↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დილის ს ო ნატა

ქინქლაძე ზაზა

2026-07-181 წთ საკითხავი4201 ნახვა

—
ხეებში სხივთა ქნარზე ისმის სიმღერა მზის,
განაბულია ღმერთი მიღმა იისფერ ცის.
ლურჯი ჩრდილების გამას ერევა ცვარის ხმა
და სუსხი თრთოლვით გალობს, როგორც ტაძარში ყრმა.
ნელა კიაფობს შაშვი _ სიმს ნაზად უსვამს ხემს,
სადღაც ფინია ძაღლი გამწყდარ სიმივით ყეფს.
შორით გაისმა კრინი ტოროლისა და ტარბის,
ობობის ქსელზე სხივი ჭინჭველასავით დარბის.
ჩვილის კროჭინი ისმის _ ჩემი ბადიშის ალტი,
გამოიღვიძა ოდამ, აუჭიკჭიკდა ბარტყი.
დღეს რაღაც მეტისმეტად ცისფერი არის ზეცა,
ერთად დამბრუნავს თავზე მქრალი მთვარე და მზეცა.
Mმამლის სოპრანოს ერთვის ნახირის ეჟვნის ხმა,
კლდეზე ღიღინით წყარომ ჩამოივარცხნა თმა.
კვლავ მღერის ძველი ტრიო: წარსული _ აწმყო _ ხვალ
და სალამურად მესმის ძარღვებში სისხლის ხმა.
სხივთა წკრიალი მესმის და სულის მზვარეს ვმზერ...
მადლობა, ღმერთო, მთელ დღეს ჩემი რომაა მზე!
13 აგვისტო, 2009,
აცანა

ქინქლაძე ზაზა: სხვა ნაწარმოებები

მსგავსი ნაწარმოებები

დესპანი