↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** იყო და არა იყო რა

გიორგაძე მირიან

2025-02-201 წთ საკითხავი820 ნახვა

—
იყო და არა იყო რა, ვიყავი, თან არ ვიყავი,
ღიმისგან გარიყული და სევდისგან გაურიყავი,
ვისაც გავშორდი, დაბრუნდა, ვისაც ვედევნე, გაიქცა,
მავიწყდებოდა ზოგჯერ, რომ აქ მიწა არის და იქ ცა.
შემოვათრევდი სხეულში ღვთიურ და ციურ მუსიკას,
ვხვრეპდი ყავას და იძვროდა ოთახი ჩემი პულსისგან,
ვერგებოდი და დავდევდი ცხოვრების მსქროლავ მანქანას,
როცა ვასწრებდი, ვაქცევდი ამ გზას მოსაცდელ ბაქანად.
მინდოდა, ხან არ მინდოდა ბედი სამდღიან პეპლების,
დრო ვხარჯე გამოქცევით და დრო ვხარჯე გამოდევნებით.
თუ ერთ დღეს ხალხთან ვყალბობდი, ვეღარ ვყალბობდი ფურცელთან
და ეს ფურცელი ხალხს ჩემთან შუამდგომლობას უწევდა,
იყო და არა იყო რა, ვიყავი, თან არ ვიყავი.
ღიმისგან გარიყული და სევდისგან გაურიყავი.

გიორგაძე მირიან: სხვა ნაწარმოებები

მსგავსი ნაწარმოებები

დესპანი