↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დედის გლოვა

ქინქლაძე ზაზა

2026-07-181 წთ საკითხავი4207 ნახვა

—
რამდენი მაყარი მოგყოლია,
ჩემო სიხარულო, ტკბილო,
რა დიდი ქორწილი გაგიმართავს,
რა მშვენიერი ხარ, შვილო.
მზეთუნახავები შეგნატროდნენ,
ჩემო დედისერთა ბიჭო,
სიკვდილზე რაღად დაქორწინდი?!
სიკვდილის სარეცელი გიჯობს?!
შენ, ჩემო ავო პატარძალო,
ნუ ხარ ეგეთი ქუში,
კარგად მოუარე ჩემს საფიცარს,
თბილად ჩაიკარი გულში.
ოღონდ ჯერ გვაცალეთ ჩახუტება
მე და ჩემს ძუძუებს დამწვარს,
მოდით, გოგონებო, მოეფერეთ,
მადლი თქვენს გამოშლილ ნაწნავს.
რა თავს იხოცავთ მოტირალნი,
გესმით? _ ქორწილია-მეთქი!..
რატომ აჩოჩქოლდი, ხალხო, რაო?
მხრებზე ვისი კუბო შედგით?
არა!.. არვის გაჰყვე გარეთ, ბიჭო!..
ვინღა დაგაბრუნებს სახლში?!
მზეო, ჩაიმუხლე, რა გაჩქარებს?
აქში, ღამის ჩიტო! აქში!
მიხვალ მაინც?!... გზა დამილოცნია...
ღმერთი იქ არ გელის განა? _
შვილო, იქ შენი ქორწილია,
ალბათ მიტომ წაგიყვანა.
1995-2009

ქინქლაძე ზაზა: სხვა ნაწარმოებები

მსგავსი ნაწარმოებები

დესპანი