↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ორი ხელჯოხი (ასი სიტყვა)

გიორგაძე მირიან

2025-02-201 წთ საკითხავი826 ნახვა

—
მზე ცალი თვალით იჭყიტებოდა ღრუბლის საფარიდან.
ისინი მოდიოდნენ.
მწყობრად ეხებოდა ორი ხელჯოხი ფილაქანს.
მე - შემხვედრი მათზე ჩქარი ნაბიჯით, მალე ვცდებოდი მათ.
ფიქრებში მიმყვებოდა მათი დაკოჟრილი ხელები, ერთით ხელჯოხს მინდობოდნენ, მეორეთი ერთმანეთს.
თავიდან არ ამომდიოდა მათი ღიმილი.
ცელოფნით მოჰქონდათ კატის საკვები, რომელიც მათ სანოვაგეზე მსუბუქი არ იქნებოდა, თუ უფრო მძიმე არა.
არსად ეჩქარებოდათ, ალბათ უკვე ბევრი მოესწროთ.
მეორე დღეს გაწვიმდა, იმ ადგილზე არავინ შემხვედრია.
და თვალწინ მედგნენ სახლში დარჩენილი მოხუცები მათი დღესავით გრძელი საქსოვი ძაფის გორგალით.
რამდენიმე დღე გადაბმულად წვიმდა, როგორც ჩვენს ქალაქს ჩვევია.
შემდეგ დღეს ღრუბლის საფარიდან მზემ გამოიჭყიტა.
ის მოდიოდა.
არეულად ეხებოდა ორი ხელჯოხი ფილაქანს.
ნეტავ, არ გამოედარა.

გიორგაძე მირიან: სხვა ნაწარმოებები

მსგავსი ნაწარმოებები

დესპანი