ედუარდ კოკოითი საერთაშორისო დამკვირვებლების მუშაობით უკმაყოფილოა
ედუარდ კოკოითი საერთაშორისო დამკვირვებლების მუშაობით უკმაყოფილოა
დე-ფაქტო პრეზიდენტმა ქართული მხარე პროვოკაციებში კიდევ ერთხელ დაადანაშაულა და დე-ფაქტო რესპუბლიკის მოსახლეობის უსაფრთხოების უზრუნველყოფა საკუთარი რეჟიმის ე.წ. ძალოვანებს დაავალება.
"საერთაშორისო დამკვირვებლები ძალიან უცნაურად ასრულებენ საკუთარ მოვალეობებს. მათი ტენდენციურობა აშკარაა, რაც არა ვითარების გაუმჯობესებას, არამედ დესტაბილიზებას უწყობს ხელს", -განაცხადა კოკოითიმ.
მისი მტკიცებით, საქართველო აგრესიულ პოლიტიკას აგრძელებს. კოკოითი აცხადებს, რომ ცხინვალის სამართალდამცველი სტრუქტურები ნებისმიერი თავდასხმის მოგერიებისთვის მზად უნდა იყოს.
კოკოითის თქმით, კვლავ დაძაბული ვითარებაა ე.წ. ლენინგორის რაიონში, სადაც ოსური მილიციის პოსტები ქართული მხრიდან იცხრილება.
"მოსაზღვრე ზონებიდან ასევე გატაცებულია სამხრეთ ოსეთის 11 მოქალაქე, რომლებიც საქართველოს ტერიტორიაზე იმყოფებიან", - განაცხადა კოკოითიმ.
www.InterPressNews.ge
