აშშ: რუსეთი საქართველოს მთავრობის დამხობას ვერ შეძლებს
აშშ: რუსეთი საქართველოს მთავრობის დამხობას ვერ შეძლებს
[REUTERS]რუსეთის მიერ საქართველოს მიმართ განხორციელებული აგრესიის შემდეგ აშშ-ს სახელმწიფო მდივნის, კონდოლიზა რაისის პირველ სრულ მიმართვაში ნათქვამია, რომ რუსეთი ვერ შეძლებს რომელიმე სტრატეგიული მიზნის განხორციელებას.
- ”რუსეთის ლიდერები ვერ მიაღწევენ ომის ძირითად მიზანს - დაამხონ საქართველოს ხელისუფლება,” - ნათქვამია ციტატაში, რომელიც გავრცელდა მარშალის ცენტრში რაისის გამოსვლამდე.
- ”ჩვენი სტრატეგიული მიზანია, რუსეთის მმართველებს ნათლად დავანახოთ, რომ ამ ქმედებით ისინი რუსეთს საერთაშორისო საზოგადოებისგან იზოლაციის წინაშე აყენებენ.”
კონდოლიზა რაისის თქმით, საქართველოს ტერიტორიების დაპყრობა იყო ”მოქმედების უაღრესად ცუდი ფორმის” ნაწილი, რომელიც ასევე მოიცავდა გაზისა და ნავთობის პოლიტიკურ იარაღად გამოყენებას.
- ”რაც რუსეთის ქმედებიდან დავინახეთ, ესაა ქვეყანა, რომელიც მზარდად ავტორიტატულია შინ და აგრესიულია - საზღვრებს გარეთ”.
რაისმა ასევე დასძინა, რომ შეერთებულმა შტატებმა და ევროპამ არ უნდა დაუშვას რუსეთის ”აგრესია” საქართველოს ხელისუფლების, კერძოდ მიხეილ სააკაშვილის წინააღმდეგ.
მან ასევე თქვა, რომ რუსეთისთვის მსოფლიო სავაჭრო ორგანიზაციაში (WTO) გაწევრიანების შეთავაზება კითხვის ნიშნის ქვეშ დგას, ისევე, როგორც რუსეთის მცდელობა შეუერთდეს ეკონომიკური თანამშრომლობისა და განვითარების საერთაშორისო ორგანიზაციას.
http://presa.ge/index.php?text=news&i=4023