დიმიტრი მედვედევი – ჩვენ ქართველი ხალხის მიმართ ძმური გრძნობები გვაქვს
დიმიტრი მედვედევი – ჩვენ ქართველი ხალხის მიმართ ძმური გრძნობები გვაქვს
"მეტსაც ვიტყვი – ჩვენ ქართველი ხალხის მიმართ ახლაც ძმური გრძნობები გვაქვს, ამას ვერაფერი შეარყევდა", - განაცხადა მედვედევმა დღეს მოსკოვში ახალი სადგურის - "სლავიანსკი ბულვარის" გახსნის ცერემონიაზე მას შემდეგ, რაც ქართველების მიმართ თბილ დამოკიდებულებაზე მოსკოვის მერმა იური ლუჟკოვმა ისაუბრა.
ლუჟკოვმა სინანული გამოთქვა საქართველო-რუსეთის დაპირისპირების გამო.
"ჩვენ ძალიან ვწუხვართ, რომ საქართველოსა და რუსეთს შორის მოულოდნელად უთანხმოება მოხდა, მაგრამ უთანხმოება მხოლოდ საქართველოს უმაღლესი ხელისუფლებისგან მოდის. გავა დრო და ჩვენ კვლავ მხოლოდ ძმური განცდები გვექნება", - განაცხადა ლუჟკოვმა.
მან ასევე ყურადღება გაამახვილა, რომ სამშენებლო ბრიგადა, რომელმაც ახალი მეტროსადგური ააშენა, ინტერნაციონალურია და ბრიგადაში ბევრი ქართველი მუშაობს – მათ შორის მთავარი ინჟინერი, გენერალური დირექტორი და მაღაროს უფროსი.
www.InterPressNews.ge
