↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

უშენობა

გველესიანი რაჟდენ

2008-12-201 წთ საკითხავი1244 ნახვა

—
ფიქრმა უძილობით ღამე გაარღვია,
მთვარე ტოტებშია კავით გახლართული,
ვამჩნევ აივანზე ნისლის ნაბადია,
ირგვლივ შუქებია ყველგან გამორთული.
ოთახს უშენობის სუნთქვა შეერია,
წვიმა ჟოლობიდან მოსჩუხს მორაკრაკე,
ახლა უშენობა ისე მომერია,
როგორც დაქანცულ კაცს ძილი მონავარდე.
ქარმა თაროები ქროლვით გადაკოცნა,
გულში მონატრება ვეღარ შევინახე,
მერე სასწაულმა უფრო გამაოცა,
ზეცის აივნიდან მოსჩანს შენი სახე.

გველესიანი რაჟდენ: სხვა ნაწარმოებები

მსგავსი ნაწარმოებები

დესპანი