↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ნელა

ზაქარიაძე ლაზარე

2026-07-181 წთ საკითხავი585 ნახვა

—
ნელ-ნელა უნდა დაეუფლო დუმილს და სმენას, ნელ-ნელა უნდა გაყინო მზერა, ნელ-ნელა უნდა მოერიო გრძნობას, გონებას, ნელ-ნელა უნდა უნდა გასცურო ნელა. ნელ-ნელა უნდა უარი თქვა ყველა სურვილზე, ნელ-ნელა უნდა გადაიქცე სხვებისთვის ხელად, ნელ-ნელა უნდა დარბილდე და თავი დახარო, ნელ-ნელა უნდა დაუთმო ყველას. ნელ-ნელა უნდა განიძარცვო სამოსელისგან, ნელ-ნელა უნდა დაივიწყო რაც იყო ძველად, ნელ-ნელა უნდა დაიჩოქო, ნელ-ნელა მოკვდე, გარდაიცვალო უნდა, მაგრამ იცოდე, ნელა. ნელ-ნელა უნდა დაივიწყო შენი სახელი და ყოველივე, რაც რომ ახლდა იმ სახელს მცველად, ნელ-ნელა უნდა გააერთო სიტკბო-სიმწარე, თვით მწუხარებაც სიხარულად აქციო ნელა. ნელ-ნელა უნდა ისევ ისე დაპატარავდე, ნელ-ნელა ისევ სრულ იქმნე და იზარდო ნელა, ქალიც და კაციც ისევ ისე გაერთდეს შენში და შინ მიხვიდე, ოღონდაც ნელა... ნელ-ნელა უნდა განიძარცვო სამოსელისგან, ნელ-ნელა უნდა დაივიწყო რაც იყო ძველად, ნელ-ნელა უნდა დაიჩოქო, ნელ-ნელა მოკვდე, გარდაიცვალო უნდა, მაგრამ იცოდე, ნელა...

ზაქარიაძე ლაზარე: სხვა ნაწარმოებები

მსგავსი ნაწარმოებები

დესპანი