”ვეფხისტყაოსნის” რჩეული ნუსხები
”ვეფხისტყაოსნის” რჩეული ნუსხები
შოთა რუსთაველის გენიალური ნაწარმოების მრავალი ხელნაწერი შემოგვრჩა. მათი რიცხვი ცალკეულ ფრაგმენტების ჩათვლით , 2000-მდე აღწევს. როგორც ცნობილია არც ერთი იმ რაოდენობის ხელნაწერები არ მოგვეპოვება ,რამდენიც ”ვეფხისტყაოსნისა” .
ძველი ხელნაწერი წიგნებისა და ისტორიული საბუთების საცავი საქართველოში 1958 წლის 30 ივნისს შეიქმნა. მისი დამაარსებელი და პირველი დირექტორი საქართველოს მეცნიერებათა აკადემიის წევრ-კორესპონდენტი, პროფესორი - ილია აბულაძე იყო.
საცავში დაცულია მდიდრულად ილუსტრირებული უნიკალური ხელნაწერები. ცენტრში ინახება : V-XIX საუკუნის 9.000-მდე ქართული და 4.000- მდე უცხოური ხელნაწერი.ასევე , X-XIX საუკუნეების 40.000-მდე ქართული და 5.000-მდე უცხოენოვანი ისტორიული დოკუმენტი,რომელთაგან აღსანიშნავია სპარსული და თურქული დოკუმენტები,მათ შორის კი შაჰის ფირმანები,ოქმები. აქვეა დაცული ქართული მწერლების და საზოგადმო მოღვაწეების პირადი არქივები.
ამჯერად საშვალება ეძლევა საზოგადოებას იხილოს ნაკლებად ცნობილი ხელნაწერების, ძველი ნაბეჭდი გამოცემების თუ ცნობილი თარგმანების გვერდით, ”ვეფხისტყაოსნის ” ქართული ვარიანტები,ზღაპრები ტარიელსა და ავთანდილზე .
გამოფენილი იქნება ”ვეფხისტყაოსნის” ტექსტის უძველესი ნიმუშები,რომელიც XV საუკუნით თარიღდება - ბერთის სახარების (XII ს.)
”ვეფხისტყაოსნის” მრავალ ხელნაწერს შორის ყველაზე მდიდრულად შემკული და უხვა ილუსტრირებულია XVIII საუკუნეში შესრულებული ნიმუში, ე. წ . წერეთლისეური ”ვეფხისტყაოსანი”, რომელიც 87 მინიატურით არის შემკული. აქვეა ექსპონირებული ”ვეფხისტყაოსნის” საინტერესო ბეჭდური გამოცემები. ”ვეფხისტყაოსანი” ბეჭდური წესით, პირველად მეფე ვახტანგ VI-მ გამოსცა 1712 წელს,თბილისში . მწიგნობარმა მეფემ ხელნაწერთა შედარება-შესწავლის შედეგად ტექსტს დაურთო მეცნიერული კომენტარი - ” თარგმანი პირველი წიგნისა ამის ვეფხისტყაოსნისა თქმული ბატონიშვილის გამგებლის პატრონის ვახტანგისა ” .
რაც შეეხება ”ვეფხისტყაოსნის ” ილუსტრაციებს , გამოფენაზე იხილავთ ლ. გუდიაშვილის, თ. აბაკელიაასა და ს. მაისაშვილის ილუსტრაციებს. მათ გვერდით დამთვალიერებელი მიხაილ ზიჩის ჩანახატებს და მათი სესრულებისას გამოყენებულ ფოტოებსაც იხილავს.News.info.ge
