ფიფქს 1 აიკოსაგან 31 მარტი 2009 წელი.
ფიფქად მოსულხარ მაქმანად,
თავზე სინათლე გდგიაო,
სუნთქვა მიგიგავს ნიავსა,
ალბათ სიცოცხლე გქვიაო,
სინაზით ფარფატს ჩვეული,
ციდან გზა გქონდა ეული,
ჩუმად მითხარი ფიფქუნა,
გულის თუ გყავსო რჩეული,
თუ უსმენს შენსა ფრიალსა,
ზეციდან თეთრად ფენასო,
თუ იცის ჩემო ლამაზო,
თოვლსა უყვარხარ ზენარსო,
მზე არ იყვარო ფიფქუნა,
თაკარა სიცხე გავნებსა,
დაგფერფლავს სიყვარულივით,
გულზე დაგკიდებს ალებსა,
ცისკრის იყვარე ვარსკვლავი,
ისიც ხომ შენებრ თეთრია,
გულს არ მოგიკლავს . არ დაგწვავს,
დღენი გექნებათ ერთია

ფიფქუნააა ეს ლექსი სამსახურში დავწერე .. და სურათები კათედრის კომპში არ მაქვს.....ისე კი სახლში ლამაზი ბრჭყვიალა ფიფქების სურათი მაქვს, მაგრამ ეხლა მოვიდა ეს ლექსი და რომ არ მომეწერა დამავიწყდებოდა.....ამიტომ სურათს სახლში რომ მივალ იქიდან დავამატებ ამ ლექსს=ko=
