ვეფხისტყაოსნის ილუსტრაციები ნ.ი. მალცევის მიერ
„ვეფხისტყაოსნის“ ილუსტრაციები რუსი ილუსტრატორის, ნ. ი. მალცევის, შესრულებით. შესავალში მოკლედ არის მოთხრობილი პოემის ისტორია და მისი როლი ქართულ ლიტერატურაში.
XII საუკუნის ქართველი გენიოსის - შოთა რუსთაველის მიერ შექმნილი უკვდავი პოემა - "ვეფხისტყაოსანი" მისი ჩვენამდე მოღწეული ერთადერთი ქმნილებაა. დღემდე მოღწეულია ვეფხისტყაოსნის 160-ზე მეტი ხელნაწერი წიგნი. ბეჭდურად იგი პირველად 1712 წელს ვახტანგ VI-ს მიერ გამოიცა. ვეფხისტყაოსნის ზოგიერთი ხელნაწერი ნუსხა გაფორმებულია ორნამენტებით და მინიატურებით. სხვადასხვა მხატვრის მიერ შექმნილია ილუსტრაციები. პოემა თარგმნილია მსოფლიოს მრავალ ენაზე, მაგრამ ძალიან მნიშვნელოვანია მისი ბევრად უფრო მეტად პოპულარიზაცია. ერთ-ერთი გამორჩეული ადამიანი, რომელიც ამ ყოველივეს სათავეში უდგას გახლავთ მწერალი ლევან რამიშვილი, ქართულ ენაზე ბჰაგავატ გიტას მთარგმნელი, ინდური კულტურის შესანიშნავად მცოდნე და საბას პრემიის ლეურეატი. მისი უმნიშვნელოვანესი ნამუშევარი არის წიგნი სახელად "დაფარული ვეფხისტყაოსანი". ის აცხადებს, რომ "ინდოეთში რამაიანა ისეთივე რანგის წიგნია, როგორც ჩვენთან ვეფხისტყაოსანი, მაგრამ ისინი ამით ცხოვრობენ, გამოდის ნებისმიერი ასაკისთვის ადაპტირებული კომიქსები, ფილმები, სერიალები, მულტფილმები", ხდება ეროვნული საგანძურის პოპულარიზაცია ყოველი გზით, ჩვენ კი გვეშინია მას შევეხოთ და ვაქციოთ ფილმებად, კომიქსებად და ა.შ. - ეს ძალიან არასწორი დაოკიდებულებაა საკუთარი კულტურული საგანძურის მიმართ, თუ ფილმი ან თეარალური დადგმა ან სხვა სახის პოპულარიზაციისთვის მიმართული ქმედება გამოვა დაბალი ხარისხის და ცუდი გემოვნების, ამით ვეფხისტყაოსანს არაფერი დააკლდება, პირიქით, ეს მისცეს სტიმულს არტისტებს, რომ შემდგომი და კიდევ შემდგომი ცდები უფრო და უფრო გაუმჯობესებული იყოს, ასე რომ ქართველებს არ უნდა შეგვეშინდეს ამ უკვდავ პოემაზე მაგალითად ფილმების ან სერიალების გადაღება და მსოფლიოში ყოველი გზით პოპულარიზაცია.
შუა საუკუნეებშიც და შემდეგ დროშიც "ვეფხისტყაოსანი" დიდ როლს ასრულებდა ქართველი ერის, ქართული ლიტერატურის თვითმყოფადობის საკითხებში, მიუხედავად ამისა შუა საუკუნეებში იყო გარკვეული პერიოდები, როდესაც ეს უმაღლესი ნაწარმოები, რომელიც შესაძლოა მსოფლიოს უდიდეს ნაწარმოებების ათეულში თამად შევიყვანოთ, იდევნებოდა ეკლესიის მიერ, რადგან იგი ანტიქრისტიანულ "სუფიურ" ნაწარმოებად ითვლებოდა და ის არის კიდეც სუფიური ნაწარმოები, რომელიც გადმოგვცემს უმაღლეს ზოგადსაკაცობრიო იდეალებს და ცოდნას. პოემის დევნამ ვერ შეასუსტა მისი მნიშვნელობა, პირიქით, მისი გავლენა უფრო მეტად გაიზარდა, დღესდღეობით კი ეს ნაწარმოები მსოფლიო ლიტერატურის შედევრად ითვლება.
აქვე შემოგთავაზებთ რუსი ილუსტრატორის - ნ.ი. მალცევის მიერ შექმნილი "ვეფხისტყაოსნის" ძალიან საინტერესო და შესანიშნავი ილუსტრაციები. თავად მალცევის შესახებ ინტერნეტსივრცეში ვერ იპოვით ბევრ ინფორმაციას, ცნობები მის შესახებ საკმაოდ მწირია. ამ ილუსტრატორმა ვეფხისტყაოსნის გარდა ასევე შექმნა შაჰ-ნამეს, ლაილა და მაჯნუნის და ფარჰად და შირინის ილუსტრაციები.
ვიდეო
ფოტოგალერეა
კრებული „საქართველო“ · კატეგორია რედაქციული დაჯგუფებაა.









