ინტერნეტ-ფორუმების მიმოხილვა: ტიტლიკანა ქალების ქვეყანა
ხალხში არსებობს გარკვეული შიშები იმასთან დაკავშირებით, რომ მავანნი და მავანნი, ჩვენ გადაგვარებას და ტრადიციების აოტნებას აპირებენ. ამ საკითხზე ლიბერალი ფორუმელებიც კი საუბრობენ.
Jiudas Iscariot: ”ლიბერასტ-გლობალისტებისგან სრულიად კონკრეტული კითხვა მაქვს პატრიოტ-ჩოხოსნებისადმი.
კონკრეტულად, რომელ ქართულ ტრადიციას ემუქრება გადაგვარება ჩვენი ქვეყნის დასავლურ ცივილიზაციაში რე-ინტეგრირებით? უფრო კონკრეტულად, რისი გეშინიათ?
ა) - პირჯვარს გადაგვაწერინებენ მარცხნიდან მარჯვნივ?
ბ) - ხაჭაპურის და ხინკლის ჭამას გადაგვაჩვევენ?
გ) - დედმამიშვილთა სადღეგრძელოებს აგვიკრძალავენ დეკრეტით?
დ) - ბიძაშვილ-მამიდაშვილებს დაგვაქორწინებენ ერთმანეთზე?
ე.ვ.ზ.თ...) - სხვა (გაგვიზიარეთ თქვენი შიშები)
ჰ) ტოტალურ დეფლორაციას ჩაუტარებენ ივერიელ (კოლხ) ქალწულებს?
მივიღებთ მხოლოდ კონკრეტულ პასუხებს. რა არის ნამდვილი ქართული ტრადიცია და რატომ ემუქრება მას გადაგვარება?”
რუსეთი, საქართველო, სომხეთი, ომი, აოხრება, განდევნა. განა იმაზე მეტი რაღა უნდა გჭირდეს ადამიანს, ვიდრე ყოველდღე ამ საკითხებზე საუბრის მოსმენაა.
mish77384377: ”რატომღაც მგონია რომ რუსეთი უახლოეს მომავალში გეგმავს ახალქალაქის რაიონში სიტუაციის დაძაბვას. დღეს დღეობით ერთადერთი მხარე საიდანაც შეუძლია რუსეთს შემოგვიტიოს სწორდ სომხეთია. ვგულისხმობ აზრიან შემოტევას თორე ეგრე ყველაფერი შეუძლია... ანუ დღეს დღეობით ყველაზე კარგი მოსახრავი საქართველოს ახალქალაქის რაიონის მხრიდან აქვს... და რუსეთს რო მაგრა უნდა კიდე რამე მოგვაჭამოს მემგონი ცხადზე ცხადია...
შესაბამისად უბრალოდ მაინტერესებს რას ფიქრობს ხალხი და რამდენად რეალურად და შესაძლებელად ეჩვენებათ ეს ყველაფერი...
გეგმა მარტივია. ახალქალაქის რაიონში ვითომ დაიჩაგრებიან სომხები. ხოდა ოფიციალური ერევანი დაეძაბება ოფიციალურ თბილისს... ამ დაძაბულობის ფონზე ახალქალაქში სომხები კიდე უფრო ვითომ დაჩაგრეს. გათამაშდება და ოფიციალური სომხეთი არამარტო დაიძაბება არამედ ჯარს წამოიყვანს ოღონს ეს იქნება რუსულ სომხური ჯარი...”
რამდენიმე დღის წინ, ინგლისიდან ჩამოსული კაცი მესაუბრებოდა იმაზე, თუ როგორ ეშინიათ ბრიტანეთში რუსული KGB-სი. სადაც ინგლისელებს ეშინიათ, ქართველებს რატომ არ შეგვეშინდება ვითომ?
KGB (კაგებე), როდესმე თუ უცდიათ თქვენი გადაბირება?
საერთოდ, რა ურთიერთობა გქონიათ ამ ორგანიზაციასთან?
რამდენად დიდია მისი (სამართალმემკვიდრის) გავლენა საქართველოს დღევანდელობაზე?
პირადად მე ასეთი ისტორია მაკავშირებს:
უნივერსიტეტის დამთავრებიდან 10 წლის შემდეგ მეგობარმა გამანდო, რომ სწავლის პერიოდში შესთავაზეს თანამშრომლობა. დაიბარა დეკანის მოადგილემ (ამას თანამდებობით ეკუთვნოდა თურმე კაგებეშნიკობა) და გააცნო სუკის ოფიცერი, რომელმაც პაემანი დაუნიშნა - ამა და ამ დროს მოხვალ ამა და ამ ადგილას და ჩაჯდები ამა და ამ ნომერ მანქანაშიო.
მეგობარს თავი კინოში ეგონა და ძალიანაც შეეშინდა. მისგან სჭირდებოდათ ერთი შეხედვით, სრულიად უმნიშვნელო ინფორმაცია: ვინ არიან შენი მეგობრები, რითი სუნთქავენ, რა მიდრეკილებები აქვთ, როგორი ანეკდოტები უყვართ...
ჩემმა მეგობარმა უარი უთხრა და ასეთი პასუხი მიიღო: კარგი ბიჭი ყოფილხარო. ჩემი გადაბირება რატომღაც არავის უცდია”.
თქვენს გარშემო ბევრი ყოფილა ასეთი ხალხი? ახლა ვინმეზე ხომ არ გაქვთ ეჭვი? მე - ძალიან ბევრზე.
1991წ. დეკემბრიდან მსოფლიოში ახალი გეოპოლიტიკური სიტუაცია ჩამოყალიბდა. დამთავრდა მსოფლიოს ორპოლუსიანი გეოპოლიტიკა (ცივი ომის გეოპოლიტიკა) და თვისობრივად ახალი რეალობა გაჩნდა. შეიქმნა ახალი გეოპოლიტიკური დაფის განლაგების აუცილებლობა.
Joao: ”შეიძლება ითქვას მეორე მსოფლიო ომის დასასრულის შემდეგ ახალი გეოპოლიტიკური სივრცის შექმნის ყველაზე ნიშანდობლივი ეპოქა დაიწყო. ვამბობთ დაიწყო, ვინაიდან ეს ახალი გეოპოლიტიკური დაფა ჯერჯერობით არ დალაგებულა. ის დალაგდა ნაწილობრივ.
დღევანდელი ევრაზიის გეოპოლიტიკური დაფის მოთამაშეები არიან: ევროკავშირი - საფრანგეთ-გერმანიის ალიანსის სახით, რუსეთი, ჩინეთი, ირანი, თურქეთი და ამერიკის შეერთებულ შტატები.
მიუხედავად იმისა, რომ შეინიშნება ევროკავშირის (საფრანგეთ-გერმანიის) და აშშ-ს შორის რიგ საკითხებში უთანხმოება, რაც გამოწვეულია საფრანგეთ გერმანიის გეოპოლიტიკური ინეტერესით, შეიძლება ითქვას, რომ ნატოს გაფართოების საკითხში, პრინციპული გადაწყვეტილება მიღწეულია, რაც 2008წ. ბუდაპეშტის ნატოს სამიტზე დაფიქსირდა, რომ საქართველოს და უკრაინის ნატოში მიღება აუცილებლად მოხდება. სწორედ ამ პრინციპულ გადაწყვეტილებას ვგულისხმობდით, როდესაც ევროპა-ამერიკის ერთ ბლოკზე მივანიშნეთ.
გარდა იმისა, რომ ”ნაბუკოს” პროექტი უმნიშვნელოვანესია, როგორც ალტერნატიული ენერგომომარაგების კუთხით, ასევე კასპიის ბასეინის, როგორც ენერგო რესურსებით მდიდარი რეგიონის ქვეყნების რუსეთის გავლენის სფეროდან გამოსვლის თვალსაზრისითაც”.
ერთი რამ ცხადია, ამერიკა და ნატოს წევრი ქვეყნები, პატივს სცემენ რუსეთის ინტერესებს, მაგრამ გონიერების ფარგლებში, რაც ნიშნავს იმას, რომ რუსეთს ზემოთხსენებული პროცესების განხორციელებით ბოდიში მოუხადეს, თან უთხრეს, რომ ის ვეღარ იქნება მსოფლიო თვითმპყრობელი
დამთავრდება როდესმე ქართული ”დოვნანა” პოლიტიკა? ”მიშა გადადექი!” ”მოვდივარ!” ”მივდივარ!” და ა.შ.
ბაბუაგიორგი: ”არცეთი პოლიტიკური პარტიას არ გააჩნდა და არ გააჩნია პროგრამა და ყველა ”ჰარი ჰარალე დიდოუ ნანათი” აპირებს ხელისუფლებაში მოსვლას.
დროა ბოლო მოეღოს კიდევ ერთი ტიპის მარაზმს ”ამასთან იდგა, იქ შევამჩნეთ, ადრე ამ პარტიაში იყო და ჭრელო პეპელას მღეროდა”.
პოლიტიკურ პარტიას უნდა ჰქონდეს პოლიტიკური პროგრამა, რომელიც უნდა იყოს ახლოს რეალობასთან. ამ პროგრამაში უნდა იყოს ასახული მთავარი პრიორიტეტები:
1. საქართველოს ეკონომიური განვითარება;
2. ტერიტორიული მთლიანობის მოწესრიგება;
3. საგარეო პოლიტიკა
და ა.შ.”
თქვენი არ ვიცი და მე პირადათ მხარს დავუჭერ იმ პოლიტიკოს და იმ პოლიტიკურ პარტიას რომელიც რეალისტურ პროგრამას წარადგენს.
ძირს ”დოვნანა” მარაზმი!”
