↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ღამის დარაჯი

ხალვაში ფრიდონ

2017-05-121 წთ საკითხავი52781 ნახვა

—
დადის დარაჯი, კარებდახურულ
შენობის წინა,
არ ეძინება ფოთლებში ნიავს,
ეზოებს სძინავთ,
დადის დარაჯი კარებდახურულ
შენობის წინა.
მე რომ ხანდახან ჩავივლი აქა
ღამით, გვიანა,
შედგება იგი, გამომაყოლებს
თვალს ეჭვიანად,
როცა ხანდახან ჩავივლი აქა
ღამით, გვიანა...
და მე, რატომღაც,
გული მეწვის,
თანაც მრცხვენია,
რადგან ჩემ გამო შუშის კართან
ღამით მცველია.
როდის იქნება, კარს დარაჯი
არ დასჭირდება,
მაშინ ეს ლექსიც, მეგობარო,
გაგიკვირდება...
როდის იქნება, კარს დარაჯი
არ დასჭირდება?
1958
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი