↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ამ ქვეყანაზე

ხალვაში ფრიდონ

2015-05-121 წთ საკითხავი52778 ნახვა

—
ამ ქვეყანაზე მეც მიმღერია,
რომ განთიადი იისფერია,
რომ სიხარული ქვეყნად ბევრია,
მაგრამ ის მაინც არაფერია,
სიმწრის გაგება თუ ვერ შეძელი.
მტერზე თუ ხმალი ამიღერია,
მეზობლის წყალი არ მიმღვრევია,
მიყვარს სამშობლოს ქვა თუ მტვერია,
ამ ქვეყანაზე მეც მიმღერია
ლექსი მზისა და ლექსი ენძელის.
ჩემი საქები ყველა ერია,
მაგრამ ქარია თუ მეწყერია,
ქართული ზეცა ჩემი ჭერია,
ამიტომ ვამბობ: ჩემი კერია _
ჩემი აჭარა იყოს დღეგრძელი!
1956
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი