↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

რიკულები

ქინქლაძე ზაზა

2026-07-181 წთ საკითხავი4205 ნახვა

—
როგორ მიყვარს ოდიდან რომ გვრიტებივით იყურებით
დიდი ბაბუს გაჩარხული, ბოთლის გულა რიკულები.
თქვენს ღრიჭოებს ბიჭუკელა ქვეყნის სარკედ ვიგულებდი,
ხელს გავყოფდი, მზეს ვპოტნიდი, თან მიცავდნენ რიკულები.
ასე იყო ბაბუც, მამაც, წელში გამოხრინკულები
აივანზე ფერხულობდნენ და ცეკვავდნენ რიკულები.
დღეს სხვა დროა და ოდები არიან გარიყულები,
სადღა არის სამერცხლე და სამზიგულე რიკულები?!
მაინც, ჩემო ნატრულეთო, სანამ მზის ქვეშ ვიყურები,
ჩემი ოდის აივანზე სულ იქნებით რიკულები.
2009

ქინქლაძე ზაზა: სხვა ნაწარმოებები

მსგავსი ნაწარმოებები

დესპანი