რუსეთს “შავი სამშაბათი” გაუთენდა
რუსეთს “შავი სამშაბათი” გაუთენდა
| 16 სექტემბერს მოსკოვის საერთაშორისო ბირჟის საფონდო ინდექსი 17,75%-ით შემცირდა და 877,98 პუნქტამდე დაეცა. რუსეთის საფონდო ინდექსი კი 11,47%-ით შემცირდა და 1131,12 პუნქტამდე დაეცა. ორი არასრული დღის მონაცემებით, ორივე ინდექსი 15%-ით შემცირდა და ვარდნას აგრძელებს. ბირჟაზე რუსული აქციების რეკორდული ვარდნის გამო ვაჭრობა ერთი საათით შეაჩერეს. |
აგვისტოში საქართველოში რუსეთის აგრესიის შემდეგ უცხოელებმა რუსეთის ბირჟებიდან ინვესტიციების გატანა დაიწყეს და სექტემბრის შუა პერიოდში ეს მაჩვენებელი კიდევ გაიზარდა. შედეგად კი რუსეთის ყველაზე ლიკვიდური ფასიანი ქაღალდები დაზარალდა. 16 სექტემბერს მოსკოვის საერთშორისო ბირჟაზე “ვნეშტორბანკმა” 30% და “სბერბანკმა” 20% დაკარგეს, “გაზპრომმა” კი - 14,83%. რუსეთის საფონდო ინდექსმა და მოსკოვის საერთაშორის ბირჟის ინდექსმა მაისიდან ისტორიულ მინიმუმს მიაღწია, ისინი 60%-ით შემცირდა. ექსპერტებმა დღევანდელ დღეს “შავი სამშაბათი” უწოდეს და ინდექსის ვარდნის მხრივ 2003 წლის მაჩვენებელს შეადარეს. |
