↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"
ყოველდღიური დაიჯესტი


+ ახალი თემა ↩ პასუხი  [ 1009 posts ] 
ავტორიMessage
User avatar
დესპანელი
დესპანელი
Joined02 Jul 2007
Posts46
კარმა49
OFFLINEPROFILE
დილა მსშვიდობისა დესპანელებო.ცუდი ამბებეი ისმის საქართველოდან.გერმანული საინფორმაციოს უკანასკნელი ცნობით-ქართველებმა უკან დაიხიეს და ცხინვალს მთლიანად რუსები აკონთროლებენ.მიუხედავად ამისა რუსები არ წყეტენ დაბომბვებს-ხან აქ და ხან იქ აგდებენ ჭურვებს..ხო კიდე ასე თქვეს, რომ ცხინვალი როგორც ქალაქი აღარ არსებობსო.ესაა დასავლეთი ან ამერიკა დაგვეხმარებაო?მარტო ყბედოდენ...ო,ცოფებს ვყრი,ცოფებს

_________________
ციტირება პასუხი
   
User avatar
სუდენტი მეზობელი
სუდენტი მეზობელი
Joined03 Feb 2008
Posts27
კარმა49
OFFLINEPROFILE
ახლა მოვუსმინე ბრიტანეტის თავდაცვის მინისტრს ,რომელმაც თქვა რომ თუ რუსეთი თუ არ შეწყვიტავს საომარ ქმედებებს საქართველოს მიმართ ძალიან მძიმე საფასურის გადახდა მოუწევს ამისთვისო,თკვა რომ დასავლეთი გამოიკენებს თავის ბერკეტებს რუსეთის წინააგმდეგ - გამორიცხავს რუსეთს დიდი რვიანის ქვეყნების სიიდან და მრავალი სხვა,ასე რომ მთლად არ მივუტოვებივართ მსოფლიოს.

ციტირება პასუხი
   
User avatar
კარენოი დესპანელი
კარენოი დესპანელი
Joined05 Jan 2008
Posts1773
კარმა103
OFFLINEPROFILE
მეგობრებო! მომიტევეთ, რომ ვერ ვპოსტავ. სალაპარაკო მეც ბევრი მაქვს და გაცილებით თქვენზე მეტი ამათთან მიმართებაში, მაგრამ თევზივით წყლით მაქვს პირი სავსე, მიხვდებით ალბათ რატომაც..............სურათი აღარ არსებობსსურათი აღარ არსებობსსურათი აღარ არსებობს
აი ასეთ მდგომარეობაში ვარ ამწუთში. სიცოცხლე არ მინდა.
რედაქტირებულია

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
რუსეთი კავკასიის რუკის შეცვლას ცდილობს
13:18 10.08.2008

[BBC]
ოფიციალური თბილისის განცხადებით, ქართულმა სამთავრობო ჯარებმა
დატოვეს ცხინვალი და ამჟამად იქ რუსული საჯარისო ნაწილები არიან
განლაგებულნი, რომლებიც მიწასთან გასწორებულ ცხინვალს აკონტროლებენ.

როგორც ქართულ სამხედრო უწყებაში BBC -ს განუცხადეს, რომ ამ ნაბიჯის
გადადგმა მშვიდობიანი მოსახლეობის გადარჩენის მიზნით მოხდა. თუმცა,
რუსი სამხედროები საპირისპიროს აცხადებენ - ქართული სამთავრობო ჯარები
კვლავ ცხინვალის ტერიტორიაზე იმყოფებიან.

ამავდროულად, რუსეთის საინფორმაციო საშუალებები ავრცელებენ ინფორმაციას,
რომ რუსული სამხედრო გემები საქართველოს პორტების ბლოკადაში მოსაქცევად ემზადებიან.
ასევე, ვრცელდება ინფორმაცია იმის შესახებ, რომ რუსეთი 10’000 სამხედრო
მოსამსახურის მობილიზებას ახდენს, რათა ისინი დაუყოვნებლივ იქნან გადასროლილნი
სამხრეთ ოსეთისა და აფხაზეთის ტერიტორიაზე.

აფხაზური პრობლემა
გაეროს გენერალური მდივნის თანაშემწემ ედმონ მულეტმა განაცხადებით,
არსებობს ნიშნები იმისა, რომ აფხაზი სეპარატისტები მზად არიან დარტყმა
მიაყენონ საქართველოს სამთავრობო ჯარებს ზემო აფხაზეთში:
”ამ მომენტისათვის ჩვენ განსაკუთრებით შეწუხებულები ვართ იმით,
რომ კონფლიქტი გასცდა სამხრეთ ოსეთს და დაპირისპირებამ, შესაძლოა,
აფხაზეთში გადაინაცვლოს”.

როგორც BBC-ს კორესპონდენტი ბრიტჯეტ კენდალი გვატყობინებს ამ
დროისათვის, აშშ, ევროსაბჭო და ევროპაში უსაფრთხოებისა და
თანამშრომლობის ორგანიზაცია იმედოვნებენ, რომ ცეცხლი დროებით
მაინც შეწყდება. როგორ წესი, ამერიკისა და ევროკავშირის
წარმომადგენლები უნდობლობას უცხადებენ კრემლს, როდესაც საუბარი საქართველოს შეეხება.

რუსეთი ეცდება გამოიყენოს ეს კრიზისი და თავისი სამხედრო ძალის
დემონსტრირება მოახდინოს რეგიონში. აქედან გამომდინარე,
ეს გახლავთ ძირითადი საფრთხე, რომელიც ტერიტორიების
ახალი გადანაწილებით ემუქრება რეგიონს.

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
ცხინვალს კვლავ აგრესორები აკონტროლებენ
სიახლე — თავფურცელი
12:01 10.08.2008
ქალაქ ცხინვალის გარდა, დანგრეულია სოფლები: ნიქოზი, ფრისი, თამარაშენი, ხეთაგუროვო, ძარწემი, ავლევი, ნული... ფოტო: AFP
ვერსია პრინტერისთვის •
დაამატე რჩეულებში •
[ლევან სეფისკვერაძე]
9 აგვისტოს ღამეს და 10 აგვისტოს დილით, კონფლიქტის ზონაში ვითარება რამდენჯერმე შეიცვალა. ცხინვალი 2-ჯერ გადავიდა ხელიდან-ხელში და ამ ბრძოლებს საკმაოდ დიდი მსხვერპლი მოჰყვა.
10 აგვისტოს დილით ქართველები ტაქტიკურად გაადადგილდნენ უკან და ამჟამად ქალაქ ცხინვალს კვლავ აგრესორები აკონტროლობენ, თუმცა როგორც საქართველოს ხელისუფლება აცხადებს, ეს პანიკის საფუძველი არ უნდა გახდეს.

ამჟამად პრაქტიკუულად დანგრეულია და მიწასთან გასწორებულია დიდი და პატარა ლიახვის როგორც ქართული, ასევე - ოსური სოფლების დიდი ნაწილი. ქალაქ ცხინვალის გარდა, დანგრეულია სოფლები: ნიქოზი, ფრისი, თამარაშენი, ხეთაგუროვო, ძარწემი, ავლევი, ნული და სხვა... რუსი აგრესორების ბომბები გორის რაიონის უკიდურეს სამხრეთით მდებარე სოფლებსაც გადასწვდა.

ჭურვები და რაკეტები ჩაცვივდა სოფელ მეღვრეკისში, ვარიანში, შავშებში.

ქარელის რაიონის სოფლებში: აბანო, ატოცი, აბისი. როგორც ადგილობრივები აცხადებენ,
დამპრობლების “შავი ხელები” ხაშურის რაიონსაც კი მისწვდა და ნასროლმა ბომბებმა ქალაქ
ხაშურთან ახლოს მდებარე სოფლის მეურნეობის სავარგულები გაანადგურა. ასევე დაიბომბა
ონისა და ამბროლაურის რაიონებიც.

რაჭაში ბომბები მაშინ ჩაცვივდა, როდესაც მოსახლეობას ეძინა და მათი სიცოცხლე მხოლოდ
რუსების უზუსტობამ იხსნა. ბომბების უმეტესობა ტყიან მასივში ჩავარდა.

როგორც საქართველოს რეინტეგრაციის მინიტრმა, თემურ იაკობაშვილმა განაცხადა, რუსების
მხრიდან მსხვერპლი რამდენჯერმე მეტი იყო. დაიღუპნენ ქართველი ჯარისკაცებიც, თუმცა
დაღუპულთა რაოდენობის გამხელისაგან როგორც ქართული, ასევე რუსული მხარე თავს იკავებს.

რუსულ საინფორმაციო საშუალებებით გავრცელდა ინფორმაცია, რომ თითქოს ქართველბის
მხრიდან რამდენიმე ათასი დაღუპული იყო, მაგრამ საბრძოლო ოპერაციების პირობებში,
ამ ციფრების ელემენტარული გადამოწმებაც კი პრაქტიკულად შეუძლებელია.

რუსებმა დაბობმვითი ოპერაციები 9 აგვისტოს ღამით კვლავ განაახლეს. ამჯერად მათი
სამიზნე თბილისის ავიამშენებელი ქარხნისა და ზემო აფხაზეთის აეროდრომები გახდა.

თბილისში განხორციელებული დაბომბვების დროს, აეროდრომი მსუბუქად დაზიანდა,
რადგან ბომბების უმეტესობა არ აფეთქდა. აეროდრომიდან სამოქალაქო დასახლებები
საკმაოდ მოშორებითაა და ამ დაბომბვას მსხვერპლი არ მოჰყოლია.

რაც შეეხება კონფლიქტის საერთაშორისო გამოხმაურებას, დასავლეთის ქვყნების
უმეტესობა ტრადიციულად “შეშფოთებოითა და აღშფოთებითაა” დაკავებული.

ერთადერთი რეალური წინადადება საფრანგეთის მთავრობამ შემოგვთავაზა,
რომელიც სამპუნქტიანი სამშვიდობო წინადადებების წამოყენებას აპირებს.
საქართველოში ამერიკის თანადგომის იმედი ჯერ კიდევ არ დაუკარგავთ.

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
რამდენადაც მართალია არ ვიცი არც მინდა დავიჯერო მაგრამ ჩვენები გამოდიანო ოსეთის ტერიტორიიდან

ციტირება პასუხი
   
User avatar
გამოცდილი დესპანელი
გამოცდილი დესპანელი
Joined27 Jul 2007
Posts86
კარმა51
OFFLINEPROFILE
არ არის გასაკვირი რომ ცხინვალიდანგამოვიდნენ,რუსეთს თუ რამ საომარი ძალა თუ ტეხნიკა გააჩნია საქართველოს წინააღმდეგ მომართა ასეთ სიტუაციაში სიგიჟეა მათთან შებრძოლება,რუსეთს არავისი და არაფრის აღარ ერიდება.ღიად გამოგვიცხადა ომი.მართლა ხომ არ უნდა გავწყდეთ.პუტინს მისი ხალხი ფეხებზე კიდია.მათთვისხალხის დანაკარგი არაფერია იმიტომ რომ გაწყვეტამდე ბევრი არიან.

_________________
ციტირება პასუხი
   
User avatar
კარენოი დესპანელი
კარენოი დესპანელი
Joined22 Jun 2007
Posts1872
კარმა179
OFFLINEPROFILE
აცხოვნე, უფალო, ერი შენი, და აკურთხე სამკვიდრებელი შენი. ძლევა ჯვარითა ბარბაროზთა ზედა ღვთივ-დაცულსა ერსა ჩვენსა მოანიჭე და საფარველსა ქვეშე მისსა დაიცევ, რათა ვიტყოდეთ _ უფალო, დიდება შენდა.

_________________
ციტირება პასუხი
   
User avatar
ექსპერტი დესპანელი
ექსპერტი დესპანელი
Joined16 Mar 2008
Posts282
კარმა7
OFFLINEPROFILE
NJ_Maiko wrote:
ციტატა:
აცხოვნე, უფალო, ერი შენი, და აკურთხე სამკვიდრებელი შენი. ძლევა ჯვარითა ბარბაროზთა ზედა ღვთივ-დაცულსა ერსა ჩვენსა მოანიჭე და საფარველსა ქვეშე მისსა დაიცევ, რათა ვიტყოდეთ _ უფალო, დიდება შენდა.

ამინ!!!!!!!!!

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
ეუთო-ს თავმჯდომარე 11 აგვსიტოს თბილისში ჩამოვა
რუსეთი ვეღარ დაუბრუნდება ქართულ-ოსურ მოლაპარაკებებს შუამავლის სტატუსით,- ამის შესახებ ეუთო-ს მოქმედმა თავმჯდომარემ, ფინეთის საგარეო საქმეთა მინისტრმა ალექსანდერ სტუბმა განაცხადა.
მისი თქმით, რუსეთის შეიარაღებული ჩარევა სამხრეთ ოსეთის კონფლიქტში ნიშნავს, რომ რუსეთი ვეღარ დაბრუნდება ქართულ-ოსური კონფლიქტის მოწესრიგების პროცესში, როგორც პატიოსანი შუამავალი მხარეებს შორის.

“ამჟამად რუსეთი წარმოადგენს მხარეს კონფლიქტში და ეს გათვალისწინებული აუცილებლად იქნება, როცა შეწყდება ცეცხლი და დაიწყება მოლაპარაკებები” - განაცხადა სტუბმა.

მისივე აზრით, ნათელია, რომ დაბრუნება სტატუს-კვოსკენ, იმისკენ, რაც იყო, აღარასდროს მოხდება.

ეუთო-ს თავმჯდომარემ განაცხადა, რომ 11 აგვისტოს საქართველოში ჩავა, რათა შეხვდეს პრეზიდენტ სააკაშვილს, მერე კი ეწვევა მოსკოვს, სადაც შეხვდება საგარეო საქმეთა მინისტრს სერგეი ლავროვს.

სტუბმა განაცხადა, რომ სწრაფი გადაწყვეტილებების მოლოდინი სწორი არ იქნება.

“თუ ავიღებთ 10-ბალიან შკალას, ჩვენ ახლა 2 ბალის ნიშნულთან ვიმყოფებით” - განმარტა ფინეთის საგარეო უწყების ხელმძღვანელმა.

“ეს ომია ყოველგვარი ეჭვის გარეშე - არავითარი საფუძელი არ არსებობს, ამას სხვა სახელი ვუწოდოთ” ,-განაცხადა სტუბმა და დასძინა, რომ ეუთო კონფლიქტის გადაწყვეტისას საქართველოს ტერიტორიული მთლიანობისა და სამხრეთ ოსეთის ხალხის თვითგამორკვევის პრინციპებით იხელმძღვანელებს.

“ინტერპრესნიუსი”

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
“CCN”-ის მიერ გამოკითხულთა 85 პროცენტის აზრით, საერთაშორისო საზოგადოება საქართველოში მიმდინარე ბრძოლაში უნდა ჩაერთოს
ტელეკომპანია “CCN” საქართველოში მიმდინარე მოვლენებთან დაკავშირებით გამოკითხვას ატარებს.
“CCN” კითხვა შემდგენაირია - უნდა ჩაერთოს თუ არა საერთაშორისო საზოგადოება საქართველოში მიმდინარე ბრძოლაში?

კითხვაზე დადებითი პასუხი ამ ეტაპზე 85 პროცენტმა გასცა, ხოლო უარყოფითი მხოლოდ 15 პროცენტმა.

გამოკითხვა მიმდინარეობს საიტზე http://edition.cnn.com.

“ინტერპრესნიუსი”

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
თეთრი სახლი კრემლს ურთიერთობების შესაძლო გართულების შესახებ აფრთხილებს
თეთრი სახლი მოსკოვს აფრთხილებს, რომ სამხრეთ ოსეთის გარშემო კონფლიქტის შემდგომი ესკალაცია რუსულ-ამერიკულ ურთიერთობებს გრძლევადიან პერსპექტივაში სერიოზულად გაართულებს.
როგორც სააგენტო “Aსსოციატედ Pრესს” იუწყება, ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში ჯიმ ჯეფრიმ განაცხადა.

ჯეფრის თქმით, შეერთებული შტატების პოზიციის შესახებ რუსეთის ხელისუფლებას უკვე ეცნობა.

სააგენტოს ინფორმაციით, საქართველოს ტერიტორიიდან ჯარების გაყვანა რუსეთს აშშ-ის სხელწმიფო მდივანმა კონდოლიზა რაისმაც მოსთხოვა.

“ინტერპრესნიუსი”
რედაქტირებულია

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
რუსულმა სამხედრო ავიაციამ გორის დაბომბვა განაახლა
რამედიმე წუთის წინ რუსულმა სამხედრო ავიაციამ გორის დაბომბვა განაახლა. დაბომბვის ამსახველი კადრები ტელეკომპანია “როიტერმა” პირდაპირ ეთერში გადასცა.
გორი ბოლო ორ დღის განმავლობაში რუსულმა სამხედრო ავიაციამ რამდენჯერმე დაბომბა, რის შედეგადაც არის მსხვერპლი, დანგრეულია საცხოვრებელი სახლები.

“ინტერპრესნიუსი”

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
ფიჩორაში, გაგიდასა და ბარღებში რუსული შეიარაღებული ძალების მძიმე ტექნიკა და პირადი შემადგენლობა შევიდა
გალის რაიონის სოფლებში - ფიჩორაში, გაგიდასა და ბარღებში რუსული შეიარაღებული ძალების მძიმე ტექნიკა და პირადი შემადგენლობა შევიდა.
გალის რაიონის მოსახლეობამ განაცხადა, რუსი ჯარისკაცების ერთ-ერთი შტაბი გაგიდას საშუალო სკოლაშია განთავსებული.

“ტექნიკა, უმთავრესად, განმუხურის მხარეს, შავი ზღვის სანაპიროზეა განლაგებული. რუსულმა მხარემ ძალიან დიდი დამატებითი ძალა შემოიყვანა. თუმცა, ისინი აცხადებენ, რომ მიზანი მხოლოდ გალის რაიონში პოზიციების გამაგრებაა და ზუგიდიდს რაიონის მიმართულებით გადაადგილებას არ აპირებენ”, - აცხადებს გალის რაიონის მოსახლეობა.

გალის რაიონში ამჟამად მშვიდი ვითარებაა.

“ინტერპრესნიუსი”

ციტირება პასუხი
   
User avatar
კარენოი დესპანელი
კარენოი დესპანელი
Joined19 Dec 2007
Posts917
კარმა76
OFFLINEPROFILE
10 აგვისტო, 2008
ქართულმა მხარემ რუსეთის მიერ განხორციელებული ბოლო ორი დღის ქრონოლოგია გაავრცელა
ქართულმა მხარემ რუსეთის მიერ განხორციელებული ბოლო ორი დღის ქრონოლოგია გაავრცელა.
დღეს, 05.45 საათზე საჰაერო სივრცე დაარღვიეს რუსულმა თვითმფრინავებმა დაღესტნის მხრიდან და სამი ბომბი ჩამოაგდეს თბილისის საავიაციო ქარხნის ტერიტორიაზე, 07.40 ქურთა დაიბომბა, 08.45 საათზე შეტევა განხორციელდა ზემო აფხაზეთზე, 11.15 საათზე გორის რაიონის სოფელი შავშვები დაიბომბა რუსული ავიაციის მიერ.

გუშინ, 00.12 საათზე ფოთის პორტი დაიბომბა, 00.17 საათზე მანათობელი ჭურვები სენაკის ბაზაზე ჩამოყარეს, რის შედეგადაც ერთი სამხედრო და ხუთი რეზერვისტი გარდაიცვალა, ააფეთქეს ასევე რკინიგზა, 00.20 საათზე დაიბომბა ვაზიანის სამხედრო ბაზა ორჯერ, 01.00 საათზე დაიბომბა ფოთის პორტი, 01.20 საათზე დაიბომბა გაჩიანი, შემდეგ 58-ე არმია ჩრდილოეთ ოსეთიდან შემოვიდა და შეტაკებები მოხდა ცხინვალში ქართულ არმიასთან, 10.00 საათზე დაიბომბა კოპიტნარის აეროპორტი, 10.20 საათზე გორში ქართველებმა ჩამოაგდეს რუსული ვერტმფრენი და დაკავებულია პილოტი, 10.22 გორი დაიბომბა, 12.40 საათზე კოპიტნარის აეროპორტი, 14.00 რუსებმა შეუტიეს კოდორის ხეობას, 14.30 საათზე საქართველოს პარლამენტმა მიიღო დეკლარაცია ქვეყანაში საომარი მდგომარეობის გამოცხადების შესახებ, 14.05 საათზე აფხაზეთის თავზე დაფრინავდნენ რუსული ვერტმფრენები, 16.15 საათზე ორი რუსული სამხედრო გემი შემოვიდა ფოთის პორტში, 16.35 საათზე დაიბომბა ონის რაიონი, 22.30 საათზე დაიბომბა სოფელი ჩხალთა, შემდეგ 4000 რუსი სამხედრო ოჩამჩირის მხრიდან შემოვიდა აფხაზეთში, 6000 რუსი ჯარისკაცი შემოვიდა როკის გვირაბიდან, მათ შორის 90 ტანკი.

“ინტერპრესნიუსი”

ციტირება პასუხი
   
 
+ ახალი თემა ↩ პასუხი  [ 1009 posts ] 
ყოველდღიური დაიჯესტი
დესპანი