ედუარდ შევარდნაძე: "რუსეთის დაშლა გარდაუვალია და უახლოეს მომავალში დაიწყება"
ედუარდ შევარდნაძე: "რუსეთის დაშლა გარდაუვალია და უახლოეს მომავალში დაიწყება"
საქართვეელოს ყოფილი პრეზიდენტის ედუარდ შევარდნაძის განცხადებით, რუსეთმა აფხაზეთისა და ე.წ. სამხრეთ ოსეთის აღიარებით საბედისწერო შეცდომა დაუშვა. ყოფილი საბჭოთა კავშირის საგარეო საქმეთა ექს-მინისტრი რუსეთის გარდაუვალ დაშლას პროგნოზირებს და დარწმუნებულია, რომ ეს პროცესი უახლოეს მომავალში დაიწყება. "რუსეთმა საბედისწერო შეცდომა დაუშვა. საქმე მხოლოდ ის კი არ არის, რომ მან აფხაზეთის და ე.წ. სამხრეთ ოსეთის დამოუკიდებლობა აღიარა, არამედ ისიც, რომ იგივე პრობლემა უახლოეს მომავალში რუსეთს თავად დაუდგება. მან ბევრი სისხლი დაღვარა იმისთვის, რომ ჩეჩნებს დამოუკიდებლობა არ მიეღოთ, მაგრამ ეს ერი დამოუკიდებლობისთვის მაინც იბრძვის.დამოუკიდებლობისთვის იბრძვიან ინგუშებიც. თათარსტანს, რომელიც წელიწადში 100 მილიონ ტონა ნავთობს მოიპოვებს, ასევე აქვს პრეტენზია, დამოუკიდებელი სახელმწიფო იყოს. აღარაფერს ვამბობ ბაშკირეთზე", - განაცხადა "პირველთან" საუბარში ედუარდ შევარდნაძემ და დასძინა, რომ ახლა დაშლის უფრო მეტი საშიშროება რუსეთს ემუქრება, ვიდრე საქართველოს. "მედვედევმა და პუტინმა რუსეთისათვის საბედისწერო გადაწყვეტილება მიიღეს. რუსეთს ახლა გარდაუვალი დაშლა ემუქრება", - აცხადებს ექს-პრეზიდენტი.
