გაერთიანებულ ტელეკომთან” მებრძოლი ლეილა გაფრინდაშვილი და ოჯახდანგრეული აბონენტები
ლეიბორისტული პარტია “გაერთიანებულ ტელეკომს” ხალხის ძარცვაში ადანაშაულებს. ასეთი შინაარსის განცხადებები გააკეთა ლეილა გაფრინდაშვილმა ტელეკომის ოფისში. როგორც “ლეიბორისტების” წევრმა განაცხადა, პარტიის ოფისში ყოველდღე მაღალი ტარიფით შეწუხებული უმარავი ადამიანი მიდის და დახმარებას ითხოვს.
- “ტელეფონის ასეთი მაღალი გადასახადი არც ერთ ქვეყანაში არ არის. მეზობელს რომ დაელაპარაკო, წუთში 6 თეთრს გახდევინებენ. “გაერთიანებული ტელეკომის” ხალხი ყვლეფს მოსახლეობას. თბილისის საზოგადოების ნახევარს გადაუხდელობის გამო, ტელეფონი გამორთული აქვს. ყოველ თვე თითო ოჯახი ტელეფონის გადასახადს საშუალოდ 30 ლარს იხდის”, - განაცხადა გაფრინდაშვილმა
ლეიბორისტული პარტია “გაერთიანებულ ტელეკომს” ხალხის ძარცვაში ადანაშაულებს. ასეთი შინაარსის განცხადებები გააკეთა ლეილა გაფრინდაშვილმა ტელეკომის ოფისში. როგორც “ლეიბორისტების” წევრმა განაცხადა, პარტიის ოფისში ყოველდღე მაღალი ტარიფით შეწუხებული უმარავი ადამიანი მიდის და დახმარებას ითხოვს.
- “ტელეფონის ასეთი მაღალი გადასახადი არც ერთ ქვეყანაში არ არის. მეზობელს რომ დაელაპარაკო, წუთში 6 თეთრს გახდევინებენ. “გაერთიანებული ტელეკომის” ხალხი ყვლეფს მოსახლეობას. თბილისის საზოგადოების ნახევარს გადაუხდელობის გამო, ტელეფონი გამორთული აქვს. ყოველ თვე თითო ოჯახი ტელეფონის გადასახადს საშუალოდ 30 ლარს იხდის”, - განაცხადა გაფრინდაშვილმა.
თუმცა, “გაერთიანებული ტელეკომის” თბილისის სატელეფონო ქსელების დირექტორის, ლევან ქარაზანაშვილის თქმით, პოსტსაბჭოთა სივრცეში ასეთი დაბალი ტარიფი მხოლოდ საქართველოშია.
- “ლეიბორისტ ფრიდონ ინჯიას დაარსებულია შპს “ახალი ქსელები”, რომელსაც 170 ათასი აბონენტი ჰყავს და მთელი საქართველოს მასშტაბით მის მომხმარებელს წუთში 2 თეთრს ახდევინებს. ჩვენი მომსახურებით 400 ათასი ადამიანი სარგებლობს და ერთმანეთთან საუბარში არაფერს ვართმევთ, ხოლო წუთში 6 თეთრს იმ შემთხვევაში იხდიან თუ “ახალი ქსელების” აბონენტს ელაპარაკებიან. გარდა ამისა, ჩვენ გვაქვს მარტოხელებისთვის, უსინათლოებისთვის, სოციალურად დაუცველი ფენებისათვის საკმაოდ დიდი შეღავათები, რომელსაც საკუთარი ჯიბიდან ვანაზღაურებთ”, - განაცხადა ქაზანაშვილმა.
“გაერთიანებული ტელეკომის” ოფისში ლეილა გაფრინდაშვილს იქ გადასახდელად მისული აბონენტებიც გამოეხმაურნენ და ტელეკომი წუთობრივი გასახადის დამატებაში დაადანაშაულეს.
- “მე მარტოხელა ადამიანი ვარ. შეღავათები მეკუთვნის. სააბონენტო 4 ლარია, მე კიი 90 თეთრს მახდევინებენ, მაგრამ მიუხედავად ამისა, ყოველ თვე 8-9 ლარს ვიხდი. როდესაც განხორციელებული ზარების ამონაწერი მოვითხოვე, აღმოვაჩინე, რომ მასში ჩემთვის უცხო ნომრები იყო დაფიქსირებული”, - განცხადა “გაერთიანებული ტელეკომის” ერთ-ერთმა აბონენტმა, რომელმაც ვინაობის გამხელა არ ისურვა.
- “ჩემი ტელეფონით დარეკილი ნომრების ამონაწერში ნაჩვენებია, რომ ერთ ნომერზე 48 წუთი მილაპარაკია. 50 წუთის შემდეგ ისევ მასთან დამირეკავს და კიდევ 30 წუთი მილაპარაკია. ეს ხომ შეუძლებელია? რეკორდსმენი უნდა იყო, ამდენი რომ ილაპარაკო”, - განაცხადა “ძველი ქსელების” მომხმარებელმა და საკუთარი ვინაობა იმ მიზეზით არ გაამხილა, რომ “ამ საქმიდან არაფერი გამოვა. ისინი მაინც იმას გააკეთებენ, რაც სურთ”.
“გაერთიანებული ტელეკომის” ხელმძღვანელობა აღნიშნულ ბრალდებას კატეგორიულად უარყოფს.
- “მობრძანდნენ ეს აბონენტები ჩვენთან და ყველაფერს გავარკვევთ. პრობლემური მომხმარებლების 100%-90%, რომელებიც მოგვმართავენ რწმუნდებიან, რომ მართლები ვართ”, - აღნიშნა “გაერთიანებული ტელეკომის” თბილისის ფილიალის სატელეფონო ქსელების დირექტორმა.
თუმცა, ძველი ქსელებსა და მის აბონენტებს შორის უკმაყოფილება ამით არ სრულდება. “გაერთიანებული ტელეკომით” მოსარგებლე ადამიანები მიიჩნევენ, რომ აღნიშნული კომპანია მათ სატელევიზიო ვიქტორინაში განხორციელებულ ზარებშიც მეტს ახდევინებს.
- “ტელკომპანია “იმედის” გადაცემა “იღბლიან საათში” დარეკვა 2 ლარი ღირს. ვერც ერთხელ ვერ დავრეკე, სულ დაკავება იყო. თვის ბოლოს 180 ლარი მომივიდა გადასახდელი. ქმარი რამის გამეყარა, დიდხანს აღარ მელაპარაკებოდა. არსად არავის მიუთითებია, რომ დაკავების შემთხვევაშიც 2 ლარი გვერიცხებოდა გადასახდელად. გარდა ამისა, დებილი ხომ არ ვარ, ვხედავდე, დაკავებაა და შეუწყვეტლივ ვრეკო, როგორც ამონაწერშია მითითებული? “ - განაცხადა დალი აბაშიძემ.
“ტელეკომის” ხელმძღვანელობა მომხმარებელს პასუხს ამაზეც სცემს და აცხადებს, რომ აღნიშნული საკითხი მხოლოდ “მედია პროჯორჯიას” ეხება.
- “ეს ტელეკომის გადასაწყვეტი არ არის, ხოლო ის, რაც ჩვენი საქმეა, ყველაფერზე პასუხს ვაგებთ”, - აღნიშნა ლევან ქარაზანაშვილმა.
“გაერთიანებული ტელეკომის” განაწყენებული მომხმარებლები სწორედაც რომ სატელეფონო ქსელის ხელმძღვანელობისათვის ამ ყველაფერზე პასუხისგებინებას აპირებენ. ძველი ქსელების აბონენტების ნაწილმა ლეილა გაფრინდაშვილს მობილური ტელეფონის ნომრები გაუცვალეს, რათა პრობლემის მოგვარება იქნებ სასამართლოს გზით შეძლონ. თუმცა, აბობნენტები “ფაქტთან” საუბრისას იმასაც აცხადებდნენ, რომ დიდად არც სასამართლოს ობიექტურობის სწამთ.
- “ალბათ, სასამართლოსაც მოისყიდიან და მაინც მათი მოთხოვნები დაკმაყოფილდება, მაგრამ ასე გაგრძელებაც არ შეიძლება. ჩვენ ყველანირად უნდა ვეცადოთ, რომ ეს პროცესი გამოვასწოროთ”, - ფიქრობენ აბონენტები.
“გაერთაინებული ტელეკომის” მომხმარებელთა ნაწილი და ლეიბორისტული პარტიის წევრი ლეილა გაფრინდაშვილი შეხვედრაზე მომავალი კვირისათვის შეთანხმდნენ.
