“ახალი ამბები” ახალგორიდან
სეპარატისტები ახალგორის რაიონის დიდ ქალაქად გადაქცევას გეგმავენ, სადაც კოკოითი თავის დე ფაქტო მთავრობასთან ერთად გადავა და ახალ რეზიდენციას შექმნის. სეპარატისტები ადგილობრივ მოსახლეობას მუდმივად ეუბნებიან, რომ ახალგორში უახლოეს მომავალში დიდი მშენებლობები დაიწყება და ახალგორს დიდ ქალაქად აქცევენ.
სანამ მშენებლობას წამოიწყებენ, მანამდე სეპარატისტები მთელი რაიონის “გაოსებას” აპირებენ. პასპორტების შეცვლის პარალელურად, კოკოითი ხელისუფლება ახალგორში ქართულად ლაპარკს კრძალავს. მართალია, ამის განხორციელება ოსებს ძალიან გაუჭირდებათ და საბოლოდ მიზანს ვერღ მიაღწევენ, მაგრამ ამ ეტაპზე მთავარია სეპარატისტების პოზიცია.
“ქართული ლაპარაკი ახალგორში უკვე იკრძალება, მაგრამ არ სრულდება. ამაში დამსახურება იქ მცხოვრებ ოსურ მოსახლეობას მიუძღვის. ოსური პასპორტების შემოღებაზე ლაპარაკი ჯერ კიდევ ადმისტრაციის ახალი ხელმძღვანელის - ანატოლი მარგიევის დანიშვნამდე იყო. ჯერ არც ეს პროცესი არ დაწყებულა, მაგრამ ეს ყველაფერი ნიშნავს, რმ ახალგორი იკარგება.
თვენახევარში რას იზამენ, ძალიან მაინტერესებს. ზამთრის პერიოდში ცხინვალიდან ახალგორში, პრაქტიკულად, ვერ მოხვდები, რადგან ამ რეგიონებს შორის დამაკავშირებელი გზა ამის საშუალებას არ იძლევა.
ის გზა, რომელიც ფლავისმანთან გადის, არის ტალახის დიდი ბუდე და ზამთრის პერიოდში გავლა-გამოვლა თითქმის შეუძლებელია. ამ გზის გაკეთებაზე კი არის ლაპარაკი, მაგრამ ჯერჯერობით არაფერი დაწყებულა”, - აცახდებს ექსპერტი კავკასიის საკითხებში მამუკა არეშიძე.
ასეთ მკვეთრ გადაწყვეტილებებს ოსები რუსი სამხედროებისაგან შესაბამისი გარანტიების უქონლობის პირობებში, რა თქმა უნდა ვერ მიიღებნ. ახალგორის რაიონიდან რუსი ოკუპანტები არსად გასულან.
სოფელ იკოთიდან გადადდგილების შემდეგ, მათ სხვა პოზიციები დაიკავეს და ისეთ შთაბეჭდილების შექმნას ცდილობენ, ვითომდა ახალგორიდან გადიან.
როგორც ახალგორის რაიონის გამგებელმა ზურაბ ფიცხელაურმა განაცხადა, რუსებმა პოზიციები შეიცვალეს და უფრო მიუვალ ადგილებში გადაინაცვლეს, ჯავშანტექნიკაც გადამამალული ჰყავთ, თუმცა სოფელ მოსაბრუნთან გამაგრებული ნაწილი იგივე პოზიციაზე დგას და არსად გასვლას არ აპირებს.
http://presa.ge/index.php?text=news&i=4038