ახლა რა დროის ტანცი-მანცია?
წყარო: ლაშა ნადარეიშვილი. [ასავალ-დასავალი.]
ახლა რა დროის ტანცი-მანცია?
დიდება ომში მოკლულ ათასებს,
რომლებსაც მეფე არ დააფასებს!
საძმო საფლავში ჩაყრილ ყმაწვილებს
დრო სამოთხეში გაანაწილებს!
ახლა რა დროის ტანცი-მანცია,
მეფემ ქვეყანა თავს დაგვაქცია!
მარიამობის წმინდა მარხვაში
ვართ უსახელო გმირთა მარხვაში!
ვაგლახ, ცხინვალი გამიოსეთეს,
ჩვენი გვამებით მიწა მოთესეს!
ვაგლახ, საკენიც აღარ საკენობს
გზა-აფხაზეთის ტახტისაკენო!
რატომ იწვიან ჩემი თხემლები,
რად ვერ აქრობენ ტატოს ცრემლები?
სამებავ, როდის დაირეკები,
რომ გააღვიძო ალგეთს ლეკვები!
მამულო, შენსკენ ლოცვით მოვდივარ,
როგორც არაგვი, მთებს გადმოვდივარ,
იმ სამასთაგან ერთი ბიჭი ვარ,
ხელში ერეკლეს ხმალი მიჭირავს.
ლაშა ნადარეიშვილი.ასავალ-დასავალი.
