რუსეთს სურს, რომ ეუთომ საქართველო გაყოს
რუსეთის პირობის თანახმად, ეუთოს მისიამ საქართველოში მოღვაწეობისას უნდა გაითვალისწინოს სამხრეთ ოსეთის ”დამოუკიდებლობა” და ცალკე სადამკვირვებლო მანდატი ჩამოაყალიბოს სეპარატისტული ”სახელმწიფოსთვის”, თუ კი სურს, რომ მან თავისი მისია საერთოდ განაგრძოს რეგიონში.
- ”რუსეთს არ სურს, რომ საქართველოში მოქმედმა ეუთოს მისიამ პასუხისმგებლობა აიღოს სამხრეთ ოსეთში განხორციელებულ ქმედებებზე. ამით ის ხაზს უსვამს, რომ ადრინდელი მდგომარეობა შეიცვალა”, - ამბობს ეუთოს დიპლომატი, რომელმაც პოლიტიკური მოსაზრებებით ვინაობის დასახელებისგან თავი შეიკავა.
- ”რუსებმა და ეუთოს წარმომადგენლებმაც კარგად იციან, რომ მათი პოზიცია არ გავა, მაგრამ რუსებს მტკიცედ აქვთ გადაწყვეტილი, რომ ხელი შეუშალონ სამხრეთ ოსეთში ნებისმიერი მანდატის მოქმედებას საქართველოს ფარგლებში”,- განუცხადა დიპლომატმა Reuters-ს.
რუსები ეუთოს დამკვირვებლებს სამხრეთ ოსეთში დაბრუნების საშუალებას არ აძლევენ, მიუხედავად იმისა, რომ ეს განსაზღვრულია ცეცხლის შეწყვეტის შეთანხმებაში
ეუთოს ამჟამინდელმა თავმჯდომარე სახელმწიფომ, ფინეთმა, ამ კვირას დააგზავნა შეთავაზება საქართველოში 1 წლით მანდატის განახლებაზე, რამაც კიდევ ერთხელ დაადასტურა, რომ ისინი ქვეყნის მთლიანობას აღიარებენ.
კონფიდენციალური პროექტი, რომელიც Reuters-მა მოიპოვა, ამბობს, რომ მისიას გაუძღვება ეუთოს სპეციალური დიპლომატიური წარმომადგენელი, რომელიც შეძლებს გადაკვეთოს სამხედრო საზღვარი სურვილისამებრ, ასევე გააკონტროლებს ცეცხლის შეწყვეტის პირობების სრულად შესრულებას, ხელს შეუწყობს შერიგების პროცესს და დევნილების უკან დაბრუნებას.
მაგრამ რუსული მხარის მიერ შესწორებული ვერსიიდან ამოღებულია პასაჟები, რომლებიც ეხება დიპლომატიურ წარმომადგენელს და ”ეუთოს მისიას საქართველოში” და დამატებულია ნაწილები, რომელიც ურჩევს საქართველოს, რომ ხელი აიღოს სამხრეთ ოსეთზე.
ფინეთის საგარეო საქმეთა მინისტრმა ალექსანდრე სტუბმა განაცხადა, რომ მომავალი უსაფრთხოებისა და ადამიანის უფლებების დამცველი ევროპული ორგანიზაცია - ეუთო - საქართველოში ახლა საფრთხეშია, რადგან 56 სახელმწიფოს კონსენსუსის საჭიროება ეჭვ ქვეშ აყენებს მანდატის გაგრძელების შესაძლებლობას.
ის მოუწოდებს ეუთოს წევრებს, რომ ”კონსტრუქციულად გაიაზრონ და მიიღონ ჩვენი წინადადება ან სულ ცოტა, დაეთანხმონ მაინც მისიის ვადის სამი თვით გაგრძელებას, რაც საშუალებას მოგცემს განვაგრძოთ შემდგომი მოლაპარაკებები”.
პრობლემის გადაჭრის შესაძლო გზების მოსაძებნად ეუთოს მოსამზადებელი კომიტეტის საგანგებო შეხვედრა ორშაბათისთვის ვენაში დაიგეგმა.
საქართველოს საგარეო საქმეთა მინისტრი გრიგოლ ვაშაძე გამორიცხავს ეუთოს მისიის ცალკე მანდატის გამოყოფას სამხრეთ ოსეთისთვის.
რუსეთის ოფიციალური პირები მიუწვდომელნი აღმოჩდნენ კომენტირებისთვის.
