სამყარო ზეიმობს, რუსეთი კი პირველ გამოწვევას ისვრის
სამყარო ზეიმობს, რუსეთი კი პირველ გამოწვევას ისვრის
[The Washington post]ბარაკ ობამას გუშინდელმა გამარჯვებამ მთელი რიგი დადებითი გამოხმაურებები გამოიწვია, თუმცა იყო გამონაკლისიც.
კენიაში ოფიციალური დასვენების დღე გამოცხადდა, დიდი ბრიტანეთის უმსხვილესმა გაზეთმა ”მთელი კაცობრიოსბისთვის უდიდესი წინსვლის შესახებ” გვაუწყა, თვით ვენესუელის პრეზიდენტმა უგო ჩავესმა ახალ პრეზიდენტს ”ორ ქვეყანას შორის ახალი ურთიერთობების დამყარება” შესთავაზა.
ხოლო რუსეთის პრეზიდენტმა დიმიტრი მედვედევმა უბრალოდ ზიზიღით მოიხსეინა ობამას გამარჯვება, მის მიერ წარმოთქმული მთელი სიტყვა აშშ-ზე თავდასხმა იყო და მისი მოკავშირე ნატოს წევრი ქვეყნების სიახლოვეს ახალი სარაკეტო სისტემების განლაგებით დაიმუქრა.
თავისი ჩვეული ”პირდაპირობით” მედვედევმა ყველას აუწყა, რომ ობამამ უნდა გადაწყვეტოს, სურს თუ არა ”რუსეთთან სრულფასოვანი ურთიერთობების დამყარება”.
არცთუ ისე გასაკვირია ის ფაქტი, რომ მედვედევის რეჟიმმა მის მფარველ ვლადიმერ პუტინთან ერთად პირველმა სცადა ახალარჩეული პრეზიდენტის დაშინება. გასაოცარი (თვით ჯონ ბაიდენისთვისაც კი) იყო რუსეთის მუქარის სისწრაფეც.
პუტინის საგარეო პოლიტიკის მთავარი მიზანი - რუსეთსთვის საბჭოთა დროინდელი მდგომარეობის დაბრუნებაა, როცა ის საქართველოსა და უკრაინის მსგავს მეზობლებზე ბატონობდა.
ამით სურს ყველას დაუმტკიცოს, რომ რუსეთს შეუძლია აშშ-ს საპირწონე ქვეყანა იყოს. გამოსვლისას მედვედევმა აშშ-ს დასდო ბრალი მიერ მიერ საქართველოზე განხორციელებულ თავდასხმაში და განაცხადა, რომ ”უნდა შეიქმნას მექანიზმი, რომელიც დაბლოკავს მცდარ, ეგოისტურ და ხშირად, უბრალოდ, სახიფათო გადაწყვეტილებებს”, რომელსაც ვაშინგტონში იღებენ.
და ბოლოს; მედვედევის მიერ დადებული გეგმა კალინინგარდის ოლქში ახალი რაკეტების განთავსების შესახებ - არის მცდელობა მოტყუებით აიძულოს აშშ-ს ახალი ადმინისტრაცია ან მისი მოკავშირეები ნატოდან, უარი თქვან პოლონეთსა და ჩეხეთში ანტისარაკეტო თავდაცვის სისტემების განთავსებაზე.
პუტინს შესანიშნავად ესმის, რომ ეს სისტემები გამიზნულია ირანისგან თავდასაცავად, ხოლო რუსეთის კონტინენტთაშორისი ბალისტიკური რაკეტების წინააღმდეგ უძლურია.
კრემლში ასევე იციან, რომ დემოკრატების ნაწილი სკეპტიკურადაა განწყობილი ამ სისტემების მშენებლობის მიმართ, რამდენადაც გარდა მაღალი ღირებულებისა, თვით მათი ეფექტურობა კითხვის ნიშნის ქვეშ დგას.
მოსკოვი ამგვარად განიხილავს საკითხს: ობამა უნდა დააყენო არჩევანის წინაშე და აიძულო სისტემებზე უარი თქვას და ამით დაამტკიცო, რომ რუსეთს შეუძლია იდგეს დასუსტებული ამერიკის თანასწორ დონეზე
გამოვთქვამთ იმედს, რომ ობამა არ წამოეგება ანკესს. მან უკვე მისცა განმარტება, რომ მზადაა დაუპირისპირდეს რუსეთის აგრესიას ევროპაში. უახლოეს თვეებში ობამას მოუხდება არაერთი გამოცდის გაძლება, მაგრამ მათ შორის უპირვლესი - მოსკოვის უხეში მუქარა - უბრალოდ არ უნდა შეიმჩნიო, რადგან სწორედ ყურადღების მიპყრობა არის პუტინის უმძაფრესი სურვილი.
http://presa.ge/index.php?text=news&i=4687