↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ეჰ, ძვირფასო გზებო!

ხალვაში ფრიდონ

2017-05-121 წთ საკითხავი52769 ნახვა

—
ეჰ, ძვირფასო გზებო, გზებო ალვიანო,
მინდა თქვენი ლურჯი სივრცე გავიარო.
გზისპირ გრილოებში მომღერალო ღარო,
მომაშხეფე წყარო, თუკი დავიღალო.
შენი ერთი წვეთიც ისე გამამაგრებს,
რომ ძარღვების ჩქეფა ვეღარასდროს ჩაქრეს.
გზებო, გზებო, რად ღირს ზოგჯერ ხეტიალი,
როცა მეგობარი ქვეყნად მეტი არი.
როცა სიყვარული ქვეყნად მეტი არი,
მშვენიერო გზებო, რად ღირს ხეტიალი!
მე რომ ბილიკებით გაველ ფართო გზაზე,
მითხრეს: _ ეს გზა ასე გაგრძელდება ას წელს.
და მეტკინა გული, რომ დაუდეს ზღვარი
გზას, რომელიც ჩემი გასავლელი არი.
1958
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი