რუსულმა მართლმადიდებლურმა ეკლესიამ სამხრეთ ოსეთისა და აფხაზეთის მართლმადიდებლური ეპარქიების მიერთება
რუსულმა მართლმადიდებლურმა ეკლესიამ სამხრეთ ოსეთისა და აფხაზეთის მართლმადიდებლური ეპარქიების მიერთებაზე უარი თქვა
[საინფორმაციო სააგენტო ”ფაქტი”]
რუსული მართლმადიდებლური ეკლესიის წმინდა სინოდმა უარი თქვა რუსულ მართლმადიდებლურ ეკლესიაში სამხრეთ ოსეთისა და აფხაზეთის მართლმადიდებლური ეკლესიის მიღებაზე, იუწყება გაზეთი ”კომერსანტი”.
ამგვარად, რუსულმა მართლმადიდებლურმა ეკლესიამ მხარი დაუჭირა საქართველოს საპატრიარქოს.
”რუსულ მართლმადიდებლურ ეკლესიაში სამხრეთ ოსეთისა და აფხაზეთის მართლმადიდებლური ეკლესიის მიღებაზე ლაპარაკიც კი შეუძლებელია”, - აღნიშნა მოსკოვის საპატრიარქოს პრესმდივანმა მამა ვლადიმერ ვიგილიანსკიმ სინოდის გადაწყვეტილების კომენტირებისას.
რუსულ მართლმადიდებლურ ეკლესიასთან მიერთების იდეით აფხაზეთისა და სამხრეთ ოსეთის საეკლესიო მოღვაწენი გამოვიდნენ.
ცხუმ-აფხაზეთის ეპარქიის ხელმძღვანელის ბესარიონ აპლიას თქმით, რუსული მართლმადიდებლური ეკლესიის ხელმძღვანელობას აფხაზურმა ეკლესიამ ამ იდეით არაერთხელ მიმართა, მაგრამ ”მთავარი წინააღმდეგობა რესპუბლიკების აღიარება იყო”.
გამოცემის ინფორმაციით, სინოდის გადაწყვეტილება რუსული და ქართული საპატრიარქოების მოკავშირეობით არის გამოწვეული და იმით, რომ რუსულ მართლმადიდებლურ ეკლესიას საეკლესიო დიპლომატიის საკითხებში ქართული საპატრიარქოს მხარდაჭერის იმედი აქვს.
http://presa.ge/index.php?text=news&i=4264