↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ბიჭები

ხორნაული ვაჟა

2026-07-181 წთ საკითხავი4711 ნახვა

—
თორნიკემ უთხრა ბათირას:
-კოსმოსი საკვირველია,
წამოდი, ერთად გავფრინდეთ,
მთვარეს შევახოთ ხელია.
ზოგჯერ ეს ჩვენი ბათირა
ისეთი სიტყვის მთქმელია,
მოუსმენ, გაგიხარდება,
იტყვი:"პატარა ბრძენია."
ღიმილით უთხრა თორნიკეს:
-არა ვარ ქვეყნის მტერია,
ვისთან წავიდე კოსმოსში,
მთვარეზე რა დამრჩენია?
ვერ ხედავ? - ფშავ-ხევსურეთი
დაობლდა, ცარიელია!..
არაფერს ამბობს თორნიკე,
ვაჟია,მართლაც,ოქროსი,
ბინდისფერ კოშკებს გახედა,
სულ დაავიწყდა კოსმოსი.
ხორნაული ვაჟა

ხორნაული ვაჟა: სხვა ნაწარმოებები

მსგავსი ნაწარმოებები

დესპანი