“ჩვენ ისეთი საქართველო გვინდა, რომელიც არც რუსეთის და არც ამერიკის კოლონია იქნება"
“ჩვენ ისეთი საქართველო გვინდა, რომელიც არც რუსეთის და არც ამერიკის კოლონია იქნება"
"ლეიბორისტული პარტიის" ლიდერი შალვა ნათელაშვილი ქართველ ხალხს “ყველაზე ერთგულ და ვაჟკაც ხალხს” უწოდებს და დარწმუნებულია, რომ "საქართველოს ვერც შიდა და ვერც გარე მტერი დაამარცხებს".
პარლამენტის შენობის წინ მიმდინარე აქციაზე სიტყვით გამოსვლისას საქართველოს "პირველმა ლეიბორისტმა" პრეზიდენტ სააკაშვილს "პოლიტიკური ტირანი" უწოდა, პარლამენტის წევრებსა და დეპუტატებს კი - "სპეცრაზმის დასმულები".
"მიხეილ სააკაშვილმა ყველაფერი იღონა, რათა ქვეყანა წელში გაეწყვიტა. ჩვენ მის იმპერიალიზმს უნდა ვებრძოლოთ. ჩვენ ისეთი საქართველო გვინდა, რომელიც არც რუსეთის და არც ამერიკის კოლონია იქნება", - განაცხადა შალვა ნათელაშვილმა.
ამასთან, მან პარლამენტთან შეკრებილ საზოგადოებას პატრიოტულ მოტივზე შექმნილი ლექსიც წაუკითხა, რომელმაც აქციის მონაწილეთა აღფრთოვანება გამოიწვია.
News.info.ge
