ნიკოლა სარკოზი - 15 ოქტომბერს საქართველოში არც ერთი რუსი ჯარისკაცი აღარ უნდა იყოს
ნიკოლა სარკოზი - 15 ოქტომბერს საქართველოში არც ერთი რუსი ჯარისკაცი აღარ უნდა იყოს
მისი თქმით, რუსეთმა აიღო ვალდებულება, რომ 15 ოქტომბრისთვის საქართველოში არც ერთი რუსი ჯარისკაცი არ უნდა იყოს.
სარკოზი იმედოვნებს, რომ რუსეთი აღნიშნულ შეთანხმებას არ დაარღვევს, მაგრამ თუ ეს მაინც მოხდება, "საქმე სულ სხვაგვარად იქნება".
სარკოზის განცხადებით, მნიშვნელოვანია ასევე ის შეთანხმება, რომელიც საქართველოდან რუსული ჯარის გასვლას მოჰყვება. საქართველოში ევროკავშირის დამკვირვებლები შემოვლენ და რაც მნიშვნელოვანია, სარკოზიმ აღნიშნა, რომ დამკვირვებლები განთავსდებიან არა მარტო საქართველოს ხელისუფლების მიერ კონტროლირებად ტერიტორიებზე, არამედ საქართველოს მთელ ტერიტორიაზე, რომელიც საერთაშორისო თანამეგობრობის მიერ არის აღიარებული. რაც იმას გულისხმობს, რომ ევროკავშირის დამკვირვებლები შევლენ როგორც აფხაზეთის, ასევე ე.წ. სამხრეთ ოსეთის ტერიტორიებზე.
სარკოზის თქმით, ოსეთსა და აფხაზეთში საერთაშორისო დამკვირვებლები აუცილებლად ჩავლენ, ვინაიდან "ჩვენ ვერ დავუშვებთ იმას, რომ იმ ადამიანებმა, რომლებიც ორი დღის წინ შეიარაღებულ კონფლიქტში მონაწილეობდნენ, სამშვიდობო მისია შეასრულონ".
სარკოზიმ ასევე განაცხადა, რომ დამკვირვებლები იმ პროცესებსაც მიადევნებენ თვალს, თუ რა ინტენსივობით უბრუნდებიან დევნილები თავიანთ საცხოვრებელ ადგილებს.
სარკოზიმ ხაზგასმით აღნიშნა ასევე, რომ აქ საუბარია არა მხოლოდ იმ დევნილებზე, რომლებიც ბოლო შეიარაღებული დაპირისპირების დროს იქნენ გამოძევებული საკუთარი სახლებიდან, არამედ 1992 წელს საკუთარი ოჯახებიდან გამოყრილ ადამიანებზე.
სარკოზი-სააკაშვილის შეხვედრა დაახლოებით 23:30 საათზე დაიწყო და ერთი საათი გაგრძელდა. ამის შემდეგ ბრიფინგი საქართველოსა და საფრანგეთის პრეზიდენტებმა და ჟოზე მანუელ ბაროზომ უცხოური და ქართული მედიისთვის გამართეს.
www.InterPressNews.ge
სარკოზის განცხადებით, მნიშვნელოვანია ასევე ის შეთანხმება, რომელიც საქართველოდან რუსული ჯარის გასვლას მოჰყვება. საქართველოში ევროკავშირის დამკვირვებლები შემოვლენ და რაც მნიშვნელოვანია, სარკოზიმ აღნიშნა, რომ დამკვირვებლები განთავსდებიან არა მარტო საქართველოს ხელისუფლების მიერ კონტროლირებად ტერიტორიებზე, არამედ საქართველოს მთელ ტერიტორიაზე, რომელიც საერთაშორისო თანამეგობრობის მიერ არის აღიარებული. რაც იმას გულისხმობს, რომ ევროკავშირის დამკვირვებლები შევლენ როგორც აფხაზეთის, ასევე ე.წ. სამხრეთ ოსეთის ტერიტორიებზე.
სარკოზის თქმით, ოსეთსა და აფხაზეთში საერთაშორისო დამკვირვებლები აუცილებლად ჩავლენ, ვინაიდან "ჩვენ ვერ დავუშვებთ იმას, რომ იმ ადამიანებმა, რომლებიც ორი დღის წინ შეიარაღებულ კონფლიქტში მონაწილეობდნენ, სამშვიდობო მისია შეასრულონ".
სარკოზიმ ასევე განაცხადა, რომ დამკვირვებლები იმ პროცესებსაც მიადევნებენ თვალს, თუ რა ინტენსივობით უბრუნდებიან დევნილები თავიანთ საცხოვრებელ ადგილებს.
სარკოზიმ ხაზგასმით აღნიშნა ასევე, რომ აქ საუბარია არა მხოლოდ იმ დევნილებზე, რომლებიც ბოლო შეიარაღებული დაპირისპირების დროს იქნენ გამოძევებული საკუთარი სახლებიდან, არამედ 1992 წელს საკუთარი ოჯახებიდან გამოყრილ ადამიანებზე.
სარკოზი-სააკაშვილის შეხვედრა დაახლოებით 23:30 საათზე დაიწყო და ერთი საათი გაგრძელდა. ამის შემდეგ ბრიფინგი საქართველოსა და საფრანგეთის პრეზიდენტებმა და ჟოზე მანუელ ბაროზომ უცხოური და ქართული მედიისთვის გამართეს.
www.InterPressNews.ge
