რუსი სამართალდამცველები მომღერალ ვალერი მელაძის საქმიანობით დაინტერესდნენ
რუსი სამართალდამცველები მომღერალ ვალერი მელაძის საქმიანობით დაინტერესდნენ. რუსეთის შინაგან საქმეთა სამინისტროს წარმომადგენლებმა მელაძის კუთვნილი სამშენებლო ფირმის დამფუძნებელ დოკუმენტებთან ერთად, ამ კომპანიის ქართველი ეროვნების თანამშრომელთა პასპორტების ქსეროასლები მოითხოვეს.
მელაძემ შემოწმებას იდიოტური უწოდა და აღნიშნა, რომ მისი კომპანია სწორედ ეროვნული ნიშნით შეამოწმეს. ცნობილი მომღერლის განმარტებით, სამშენებლო კომპანია უკვე რამდენიმე წელია აქტიურად მუშაობს რუსეთის ბაზარზე და რუსი სამართალდამცავებისათვის ეჭვის საფუძველი არასოდეს მიუცია.
„ჩვენ ყოველთვის ვიხდით გადასახადებს და რა თქმა უნდა მათ ვერაფერ კრიმინალურს ჩემს საქმიანობაში ვერ მიაგნეს. თუმცა მაინც საწყენია, როცა ეთნიკური ნიშნით გამოწმებენ“ — აცხადებს მელაძე. მომღერლის თქმით, მსგავსი ფაქტის განმეორების შემთხვევაში იგი სასამართლოს მიმართავს.
წყარო: http://imedinews.ge
