↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"
განყოფილებებიახალი ამბები
Ადესპანი

აფხაზური უშიშროების თანამშრომლებმა გალის რაიონის რამდენიმე სოფლის მოსახლეობას ქართული პასპორტები ჩამ

pikaso22 1 წთ კითხვა 675 0 კომენტარი

აფხაზური უშიშროების თანამშრომლებმა გალის რაიონის რამდენიმე სოფლის მოსახლეობას ქართული პასპორტები ჩამოართვეს

აფხაზური უშიშროების სამსახურის თანამშრომლებმა გალის რაიონში რეიდების მსვლელობისას რამდენიმე სოფლის მოსახლეობას ქართული პირადობის მოწმობები და პასპორტები ჩამოართვეს. ამის შესახებ "ინტერპრესნიუსს" გალის რაიონიდან ინფორმირებულმა წყარომ აცნობა.
"უშიშროების სამსახურის შეიარაღებულმა თანამშრომლებმა რამდენიმე სოფელში მოსახლეობას რეგისტრირებული, სანადირო თოფები ჩამოართვეს. ასევე ჩამორთმეულია ქართული პირადობის მოწმობები, რომელთა მაგივრადაც უახლოეს მომავალში აფხაზური პასპორტების მასიურად დარიგება დაიწყება", - განაცხადა წყარომ.
მისი თქმით, მასობრივი პასპორტიზაციის დაწყება გალის რაიონში ელექტროენერგიისა და მიწის გადასახადების სრულად ამოღების შემდეგ იგეგმება. წყარო აღნიშნავს, რომ მოსახლეობის დიდი ნაწილი მძიმე მატერიალური მდგომარეობის მიუხედავად გადასახადებს მაინც იხდის, რამდენადაც გადასახადების ამოღებას აფხაზურ საგადასახადო სამსახურთან ერთად უშიშროების სამსახურის შეიარაღებული თანამშრომლები აწარმოებენ.
გალის რაიონში საგადასახადო და უშიშროების სამსახურების თანამშრომლები რამდენიმე დღის წინ შევიდნენ.
www.InterPressNews.ge
მოგეწონათ? გაუზიარეთ მეგობრებს
გაზიარება Facebook X Telegram LinkedIn ელფოსტა

ამავე კატეგორიიდან · 2008 წლის ომი და ოკუპაცია

💬 კომენტარები 0

დაწერე კომენტარი ↓

ჯერ კომენტარი არ არის — იყავით პირველი.

✓ ბმული დაკოპირდა
დესპანი