლულმა მზემ ბინა ჰპოვა.
არ არის შველა. ბნელი ჩრდილები
მრავლდება, როგორც სიბნელეში დინგების გროვა,
შავი და ჩუმი დღის ყვავილები.

თვითონ მსოფლიოს მწუხარება აქ შედარებით
მხოლოდ ლანდი და მხოლოდ ჩრდილია,
მოშხამულ სინდისს ეფერება მკვლელ ნეტარებით
მსუბუქი ოხვრა და იდილია.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
ჩემს სულს აწვიმს...

რა უსიტყვო ნაღველს მალავს
სული, ჩემი მეუფე,
სულსაც აწვიმს, როგორც ქალაქს,
ანდა მის გარეუბნებს.

აწვიმს მიწას და სახურავს
და შრიალით ავივსე,
სევდა სულში ჩასახული
უკრავს წვიმის კლავიშზე.

ცხოვრობს სულით ეს ობლობა
ჩუმი წვიმის მეზობლად,
სულში ჩაჯდა ვით ობობა,
სევდის უმიზეზობა.

და მით უფრო არის მძაფრი
უმიზეზო ნაღველი,
არსაიდან რომ არაფრით
არის ნაკარნახევი.

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
Nähe des Geliebten

Ich denke Dein, wenn mir der Sonne Schimmer
Vom Meere strahlt;
Ich denke dein, wenn sich des Mondes Flimmer
In Quellen malt.

Ich sehe dich, wenn auf dem fernen Wege
Der Staub sich hebt;
In tiefer Nacht, wenn auf dem schmalen Stege
Der Wandrer bebt.

Ich höre dich, wenn dort mit dumpfem Rauschen
Die Welle steigt.
Im stillen Haine geh ich oft zu lauschen,
Wenn alles schweigt.

Ich bin bei dir, du seist auch noch so ferne,
Du bist mir nah!
Die Sonne sinkt, bald leuchten mir die Sterne.
O wärst du da!

სატრფოსთან ახლოს

მე შენზე ფიქრში მზის თეთრი რაში

გამომენთება ზღვის სამყაროში;

მე შენზე ფიქრში მთვარის ციალში

ჩავიხატები წმინდა წყაროში;


მე გხედავ, გხედავ, როცა შორ გზაზე

მტვრის ავარდება კორიანტელი,

უკუნ ღამეში ვიწრო შუკაზე

დაილანდება როცა გამვლელი.


მე მესმის შენი, როცა ყრუ ფშვინვით

აღიმართება შორეთში ტალღა;

ჩუმ ხეივანში მივაყურადებ

როს აფეთქდება ბაღჩად და ბაღად.


მე შენთანა ვარ, შორს იყო თუნდაც

მე მაინც ახლო მეგულვი თითქო!

დახდების მზე და მე აღმომხდება:

ჩემო ვარსკვლავო, ო, აქ რომ იყო!

ციტირება პასუხი
   
User avatar
ექსპერტი დესპანელი
ექსპერტი დესპანელი
Joined12 May 2008
Posts292
კარმა0
OFFLINEPROFILE
(იმ ვარდისფერ ატმებს მოვიგონებ კვლავ...)

იმ ვარდისფერ ატმებს მოვიგონებ კვლავ...
იმგვარადვე მდევ... იმგვარადვე მკლავ.
ო, როგორ მომწყურდი! მწუხარეა დღე.
იმგვარივე ცა. იმგვარივე ხე...
იგივ ქარი დაჰქრის. იღუნება ბზა.
იმგვარივე მზე. იმგვარივე გზა.
ძლიერ... ძლიერ... ძლიერ... ვეტყვი ზენა ქარს
იმგვარივე ხმით იმგვარსავე ზარს.

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
დროც დადგება, ქედმაღალი მზერით დამხვდები,
როდესაც გრძნობას დაერქმევა თავის შექცევა,
ჩემს საზიანოდ როცა შენი მომხრე გავხდები,
თუ სიყვარული განკითხვის დღედ გადამექცევა.

აღარ დავუწყებ უღირსობას ჩემსას ფერებას,
შენს მაამებელ აღსარებას ვეტყვი მსაჯულებს,
რადგან უჩემოდ სჯობს ეწიო ბედნიერებას,
მე კი ვერავინ გარდამქმნის და გადამარჯულებს.

უკეთურ წარსულს დავივიწყებ, რადგან წამიერ
ვნებაც გაქრება, ცეცხლივით რომ შემომიკეთე
და მთელ სიავეს განგაშორებ, რადგან ამიერ
შენი სიკეთით მე ორმაგი მელის სიკეთე.

ჩემს სიყვარულში გაბატონდი, როგორც მეუფე,
და, ცრუს თუ მართალს, სამუდამოდ შენ დამეუფლე

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
არ ვიცი, ვისთვის დაუგეშავს სიკვდილს მსტოვრები,
შენს და ჩემს შორის განუზრახავს ვისი არჩევა;
ის ვიცი მხოლოდ, რომ შენ ყველას ემახსოვრები,
ჩემი ხსოვნის კი ნატამალიც არსად დარჩება.

შენი სახელი დროს სხივივით გადაეფრქვევა,
მე კი ამქვეყნად, როგორც ქარი, გავქრები ველის,
და თუ ჩემს საფლავს ერთი გოჯი მიწა ერქმევა,
შენ ხალხის თვალში საუკუნო სავანე გელის.

შენს ხსოვნას ჩემი ლექსი ძეგლად გამოადგება,
რომ სააქაოს მრავლად ჰყავდეს მისი მნახველი
და სიკვდილის დღე თუ ყველასთვის ერთად დადგება,
მარადისობას დამღად აჩნდეს შენი სახელი.

ჩემმა კალამმა სასწაულის ქმნა თუ ინება,
დროს შენი ხსოვნა სუნთქვასავით დაეფინება

ციტირება პასუხი
   
User avatar
კარენოი დესპანელი
კარენოი დესპანელი
Joined12 Jan 2008
Posts621
კარმა65
OFFLINEPROFILE
რადგან მავანი მგოსნებისკენ გაგირბის თვალი,
რადგან შენ არ ხარ ჩემს მუზასთან ჯვარდაწერილი,
შენი მშვენებით, დაე, ვიღაც სხვა იყოს მთვრალი
და გიძღვნას ხოტბა _ ნაწერი თუ Uარდაწერილი.

სახით მშვენიერს, შენ გონებაც გაქვს მშვენიერი
და კარგად ხედავ, ჩემს ლექსს სხვა რამ დრო რომ სჭირდება,
ალბათ, მიტომაც მოგეძალა გრძნობა ძლიერი,
რომ სხვისგან გესმას საამდროო ქება-დიდება.

შენი ნებაა!... აღტაცებით უსმინე მავანთ,
ღვარჭნილი ხოტბით დაიამე გულის წადილი,
მე კი სიმართლეს გავაგონებ ჩვენს შთამომავალთ,
რომ მეგობარი მე ვარ მხოლოდ შენთვის ნამდვილი.

ფერუმარილი ფერს თუ მატებს უფერულ სახეს,
შენს სილამაზეს უსარგებლო ფერებში ახვევს

ციტირება პასუხი
   
 
+ ახალი თემა ↩ პასუხი  [ 4161 posts ] 
ჩვენი საყვარელი ლექსები
დესპანი