↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** გატეხე ჩვენი მყიფე ნაძლევი

ფუტკარაძე ნიკა

2025-02-201 წთ საკითხავი1333 ნახვა

—
გატეხე ჩვენი მყიფე ნაძლევი,
მოერგე კლიშეს და სხვა კონტექსტებს,
მე მელოდია ვიყავი ძველი,
შენ კი მნახე და გამაორკესტრე.
ახლა ჩემს ხელსაც ვაქცევდი ხემად,
ჩავებერები სულად საყვირებს,
თუ ფოთოლივით კვლავ შეირხევა,
სულ ერთხელ მაინც შენი საყურე.
დაბრუნდი თორემ ქარიშხლებია,
დაბრუნდი ჩემით დახელოვნდები
და კართან ერთად გაიხსნებიან,
საყელოები, სახელოები.
შენი სხეულის სასახლეს ვუცდი,
ჩემი ოდიდან გადმოვფორმდები,
ავაყვავილოთ ქოთნები ფურცლის,
კვლავ მელნისფერი მეტაფორებით.

ფუტკარაძე ნიკა: სხვა ნაწარმოებები

მსგავსი ნაწარმოებები

დესპანი