დიდი ლიახვის ხეობის მოსახლეობის ნაწილი პარლამენტის შენობასთან აქციას მართავს
დიდი ლიახვის ხეობის მოსახლეობის ნაწილი პარლამენტის შენობასთან აქციას მართავს
აქციის მონაწილეეები ორად არიან გაყოფილი, მათი ნაწილი, 50-მდე ადამიანი პარლამენტის შენობის ეზოში შესასვლელ ჭიშკართან იმყოფება, მეორე ნაწილი კი - უშუალოდ პარლამენტის შენობის წინ.
მობილიზებულია პარლამენტის შენობის დაცვა, ისინი ცდილობენ, აქციის მონაწილეები მშვიდობიანად გაიყვანონ პარლამენტის ეზოს ტერიტორიიდან.
აქციის მონაწილეების თქმით, უამრავი პრობლემა დაუგროვდათ და ხელისუფლების იმ პირებთან შეხვედრას ითხოვენ, რომლებიც მათ პრობლემებს გადაჭრიან, კერძოდ, პარლამენტარ კობა სუბელიანთან და შსს მინისტრთან მერაბიშვილთან.
"ხეობის მცხოვრებლებისთვის შენდება სახლები ქვეყნის სხვადასხვა ტერიტორიაზე, ჩვენთვის გამოყოფილი თანხები არამიზნობრივად იხარჯება და არავინ გვეკითხება, თუ სად გვსურს ცხოვრება",-აცხადებენ დევნილები.
ისინი უკმაყოფილებას გამოთქვენ იმის გამოც, რომ მათ შვილებს არ აქვთ სასკოლო ნივთები, ტანსაცმელი, მედიკამენტები.
"ხელისუფლებამ დევნილები 10-დღიან სასურსათო პროგრამაზე დასვა",-აღნიშნეს მათ.
www.InterPressMews.ge
