↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ჩემი ვარსკვლავი

ხალვაში ფრიდონ

2023-05-121 წთ საკითხავი52772 ნახვა

—
ღამეში ერთი თეთრი ვარსკვლავი
მოვა, დაჯდება ჩემს ფანჯარაზე
და მოცახცახე სხივთა თაკარით
ძილის წინ ფიქრებს გამილამაზებს.
მე ბავშვობიდან ვიცნობდი იმას,
ბევრ საიდუმლოს ვეუბნებოდი,
ქვეშ დავიგებდი ცვრით დამბალ თივას,
ოცნებით ზეცას ვეუფლებოდი.
ის არის ჩემი დიდება თითქოს,
ის არის ჩემი სიცოცხლის ღელვა,
შურით გავყურებ ვარსკვლავებს დიდრონს,
ადამიანი მგონია ყველა.
პატარა ჰქონდა ჩემსას სინათლე,
ვამბობდი, ალბათ მალე გაქრება,
მაგრამ ვიცოდი _ ცის სიდიადე
უმისოდ მაინც არ ივარგებდა.
1960
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი