↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ვიცეკვოთ ვალსი

თავხელიძე ვანო

2013-05-121 წთ საკითხავი293 ნახვა

—
მუსიკა მომგვრის ტანში ჟრუანტელს
და სიჩუმეში კრთება რომანსი,
მოვეფერები ღამეს წუხანდელს,
დილით კი გეტყვი _ ვიცეკვოთ ვალსი.
ყველა ტკივილი დარჩეს წარსულად,
არც კომედია, არც კიდევ ფარსი,
ლექსის სტრიქონში გარდასახულად
ვიცეკვოთ ვალსი.
ცეცხლით გავალღოთ სიპი ყინული,
ცეცხლით, რომელიც არის ხალასი,
თუ გნებავს _ ტანგო არგენტინული,
მაგრამ ჩვენ მაინც ვიცეკვოთ ვალსი.
მუსიკა მომგვრის ტანში ჟრუანტელს
და სიჩუმეში კრთება რომანსი,
მოვეფერები ღამეს წუხანდელს
დილით კი გეტყვი _ ვიცეკვოთ ვალსი.

თავხელიძე ვანო: სხვა ნაწარმოებები

მსგავსი ნაწარმოებები

დესპანი