↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ის მიდიოდა

ფხოველი ჯარჯი

2026-07-181 წთ საკითხავი2068 ნახვა

—
ის მიდიოდა და ტიტველ ქუჩას
გულზე თავის ჩრდილს აფარებდა...
და კაცების ხარბი თვალები
კვალზე მისდევდენ და კორტნიდენ იმის მშვენებას
მშიერ ყორნების ნისკარტებივით...
მიდიოდა, როგორც დილა გაზაფხულისა,
გულში რომ იკრავს
სიზმრებიდან გამოქცეულ ადამიანებს,
ერთურთს დილის არაყივით რომ უწვდიან
სანდო სიტყვებს მისალმებისა...
ის მიდიოდა და გაშლილი თმებით ფარავდა
კაცების დაღლილ და ტიტველ გულებს,
რომლებზეც ომში დალეწილი ხმლები იყო
ამოტვიფრული
და ზედ მოჭრილი მტრის მკლავები
სისხლით ეხატა...
ფხოველი ჯარჯი

ფხოველი ჯარჯი: სხვა ნაწარმოებები

მსგავსი ნაწარმოებები

დესპანი