რუსეთი დიდი, ფუმფულა ფისუნიაა, რომელსაც ვერ გაუგეს- როგორ დაიწყო აგვისტოს ომი?
რუსეთი დიდი, ფუმფულა ფისუნიაა, რომელსაც ვერ გაუგეს- როგორ დაიწყო აგვისტოს ომი?
ქართული არმიისა და ქვეყნის ეროვნული უსაფრთხოების პოლიტიკის ფიასკომ აჩვენა ქართული მთავრობის მაღალჩინოსნებს, რომ საიმედო სამხედრო ძალის გარეშე ნორმალური საგარეო პოლიტიკის წარმოება წარმოუდგენელია. ბევრს მსჯელობენ და განსხვავებულ მოსაზრებებს გამოთქვამენ იმაზე, თუ როგორ დაიწყო ომი. იმ მდგომარეობის გაანალიზებისას, რომელშიც საქართველო დღეს იმყოფება ომის დაწყების საკითხმა, შესაძლოა, ბევრი კამათი გამოიწვიოს. საუკეთესო შეფასებით, საქვეყნოდ ცნობილი ამერიკის წვრთნისა და აღჭურვის პროგრამა წარუმატებლად შეიძლება შეფასდეს ამ გადმოსახედიდან. ეს პროგრამა უფრო მეტად გათვლილი იყო ქართული ჯარების გაწვრთნაზე ერაყსა და ავღანეთში შემოდგომი როტაციისთვის ვიდრე საქართველოს დემოკრატიულად არჩეული მთავრობის მიერ მართული სუვერენული სახელმწიფოს ტერიტორიული მთლიანობის დასაცავად ჯარისკაცების გაწვრთნისთვის.ჩემთვის ეხლა უკვე ერთ-ერთი ყველაზე საყვარელი წიგნის “ჯაშუშები დაქირავებით - დაზვერვის დაქირავების საიდუმლო სამყაროს” თანახმად პოტომაკის ინსტიტუტი არის ყველაზე გასაიდუმლოებული კონტრაქტორი, რომელიც მუშაობს სხვადასხვა ქვეყნების სამხედრო და სამთავრობო სტრუქტურებისთვის. წიგნის ავტორია ტიმ შოროკი, ჟურნალისტი-გამომძიებელი. პოტომაკის ინსტიტუტის მსგავსი ორგანიზაციებია Blackwater, Carlyle Group, CACI International, and InQtel...
დეივიდ სმიტის პათოსს შეხვედრაზე კახა ლომაია, საქართველოს უშიშროების საბჭოს მდივანი და საქართველოს განათლების ყოფილი მინისტრი და შოთა უტიაშვილი, საქართველოს შინაგან საქმეთა სამინისტროს ინფორმაციის დეპარტამენტის ხელმძღვანელიც იზიარებდნენ ისევე როგორც სხვა ერთი შეხედვით სანდო წყაროები.
რუსები და ქართველები ერთმანეთისკენ იშვერენ თითს და ერთმანეთს ადანაშაულებენ ომის დაწყებასა და თავდასხმის წინასწარ გადაგეგმავაში. 2008 წლის იანვარში საქართველოს თავდაცვის სამინისტრომ გამოაქვეყნა “სტრატეგიული თავდაცვის გეგმა”, რომელშიც ნათლადაა წარმოდგენილი საქართველოს ფართო მასშტაბიანი გეგმები სეპარატისტული რეგიონების მიმართ. პოტომაკის ინსტიტუტის წარმომადგენლის მისტერ სმიტის თქმით, ამ დოკუმენტში ჩამოყალიბებულია საქართველოს შეიარაღებული ძალების მიზნები და გამოკვეთილად არის საუბარი სეპარატისტულ რეგიონებში კონფლიქტის ესკალაციის საფრთხეზე.
სამთავრობო გაზეთ “24 საათში” გამოქვეყნებული პრესრელიზი 9 ოქტომბრის დისკუსიის შესახებ საუკეთესოდ აჯამებს ამ დისკუსიის ტონსა და მიმართულებას. ეს დისკუსია შეიძლება ჩაითვალოს ფაქტების ცალმხრივ დეკლარაციად, ვიდრე დისკუსიად.
http://www.potomacinstitute.org/media/mediaclips/2008/Smith_24Saati_Gassiev_9_22_08.pdf
გაეცანით მასალას და თავად განსაზღვრეთ სიმართლეა მასში ნათქვამი თუ არა. გაზეთ 24 საათს ახასიათებს ფაქტებზე საუბარი დასაბუთების გარეშე. ამის მაგალითი იყო ხურჩაში არჩევნების დღეს მომხდარი ინციდენტი, რომელზეც დეივიდ სმიტმა სტატია გამოაქვეყნა იმავე 24 საათში ფაქტების მოშველიების გარეშე.
http://en.wikipedia.org/wiki/2008_Khurcha_incident
სმიტი თავის სტატიაში წერს, რომ 7 აგვისტო თენდებოდა, როცა რუსეთი საქართველოს ტერიტორიაზე შემოიჭრა. სამხრეთ ოსეთის სეპარატისტული რეგიონის ერთ-ერთი მესაზღვრე ვინმე გასიევი როკის გვირაბის სამხრეთ გამოსასვლელთან იმყოფებოდა. დილის 3:52 მან თავის უფროსს დაურეკა და უთხრა: „შეიარაღება და ხალხი... 20 წუთის წინ... ტანკები, ჯავშანტანსპორტიორები და...“ ამ სატელეფონო საუბარზე, რომელიც ხარვეზებით იყო ჩაწერილი, პირველად „ნოუ იორკ ტაიმსში“ 16 სექტემბერს დაწერეს. სატელეფონო საუბრის საფუძველზე შეიქმნა მითი, რომ საქართველოს პრეზიდენტმა მიხეილ სააკაშვილმა დააჩქარა რუსეთის თავდასხმა საქართველოზე ცხინვაზე მიტანილი მოუფიქრებელი თავდასხმით.
სმიტის სტატიის თანახმად, ვისაც სჯერა (მე მაგალითად), რომ სხვანაირად მოხდა ყველაფერი, სერიოზულად ცდება ( რომ საქართველო რუსეთის პროვოკაციას არ წამოგებულა) ... „ეს შეხედულება უფლებას აძლევს ევროპელ ლიდერებს ანალიზი გაუკეთონ მხოლოდ მომხდარ მოვლენებს და არ ჩახედონ რუსეთის აგრესიას თვალებში. ბევრი ჟურნალისტი კი პირიქით ცდილობს ღრმად ჩაწვდეს მოვლენათა არსს და დაადგინოს რა მოხდა სინამდვილეში. თუმცა, რამდენიმე ჟურნალისტი ამბობს, რომ რუსეთის აგრესია საქართველოსადმი გამოწვეული იყო ქართული პოლიციის გაუმართლებელი ჩარევით...“
რუსეთ-საქართველოს ომზე გერმანულმა რესპექტაბელურმა გაზეთმა „დერ შპიგელ“ საკმაოდ უცნაური სტატია გამოაქვეყნა და მოვლენების განსხვავებული ანალიზი მოგვცა.
შესაძლოა რუსეთი მართალია, როცა აცხადებს, რომ დასავლური პრესა საკმაოდ ლოიალურია საქართველოს მთავრობისადმი, მაგრამ გაზეთ „შპიგელის“ სტატია საწინააღმდეგოში გვამტკიცებს. სტატიის დასაწყისში გაზეთ „პრავდისთვის“ დამახასიათებელი ტონითაა გაჟღენთილი (თუმცა,სტატიის ბოლოს ავტორი ქართული მთავრობის მსგავსად რუსებსაც მატყუარებს უწოდებს).
ზოგიერთი გერმანელის მსგავად შეიძლება გვეფიქრა, რომ გერმანიის გენერალური შტაბის პოლკოვნიკი და „ეუთოს“ გერმანიის წარმომადგენლობის უფროსი მრჩეველი ვოლფგანგ რიხტერი იზიარებს აზრს, რომ რუსეთი დიდი, ფუმფულა ფისუნიაა, რომელსაც ვერ გაუგეს.
თუმცა, ეს მხოლოდ ერთი შეხედვით. რიხტერი სამხედროა და ყველა დეტალი სამხედრო თვალსაზრისით მშვენივრად იცის. ის ისეთი ადამიანია, რომელიც მოვლენებზე პირდაპირ, მიკიბვ-მოკიბვის გარეშე საუბრობს.
სავარაუდოდ, ბევრი ადამიანი იზიარებს იმ აზრს, რომ აგვისტოს ომი იმისთვის დაიწყო, რომ საქართველოს მთავრობას პოლიტიკური დივიდენდები დაეგროვებინათ და თანაგრძნობა აღეძრათ. იმის ნაცვლად, რომ სამხედრო მიზანი გამეხორციელებინათ, კერძოდ კი როკის გვირაბი ჩაეკეტათ სამხრეთიდან და რუსეთის შემოსვლის ბლოკირება მოეხდინათ. თუმცა, თავად შეადარე მკითხველო აზროვნების ორი სკოლა (დეივიდ სმიტისა და გაზეთ „შპიგელის“) და მსჯელობა საშინელ და უსარგებლო აგვისტოს ომზე.
საქართველოს წინასწარდაგეგმილი იერიში
გაზეთ „შპიგელში“ ნათქვამია, „ნატოს თანამდებობის პირებისთვის ნათელი იყო, რომ ქართველებმა დაიწყეს კონფლიქტი და მათი მოქმედება უფრო მეტად გათვლილს გავდა, ვიდრე თავდაცვას ან პასუხს რუსეთის პროვოკაციაზე.უფრო მეტიც, ნატოში თვლიან,რომ ქართველბის თავდასხლა ოსურ პოზიციებზე წინასწარ იყო დაგეგმილი და ქართული მხარე დიდ ყურადღებას არ აქცევდა ურთიერთსროლებს, რომელიც ომის დაწყებამდე რამდენიმე დღით ადრე მიმდინარეობდა. უფრო მეტიც, ნატოს წარმომადგენლები თვილან, რომ ამ ურთიერთსროლებით მოხდა ქართული მხარის ომისთვის მომზადების გამართლება.
რუსი ჯარისკაცები სამხრეთ ოსეთში 2008 წლის 10 აგვისტო
“ნატოს“ ექსპერტებს არ ეპარებათ ეჭვი ქართველების მტკიცებაში, რომ რუსებმა პროვოკაცია მოაწყვეს როკის გვირაბის გავლით ჯარების გამოგზავნით, მაგრამ აგვისტოს მოვლენების შეფასებისას ისინი გამოთქვადნენ ეჭვს, რომ შესაძლოა ეს ფაქტი სულაც არ იყო სააკაშვილის სამხედრო მოქმედებების ნამდვილი მიზეზი.
დასავლური ქვეყნების დაზვერვის წარმომადგენლებიც ეთანხმებიან ნატოს ამ მოსაზრებას. უცხოური დაზვერვის ინფორმაციით, ქართველებმა 12 000 ჯარისკაცს მოუყარეს თავი ე.წ. სამხრეთ ოსეთის საზღვარზე 7 აგვისტოს დილას. 75 ტანკისა და ჯავშანტრანსპორიორის, რაც ქართული არმიის არსენალის მესამედია მობილიზაცია მოხდა მოხდა გორის მახლობლად. სავარაუდოდ, სააკაშვილის გეგმა იყო დაძრულიყო როკის გვირაბისკენ 15 საათიანი „ბლიცკრიგით“ და ჩაეკეტა როკის გვირაბი და რუსეთისთვის სამხრეთ ოსეთში შემოსვლისთვის შეეშალა ხელი.
7 აგვისტოს 10: 35, ერთი საათით ადრე სანამ რუსეთის არმია როკის გვირაბში შემოვიდოდა, სააკაშვილის თანახმად, ქართულმა სამხედრო ძალებმა იერიში მიიტანეს ცხინვალზე. ქართველებმა 27 საარტილერიო მოწყობილობა, მათ შორის 152 მილიმეტრიანი ქვემეხები და კასეტური ბობმები გამოიყენეს. ღამით კი სამი ბრიგადა ერთად გადავიდა შეტევაზე. უცხო ქვეყნის დაზვერვებმა დააფიქსირეს რუსეთის ძალებიროგორ უხმობდნენ დახმარებისთვის რადიო ტალღებით. ჩრდილოეთ ოსეთში დისლოცირებული 58 არმიის ნაწილი , რომელიც ყველაზე ახლოს იყო კონფლიქტის ზონასთან პირველივე დღეს არ ჩართულა ომში. სავარაუდოდ, არ იყო მზად ამისთვის.
ამასობაში ქართული არმია, რომელიც ძირითადად ქვეითი ჯარისგან უყო დაკომპლექტებული, მთავარი გზებით მიიწევდა ცხინვალისკენ. მალე ისინი შეჩერდნენ და ვეღარ შეძლეს ცხინვალის მიმართულებით წასვლა. დასავლურმა დაზვერვამ შეიტყო, რომ ქართველებს იარაღის ტარებასთან დაკავშირებით პრობლემები ჰქონდათ. მინიშნება იყო იმაზე, რომ ქართველები კარგად ვერ იბრძოდნენ.
დასავლური დაზვერვის ვარაუდით, რუსებმა ცეცხლი 8 აგვისტოს დილის რვის ნახევარზე გახსნეს. მათ სს-21 ტიპის მცირე რადიუსის ბალისტიკური რაკეტა გაუშვეს ბორჯომის მიმართულებით. დასავლური დაზვერვის ინფორმაციით რაკეტა მოხვდა ქართველების სამხედრო და სამთავრობო პოზიციებს. ცოტა მოგვიანებით კი რუსულმა თვითმპრინავებმა იერიში მიიტანეს ქართულ არმიაზეც. მოულოდნელად რადიო ტალღებზე ინფორმაციის მიწოდება გააქტიურდა, ისევე როგორც რუსული არმია.
რუსული ჯარები ჩრდილოეთ ოსეთიდან როკის გვირაბის გავლით საქართველოს მიმართულებით 8 აგვისტოს დილის 11 საათამდე არ დაძრულან. მოვლენათა ეს თანმიმდევრობა მოწმობს, რომ რუსეთის მოქმედება არ ყოფილა წინასწარდაგეგმილი. რუსებმა მოგივანებით კიდევ გაუშვეს შშ-21-ები სამხრეთის მიმართულებით. რუსებმა 5 500 ჯარისკაცი გორში, ხოლო 7 000 კი საქართველოსა და აფხაზეთის ადმინისტრაციულ საზღვარზე გადაისროლეს.
საერთაშორისო გამოძიების ჩატარების მოწოდებები ევროპაში
გერმანიის გენერალური შტაბის პოლკოვნიკი და გერმანული „ეუთოს“ მისიის უფროსი სამხედრო ექსპერტი ვორფგანგ რიხტერი ამ სიტუაციის კიდევ ერთი ექსპერტია. რიხტერი ადასტურებს, რომ ქართული ჯარები ჯერ კიდევ ივლისში იყვნენ მობილიზებულნი ე.წ. სამხრეთ ოსეთის საზღვარზე. რამდენიმე კვირის წინ ბერლინში დახურულ კარს მიღმა გამართულ შეხვედრაზე ბატონმა რიხტერმა გერმანიის თავდაცვის მინისტრს ფრანც- ჟოზეფ იუნგს და გერმანული პარლამენტის საერთაშორისო და თავდაცვის კომიტეტების წამყვან წევრებს მოახსენა, რომ ქართველებმა არასწორი ინფორმაცია გაავრცელეს, „მოიტყუეს“ ქართული ჯარების გადაადგილების შესახებ.
რიხარდის ინფორმაციით, მან ვერ იპოვა ვერანაირი საბუთი, რომელიც დაადასტურებდა სააკაშვილის სიტყვებს, რომ რუსული არმია მანამდე დაიძრა როკის გვირაბის მიმართულებით, სანამ თბილისი თავდასხმის ბრძანებას გასცემდა. გერმანული პარლამენტის ზოგიერთი წევრისთვის რიხტერის განცხადება ომის დაწყების რუსული ვერსიის დადასტურება იყო. მისი (რიხტერის) სიტყვები უტყუარ ინფორმაციას იძლევა და აქ მოვლენათა სხვაგვარი ინტერპრეტაცია შეუძლებელია,“ დაასკვნა ერთ-ერთი კომიტეტის წევრმა. „ნათელია, რომ ქართველები უფრო მეტად არიან დამნაშავეები, ვიდრე რუსეთი,“ განაცხადა მეორე პარლამენტარმა.
„სამხრეთ ოსეთი“
დადგა დრო „ევროკავშირმა“ ომის მიზეზებზე იმსჯელოს. მოსკოვი საგონებელშია ჩავარდნილი იმის გამო, რომ ევროპულმა ქვეყნებმა უარი თქვეს დაეგმოთ სააკაშვილის მიერ ცხინვალზე იერიშის მიტანისა და რუსეთისკენ თითის გაშვერის ფაქტები. ერთ -ერთი რუსი დიპლომატის თქმით,რომელიც რუსეთის საგარეო საქმეთა სამინისტროს წარმოადგენს ევროპელებს, როგორც ჩანს, „არ აღმოაჩნდათ საკმარისი გამბედაობა იმისათვის, რომ ვაშინგტონისა და თბილისში ამერიკის მთავრობის მოკავშირეთათვის წინააღმდეგობა გაეწიათ.“
რამდენიმე კვირის წინ საფრანგეთის სამხრეთ ქალაქ ავინიონში გამართულ არაფორმალურ შეხვედრაზე ევროპის ქვეყნების საგარეო საქმეთა მინისტრებმა მოითხოვეს კონფლიქტის „საერთაშორისო გამოძიების“ ჩატარება. ხოლო ის, ვინც ჩაატარებს გამოძიებას მიუკერძოებელად უნდა შეაფასოს კავკასიის რეგიონში მომხდარი მოვლენები აგვისტოს თვეში. როგორც ჩანს ამ მოთხოვნას დიდი ბრიტანეთის, შვედეთის, ბალტიისპირეთის ქვეყნებისა და სხვა აღმოსავლეთ ევროპული ქვეყნების საგარეო საქმეთა მინისტრებიც შეუერთდნენ, რაც გასაკვირია იმის გამო, რომ არსებული ფაქტებისდა მიუხედავად, ისინი მანამდე მოსკოვის მიმართ საკმაოდ კრიტიკულები იყვნენე, ხოლო თბილის მიმართ სოლიდარობას გამოხატავდნენ.
27 ქვეყნის საგარეო საქმეთა მინისტრი გეგმავდნენ ოფიციალური რეზოლუციის მიღებას საერთაშორისო გამოძიების ჩატარების მოთხოვნით. თუმცა, ვინ იქნება ამ გამოძიების ხემძღვანელი- გაერო, ეუთო, არასამთავრობო ორგანიზაციები თუ მეცნიერები, კვლავ გარუკვეველია. ნათელია მხოლოდ ის, რომ თავად ევროკავშირი ამ საქმეში ჩაერევას არ აპირებს. ევროპელები შიშობენ, რომ ეს ფაქტი უფრო მეტად გააღრმავებს დაპირისპირებას ხისტი პოლიტიკისა და რუსეთთან ფრთხილი მოქმედების მომხრეთა შორის.
საქართველოს ფიცხი მმართველი საკმაოდ ნერვიულად აღიქვამს დასავლეთის მოსაზრებების ცვლილებას. ტელევიზიით გამოსვლისას ის კვლავაც იმეორებს თავის ვერსიას საქართველოზე თავდასხმის შესახებ. საქართველოს მთავრობის მიერ დაქირავებული საერთაშორისო პიარ ფირმა „ასპექტი“ დასავლურ მედიას სისტემატურად აწვდის მასალებს საქართველოს შესახებ. ოფიციალური თბილისი კი ჰააგის საერთაშორისო ომის დანაშაულებების ტრიბუნალის წინაშე აპირებს რუსეთის საწინააღმდეგო სარჩელის შეტანას აპირებს, რომლითაც საქართველო რუსეთს ეთნოწმენდაში ადანაშაულებს.
თუმცა, უნდა ითქვას, რომ სააკაშვილს თავისი მოკავშირეების მხარდაჭერის იმედი უკვე ნაკლებად აქვს. „ნატოს“ გენერალური მდივნის იაპ დე ჰოპ სხეფერის თბილისში ჩამოსვლამდე სააკაშვილმა დასავლელ მოკავშირეებს სიმტიკიცისკენ მოუწოდა და განაცხადა, რომ დასავლური ქვეყნების მიერ მოსკოვისადმი გამოჩენილმა სისუსტემ შესაძლოა შედეგად მოიტანოს „რუსეთის მხრიდან აგრესია, რომელიც არასოდეს დამთავრდება.“
არის თუ არა სააკაშვილი პოლიტიკურად მკვდარი?
საქართველოს პრეზიდენტი თავისი ქვეყნის შიგნითაც სერიოზული ზეწოლის ქვეშაა. ერთიანი ფრონტი, რომელიც რუსული აგრესიის დროს შეიქმნა იშლება. ისინი, ვინც სააკაშვილსა და მის გუნდს დიდი ხანია აკრიტიკებენ და ავტორიტარული რეჟიმის ჩამოყალიბებაში ადანაშაულებენ, კვლავ ალაპარაკდნენ მთავრობის მიერ ჩადენილ შეცდომებზე. სახელმწიფო მინისტრმა რეინტეგრაციის საკითხებში გიორგი ხაინდრავამ, რომელსაც 2006 წელს დაატოვებინეს მინისტრის პოსტი, 2007 წლის დეკემბერში განუცხადა გაზეთ „შპიგელის“ ჟურნალისტს, რომ სააკაშვილისთვის და მისი გუნდის წევრებისთვის „ძალაუფლება ყველაფერია“. ამ კომენტარამდე რამდენიმე კვირით ადრე სააკაშვილის ბრძანებით ქართულმა პოლიციამ ოპოზიციური პარტიების დემონსტრაცია დაარბია თბილისში და საგანგებო მდგომარეობა გამოაცხადა ქვეყანაში. მაშინ ხაინდრავამ სინანულით განაცადა, რომ შესაძლოა სააკაშვილს თავისი შერყეული იმიჯის აღდგენა სამხრეთ ოსეთის წინააღმდეგ „პატარა ომით ეცადა, რომელიც გამარჯვებით დამთავრდებოდა“.
ჯერ კიდევ 2006 წლის მაისში საქართველოს ყოფილი საგარეო საქმეთა მინისტრი სალომე ზურაბიშვილი თავისი უკვე ყოფილი უფროსის მოქმედებების შესახებ გვაფრთხილებდა. „ ფართომასშტაბიანი მილიტარიზაცია“, რომელიც მან წამოიწყო, „აზრს მოკლებულია,“ განაცხადა ზურაბიშვილმა და დასძინა, რომ ისეთი შთაბეჭდილება იქმნებოდა, რომ სააკაშვილი სამხრეთ ოსეთისა და აფხაზეთოს კონფლიქტების მოგვარებას სამხედრო გზით გეგმავდა.
საქართველოს ორი მთავარი ოპოზიციური პარტიის ხელმძღვანელები გამუდმებით ითხოვდნენ სააკაშვილის გადადგომას და ისეთი მთავრობის შექმნას, რომელიც „არც პრორუსული,არც პროამერიკული იქნებოდა და იქნეობა პროქართული.“ მოსკოვში მყოფი საქართველოს საგარეო საქმეთა მინისტრის ყოფილი მოადგილე თემურ ხაჩიშვილი, რომელმაც რამდენიმე წელი ციხეში გაატარა ედუარდ შევარდნაძის მკვლელობის მცდელობის გამო, რუსეთში მცხოვრებ მილიონზე მეტ ქართველს მოიწოდებს მხარდაჭერისაკენ საქართველოში მთავრობის შეცვლის მიზნით.
საკითხავია არის თუ არა რამდენიმე კვირის წინ დასავლეთის მხარდაჭერის მქონე სააკაშვილი უკვე პოლიტიკურად მკვდარი? ბოლო რამდენიმე კვირის განმავლობაშე მან რუსეთი თავაცვის სამინისტროს კუთვნილი გაზეთის „წითელი ვარსკვლავის“ მხარდაჭერა მოიპოვა, რაც საკმაოდ გასაოცარია. გაზეთში გამოქვეყნდა 58 არმიის ოფიცერის კომენტარები, რომლებსაც რუსეთი დღემდე არ იზიარებს. ოფიცრის კომენტარებმა დასავლური ქვეყნების დაზვერვასა და ნატოს მაღალჩინოსნებს გაუჩინა კითხვა, როგორ მოხდა, რომ რუსულმა ჯარებმა ცხინვალს 9 აგვისტოზე ადრე ვერ მიაღწიეს.
გაზეთ „წითელ ვარსკვლავში“ 135-ე მოტომსროლელთა ქვეითი პოლკის ხელმძღვანელი კაპიტანი დენის სიდრისტი ყვება,რომ ის და მისი ნაწილი ჯერ კიდევ 7 აგვისტოს იმყოფებოდნენ როკის გვირაბში ცხინვალისკენ მიმავალ გზაზე. ჩნდება კითხვა, შემოიჭრნენ თუ არა რუსები საქართველოში უფრო ადრე ვიდრე ამას ოფიციალური მოსკოვი აღიარებს.
რუსმა გამომძიებლებმა პირველად განაცხადეს, რომ ცხინვალში ქართველების იერიშის შედეგად 134 ადამიანი დაიღუპა და არა2 000 როგორც ამას რუსი ოფიციალური პირები აცხადებენ.
„წითელ ვარსკვლავში“ გამქვეყნებულ მასალზე „შპიგელთან“ საუბარში რუსეთის თავდაცვის მინისტრმა განაცხადა, რომ ტექნიკური შეცდომა იყო დაშვებული ციფრების გამოქვენებისას. უფრო მეტიც, სამინისტროს წარმომადგენელმა მოგვიანებით განაცადა, რომ რესპოდენტი ინტერვიუს ჩაწერის შემდეგ დაიჭრა და აღარაფერი აღად ახსოვდა და ვერც დაადასტურებდა და ვერც უარყოფდა მის მიერ მანამდე ნათქვამს.“
ბოლოს გერმანული გაზეთი ასკვნის, რომ „კავკასიაში მომხდარი მოკლე ომის შესახებ არსებულ ინფორმაციას შორის ტყუილ-მართლის გარჩევა რთულია“.თუმცა, ბოლოს დასკვნის სახით შეიძლება ითქვას, რომ რუსეთსა და საქართველოს შორის კონფლიქტი 7 აგვისტოს ღამეს დაისწო, როცა ქართულმა არმიამ სადესანტო არმიის, ტანკებისა და არტილერიის გამოყენებით იერიში მიიტანა სამხრეთ ოსეთის დედაქალაქ ცხინვალზე.
Human Rights.ge