↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

1956

ხალვაში ფრიდონ

2015-05-121 წთ საკითხავი52788 ნახვა

—
ორმოცდაოთხი წლის შემდეგ ჩემი
სახლი ასევე მიმიღებს ლხინით
და მე, _ იმდენი წლებით ნაცემი,
სუფრაზე დავდებ ჭაღარა ღიმილს.
მომავალ აისს გავხედავთ ალბათ
და სიცივეში გავაღებთ სარკმლებს...
დიასახლისი დაიჭერს ქათამს,
მაგრამ ვეღარსად იშოვის დამკვლელს...
და შევექცევით მხოლოდღა მწვანილს
და საუკუნეს შევხვდებით დილით,
თვით აივანზე გამოსვლაც დამღლის
და შუადღეზე მომივა ძილი.
ძილის წინ ჩემთან დაჯდება ვაჟი,
თავის შეკითხვას ვერ გამაგონებს...
იგი ჩემს შემდეგ დარჩება სახლში
და საუკუნეს მას დავუტოვებ.
1955
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი