"ლეიბორისტები" ხელისუფლებას "წაგებული ომის გენერლებისთვის" მიწების გადაცემაში ადანაშაულებენ
"ლეიბორისტები" ხელისუფლებას "წაგებული ომის გენერლებისთვის" მიწების გადაცემაში ადანაშაულებენ
როგორც "ლეიბორისტების" იდეოლოგიურმა მდივანმა კახაბერ ძაგანიამ დღევანდელ ბრიფინგზე განაცხადა, ხელისუფლებამ 1 500 კვადრატული მიწის ფართობები სამხედრო პირებისთვის ტაბახმელაში გამოყო და მათ ნომინალურ ფასად, 1 ლარად გადასცა.
"ხელისუფლება სოფელში მცხოვრებ ხალხს მიწას ართმევს და წაგებული ომიდან კურდღლებივით გამოქცეულ გენერლებს უსასყიდლოდ გადასცემს. ჩვენ ამას ვაპროტეტებთ. თითოეულ მაღალჩინოსან ოფიცერს ტაბახმელაში 1 500 კვადრატული მეტრი მიწა გადაეცა. ეს მიწები ძალიან ძვირადღირებულია",_ აღნიშნა ძაგანიამ.
მისივე ინფორმაციით, ხელისუფლებამ გასულ პერიოდში მიწები ნომინალურ ფასად ნინო ბურჯანაძესა და მოსამართლეებსაც გადასცა.
www.InterPressNews.ge
