გავრცელებული ინფორმაციით, ცხინვალის სეპარატისტულმა მთავრობამ ქალებისა და ბავშვების ევაკუაცია დაიწყო
გავრცელებული ინფორმაციით, ცხინვალის სეპარატისტულმა მთავრობამ ქალებისა და ბავშვების ევაკუაცია დაიწყო
ამ ინფორმაციის თანახმად, ქალები და ბავშვები ოსური მხარის კონტროლირებადი ტერიტორიიდან უკვე მეორე დღეა გაჰყავთ. აღნიშნული ცნობა "ინტერპრესნიუსთან" საუბრისას დაადასტურა როგორც ადგილობრივმა მოსახლეობამ, ასევე ხეობის მაჟორიტარმა დეპუტატმა ბადრი ბასიშვილმაც.
ბასიშვილი არ გამორიცხავს, რომ რუსული მხარე ოს სეპარატისტებთან ერთად შესაძლოა მორიგ პროვოკაციას გეგმავდეს და სწორედ ამას უკავშირდებოდეს ცხინვალიდან ევაკუაცია.
გარდა ამისა, ცოტა ხნის წინ პატარა ლიახვის ხეობაში, სოფელ ერედვის თავზე კვლავ გამოჩნდნენ რუსული ვერტმფრენები. რუსული ავიაციის მანევრები ამ ტერიტორიაზე გუშინ საღამოსაც შეინიშნებოდა. ამ დროისთვის კი საჰაერო ტექნიკის გარდა, ფიქსირდება მძიმე საბრძოლო ტექნიკის გადაადგილებაც. პატარა ლიახვის ხეობის მიმდებარე ტერიტორიას ამ დროისთვის რუსი ოკუპანტები და ოსი სეპარატისტები აკონტროლებენ.
მთელი ღამის განმავლობაში ტექნიკის გადაადგილების ხმა ისმოდა. ერედვის ის დევნილი მოსახლეობა, ვისაც გარკვეული კავშირები აქვს ოს მოსახლეობასთან, ვარაუდობს, რომ ცხინვალიდან მორიგი პროვოკაციისთვის ემზადებიან და აღნიშნული მზადებაც ამას უკავშირდება.
www.InterPressNews.ge
მთელი ღამის განმავლობაში ტექნიკის გადაადგილების ხმა ისმოდა. ერედვის ის დევნილი მოსახლეობა, ვისაც გარკვეული კავშირები აქვს ოს მოსახლეობასთან, ვარაუდობს, რომ ცხინვალიდან მორიგი პროვოკაციისთვის ემზადებიან და აღნიშნული მზადებაც ამას უკავშირდება.
www.InterPressNews.ge
