↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ფიქრი ნაზიმ ჰიქმეთის სახლთან, პერედელკინოში

ხალვაში ფრიდონ

2017-05-121 წთ საკითხავი52778 ნახვა

—
თოვლიანი ის დღე თეთრი,
ყინვიანი ის დღე შორი,
დღე სხვაგვარად გამითენდა
ამ ლურჯ არყის ხეებს შორის.
ჯდა მგოსანი დერეფანში,
გარს მოსკოვი ჩანდა მთელი
და წარსულთან ვკამათობდით
ის _ თურქი და მე _ ქართველი.
სახელებს რად იცვლით? _ მკითხა
და თვალს თვალით შევეყარე,
ფიქრებს იქით მომელანდა
ნაწვალები ჩემი მხარე.
ვკადრე: _ ნაზიმ, მეგობარო,
მწყინს, ასე ბჭობ შენაც, თურმე,
სახელი არ შემიცვლია,
მე სახელი დავიბრუნე.
1978
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი