↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

არჩევნები

კვიცარიძე მერაბ

2026-07-181 წთ საკითხავი1526 ნახვა

—
კეცავენ ფურცლებს,
ეძებენ ცოცხლებს,
ცოცხალ-მკვდრებსაც კი
ეძებენ სანთლით;
ხან ცოცხლის ნაცვლად
მკვდარი აწყობთ და
ხან მკვდრების საფლავს
ზომავენ ადლით.
წებავენ კონვერტს,
სიას ადგენენ,
ჩამორიგებულს მისთვის და სხვისთვის;
გარეთ ტკივილი,
გარეთ ტირილი,
გარეთ კვნესა და
გოდება ისმის;
ჭედავენ ყუთებს,
ჭრილსაც ადებენ,
რომ დაითვალონ
ხმები ულევი,
რომ დაგვეთუთქოს
უკვე მეასედ,
ასჯერ გამსკდარი
ჩვენი გულები;
მთავრდება დრამა
და თან ოცნებობ,
რომ ყველაფერი
თითქოს რიგზეა,
მაგ არჩევანით
ამ ქვეყნის საქმე
შენ რომ გგონია
არც მთლად ისეა.
კვიცარიძე მერაბ

კვიცარიძე მერაბ: სხვა ნაწარმოებები

მსგავსი ნაწარმოებები

დესპანი