მიხეილ სააკაშვილი რუსეთის მორიგ შემოტევას ელის
მიხეილ სააკაშვილი რუსეთის მორიგ შემოტევას ელის
მიხეილ სააკაშვილი რუსეთის მორიგ შემოტევას უახლოესი რამდენიმე კვირის განმავლობაში ელის
საქართველოს პრეზიდენტი მიხეილ სააკაშვილი რუსეთის მორიგ შემოტევას უახლოესი რამდენიმე კვირის განმავლობაში ელის და აფრთხილებს დასავლეთს, “არ იყოს მოვლენებზე პასიური დამკვირვებელი”.
როგორც მიხეილ სააკაშვილმა გერმანულ გაზეთ “ფოკუსისთვის” მიცემულ ინტერვიუში განაცხადა, “რუსეთი არ არის კმაყოფილი სამხედრო ოპერაციების შედეგებით, რადგან მან ვერ შეძლო საქართველოს ტერიტორიაზე გამავალი გაზსადენების ხელში ჩაგდება”.“ამ სადენების საშუალებით 5 წლის შემდეგ რუსეთი ენერგომატარებლებს ახლანდელზე 60 %-ზე მეტი მოცულობით გააკონტროლებს და ევროპის ენერგოუზრუნველყოფის მონოპოლისტი გახდება. სწორედ ესაა მოსკოვის მიზანი”, - აღნიშნა სააკაშვილმა.
ევროკავშირის დამკვირვებლებზე დაყრდნობით საქართველოს პრეზიდენტმა გერმანულ გამოცემას განუცხადა, რომ აფხაზეთისა და სამხრეთ ოსეთის თვითგმოცხადებული რესპუბლიკების ტერიტორიებზე ათასობით რუსი ჯარისკაცია დისლოცირებული.
სააკაშვილი დარწმუნებით აცხადებს, რომ “მოსკოვს განზრხული აქვს, ახალი შეტევისთვის იდეალური მომენტი გამოიყენოს, როდესაც მსოფლიო საზოგადოება გლობალური ფინანსური პრობლემებითა და აშშ-ის საპრეზიდენტო არჩევნებითაა დაკავებული”.წყარო: News.info.ge
