ევროკავშირის დამკვირვებლები საქართველოში ჩამოსვლას ხვალიდან დაიწყებენ
ევროკავშირის დამკვირვებლები საქართველოში ჩამოსვლას ხვალიდან დაიწყებენ | |
| ევროკავშირის დამკვირვებლები საქართველოში ჩამოსვლას ხვალიდან დაიწყებენ. ეს განცხადება პარლამენტის თავმჯდომარემ დავით ბაქრაძემ ევროკავშირის მისიის ხელმძღვანელთან ჰანს-იორგ ჰაბერთან შეხვედრის შემდეგ გააკეთა. "საქართველოში ევროკავშირის მისიის საქმიანობა ჩვენთვის უმნიშვნელოვანესი თემაა. საკითხი უნდა გადაწყდეს პოლიტიკური მოლაპარაკებების, პოლიტიკური პროცესის შედეგად. იმედი გვაქვს, რომ ევროკავშირი ამ მოლაპარაკებებში თანმიმდევრული, მტკიცე იქნება და დაიცავს საკუთარ პოზიციას საქართველოსთან მიმართებაში" - განაცხადა დავით ბაქრაძემ. ევროკავშირის 200-მდე დამკვირვებელი საკუთარი ფუნქციის განხორციელებას აფხაზეთისა და ე.წ. სამხრეთ ოსეთის მიმდებარე ტერიტორიებზე მომავალი კვირიდან შეუდგება. |
